ಪಾಕಿಸ್ತಾನದ ವಿರುದ್ಧ ತನ್ನ ಯೋಜನೆ ಬಹಿರಂಗಪಡಿಸಿದ ಸೂರ್ಯಕುಮಾರ್ ಯಾದವ್

ಇತರ ಪಂದ್ಯಗಳಂತೆಯೇ ಸಿದ್ಧತೆ

ಪಾಕಿಸ್ತಾನ ವಿರುದ್ಧದ ಪಂದ್ಯಕ್ಕೆ ಸಿದ್ಧತೆಯ ಬಗ್ಗೆ ಮಾತನಾಡಿದ ಸೂರ್ಯಕುಮಾರ್ ಯಾದವ್ ತಾವು ಈ ಪಂದ್ಯಕ್ಕಾಗಿ ಮೈದಾನಕ್ಕೆ ಇಳಿಯವುದಕ್ಕೂ ಮುನ್ನ ಇತರ ತಂಡಗಳ ವಿರುದ್ಧ ನಡೆಸುವ ರೀತಿಯಲ್ಲಿಯೇ ಅಭ್ಯಾಸ, ತರಬೇತಿಯನ್ನು ನಡೆಸುತ್ತೇವೆ. ಮೈದಾನದಲ್ಲಿಯೂ ಅದು ಫತಿಫಲಿಸುತ್ತದೆ. ನಾನು ಮೈದಾನಕ್ಕೆ ಇಳಿಯುವಾಗಲೂ ಅಷ್ಟೇ. ಹಾಗೆಯೇ ಇರುತ್ತದೆ. ಯಾವ ರೀತಿಯ ಪೈಪೋಟಿ ನಡೆಯುತ್ತದೆ ಎಂಬುದನ್ನು ಆಲೋಚಿಸುವುದಿಲ್ಲ ಹಾಗೂ ಹೊರಗಡೆ ಯಾವ ರೀತಿಯ ನಿರೀಕ್ಷೆಗಳು ಇರುತ್ತವೆ ಎಂಬುದರ ಬಗ್ಗೆ ಯೋಚಿಸುವುದಿಲ್ಲ. ನಾನು ನನ್ನ ವಲಯದಲ್ಲಿಯೇ ಇದ್ದು ಎಂದಿನ ಶೈಲಿಯಲ್ಲಿಯೇ ಆಡುವುದಕ್ಕೆ ಬಯಸುತ್ತೇನೆ" ಎಂದಿದ್ದಾರೆ ಸೂರ್ಯಕುಮಾರ್ ಯಾದವ್.

ಹಾಂಕಾಂಗ್ ವಿರುದ್ಧ ಅಬ್ಬರಿಸಿದ್ದ ಸೂರ್ಯ

ಭಾರತದ ಮಧ್ಯಮ ಕ್ರಮಾಂಕದ ಪ್ರಮುಖ ಆಟಗಾರ ಸೂರ್ಯಕುಮಾರ್ ಯಾದವ್ ಹಾಂಕಾಂಗ್ ವಿರುದ್ಧದ ಪಂದ್ಯದಲ್ಲಿ ಸ್ಪೋಟಕ ಪ್ರದರ್ಶನ ನೀಡಿ ಮಿಂಚಿದ್ದಾರೆ. ಕೇವಲ 26 ಎಸೆತಗಳನ್ನು ಎದುರಿಸಿದ ಸೂರ್ಯ 68 ರನ್‌ಗಳನ್ನು ಸಿಡಿಸಿ ಮಿಂಚಿದ್ದಾರೆ. ಮತ್ತೊಂದು ತುದಿಯಲ್ಲಿದ್ದ ವಿರಾಟ್ ಕೊಹ್ಲಿ 44 ಎಸೆತಗಳಲ್ಲಿ 59 ರನ್‌ಗಳನ್ನು ಗಳಿಸಿದ್ದರು. ಈ ಪ್ರದರ್ಶನದ ಕಾರಣದಿಂದಾಗಿ ಭಾರತ ಆ ಪಂದ್ಯದಲ್ಲಿ ಕೇವಲ ಎರಡು ವಿಕೆಟ್ ಕಳೆದುಕೊಂಡು ಭರ್ಜರಿ 192 ರನ್‌ಗಳನ್ನು ಗಳಿಸಿತ್ತು.

SKY ಆಟಕ್ಕೆ ತಲೆಬಾಗಿದ ಕೊಹ್ಲಿ

ಹಾಂಕಾಂಗ್ ವಿರುದ್ಧದ ಪಂದ್ಯದಲ್ಲಿ ಸೂರ್ಯಕುಮಾರ್ ನೀಡಿದ ಪ್ರದರ್ಶನಕ್ಕೆ ಮತ್ತೊಂದು ತುದಿಯಲ್ಲಿ ನಿಂತು ಸಾಕ್ಷಿಯಾಗಿದ್ದ ವಿರಾಟ್ ಕೊಹ್ಲಿ ಭಾರೀ ಪ್ರಶಂಸೆಯ ಮಾತುಗಳನ್ನು ಆಡಿದ್ದಾರೆ. "ಐಪಿಎಲ್‌ನಲ್ಲಿ ನಾವು ಆಡಿದಾಗ ಅವರ ಸಾಕಷ್ಟು ಇನ್ನಿಂಗ್ಸ್‌ಗಳನ್ನು ನೋಡಿದ್ದೇನೆ. ಆದರೆ ಇಷ್ಟು ಹತ್ತಿರದಲ್ಲಿ ನಿಂತು ಅವರ ಆಟವನ್ನು ನೋಡುವುದು ನನ್ನ ಮೊದಲ ಅನುಭವ. ನಾನು ಸಂಪೂರ್ಣವಾಗಿ ಕಳೆದುಹೋಗಿದ್ದೆ. ಇಂದು ನೀವು ಆಡಿದ ರೀತಿಯನ್ನು ನೋಡಿದರೆ ಆ ಲಯದಲ್ಲಿ ನೀವು ಇರಲು ಸಾಧ್ಯವಾದರೆ ವಿಶ್ವದ ಯಾವುದೇ ತಂಡದ ವಿರುದ್ಧವೂ ಅಕ್ಷರಶಃ ಪಂದ್ಯವನ್ನು ಎಳೆದುಕೊಂಡು ಬಿಡಬಹುದು" ಎಂದು ಸೂರ್ಯಕುಮಾರ್ ಯಾದವ್ ಬಗ್ಗೆ ವಿರಾಟ್ ಕೊಹ್ಲಿ ಮೆಚ್ಚುಗೆಯ ಸುರಿಮಳೆಗೈದಿದ್ದರು.