'ಧೋನಿ ಮತ್ತೆ ಕ್ಯಾಪ್ಟನ್' ಎಂದಿದ್ದಕ್ಕೆ ಕೋಮಾದಲ್ಲಿದ್ದವ ಎದ್ದು ಕುಳಿತ!

ಬೆಂಗಳೂರು, ಸೆಪ್ಟೆಂಬರ್ 25: ಎಂಎಸ್ ಧೋನಿ ಮತ್ತೆ ಕ್ಯಾಪ್ಟನ್ ಆಗಿ ಕಣಕ್ಕೆ ಎಂಬುದನ್ನು ನೋಡುತ್ತಿದ್ದಂತೆ, ಅಭಿಮಾನಿಗಳು ಸಕತ್ ಸಂತಸದಿಂದ ಟ್ವೀಟ್ ಮಾಡಲು ಆರಂಭಿಸಿದ್ದಾರೆ. ಏಷ್ಯಾ ಕಪ್ 2018ರ ಸೂಪರ್ 4 ಹಂತದ ಇಂದಿನ ಪಂದ್ಯದಲ್ಲಿ ಅಫ್ಘಾನಿಸ್ತಾನದ ವಿರುದ್ಧ ನಾಯಕರಾಗಿ ಎಂಎಸ್ ಧೋನಿ ಮೈದಾನಕ್ಕಿಳಿದರು.

ನಾಯಕ ರೋಹಿತ್ ಶರ್ಮ, ಉಪ ನಾಯಕ ಶಿಖರ್ ಧವನ್ ಇಬ್ಬರೂ ಈ ಪಂದ್ಯದಲ್ಲಿ ಆಡುತ್ತಿಲ್ಲ. ಭಾರತ ತಂಡದಲ್ಲಿ ಭಾರಿ ಬದಲಾವಣೆ ಮಾಡಲಾಗಿದ್ದು, ಬೆಂಚ್ ನಲ್ಲಿ ಕುಳಿತಿದ್ದ ಅನೇಕ ಆಟಗಾರರು ಇಂದು ಆಡುವ ಅವಕಾಶ ಪಡೆದುಕೊಂಡಿದ್ದಾರೆ. ವೇಗಿ ದೀಪಕ್ ಚಾಹರ್ ಅವರು ಚೊಚ್ಚಲ ಪಂದ್ಯವಾಡುತ್ತಿದ್ದಾರೆ.

2017ರಲ್ಲಿ ನಾಯಕರಾಗಿ ತಂಡವನ್ನು ಮುನ್ನಡೆಸಿದ್ದ ಧೋನಿ ಅವರು, ಈ ಬಗ್ಗೆ ಪ್ರತಿಕ್ರಿಯಿಸಿ 200ನೇ ಪಂದ್ಯಕ್ಕೆ ನಾಯಕನಾಗಿ ಕಣಕ್ಕಿಳಿಯುವುದು ಖುಷಿಕೊಟ್ಟಿದೆ ಎಂದಿದ್ದಾರೆ.