IND vs PAK T20: ಭಾರತ, ಪಾಕ್‌ ಕಾದಾಟದಲ್ಲಿ ಗರಿಷ್ಠ ರನ್ ಬಾರಿಸಿದ ಟಾಪ್‌ 5 ಬ್ಯಾಟರ್ಸ್‌ ಪಟ್ಟಿ

ಈಗಾಗಲೇ ಏಷ್ಯಾ ಕಪ್ ಟಿ20 ಟೂರ್ನಿ ಆರಂಭವಾಗಿದೆ. ಈ ಟೂರ್ನಿಯಲ್ಲಿ ಒಟ್ಟು 8 ರಾಷ್ಟ್ರಗಳು ಭಾಗವಹಿಸುತ್ತಿವೆ. ಈ ಪ್ರತಿಷ್ಠಿತ ಟೂರ್ನಿಯಲ್ಲಿ ಭಾಗವಹಿಸುವ ತಂಡಗಳನ್ನು 2 ಗುಂಪುಗಳಲ್ಲಿ ವಿಂಗಡಿಸಲಾಗಿದೆ. ಈ ಟೂರ್ನಿಯಲ್ಲಿ ಟೀಮ್ ಇಂಡಿಯಾ ಹಾಗೂ ಪಾಕಿಸ್ತಾನ ಒಂದೇ ಗುಂಪಿನಲ್ಲಿ ಸ್ಥಾನ ಪಡೆದಿವೆ. ಈ ಪಂದ್ಯ ವಿಶ್ವದ ಚಿತ್ತ ಕದ್ದಿದೆ. ಉಭಯ ತಂಡಗಳು ಮೈದಾನಕ್ಕೆ ಇಳಿದಾಗಲೆಲ್ಲಾ ಹವೋಲ್ಟೇಜ್ ಕಾವು ಇದ್ದೇ ಇರುತ್ತದೆ. ಈ ಬಾರಿಯೂ ಏಷ್ಯಾ ಕಪ್‌ನ್ಲಿ ಉಭಯ ತಂಡಗಳು ಭಾನುವಾರ (ಸೆ.14) ಕಾದಾಟ ನಡೆಸಲಿವೆ.

ಟಿ20 ಪಂದ್ಯಗಳಲ್ಲಿ ಉಭಯ ತಂಡಗಳು ಮೈದಾನಕ್ಕೆ ಇಳಿದಾಗ ಜಿದ್ದು ಕಂಡು ಬರುತ್ತದೆ. ಉಭಯ ತಂಡಗಳಲ್ಲೂ ಸ್ಟಾರ್‌ ಆಟಗಾರರು ಇದ್ದು ಎಲ್ಲರ ಕಣ್ಣುಗಳ ಅವರ ಮೇಲೆ ನೆಟ್ಟಿರುತ್ತವೆ. ಒಟ್ಟಾರೆ ಟಿ20 ಕ್ರಿಕೆಟ್‌ ಟೂರ್ನಿಯಲ್ಲಿ ಭಾರತ, ಪಾಕ್‌ ಪರ ಅತಿ ಹೆಚ್ಚು ರನ್ ಬಾರಿಸಿದ ಆಟಗಾರರ ಪಟ್ಟಿ ಇಲ್ಲಿದೆ.

ಉಭಯ ತಂಡಗಳು ಮೈದಾನಕ್ಕೆ ಇಳಿದಾಗ ಅತಿ ಹೆಚ್ಚು ರನ್ ಬಾರಿಸಿದ ಆಟಗಾರ ವಿರಾಟ್‌ ಕೊಹ್ಲಿ. ಇವರು ಪಾಕ್‌ ವಿರುದ್ಧ ಸೊಗಸಾದ ಆಟ ಪ್ರದರ್ಶಿಸಿ ಅಭಿಮಾನಿಗಳಿಗೆ ಹಬ್ಬದೂಟವನ್ನು ಉಣ ಬಡಿಸಿದ್ದಾರೆ. 11 ಬಾರಿ ಪಾಕ್‌ ವಿರುದ್ಧ ಟಿ20 ಪಂದ್ಯಗಳಲ್ಲಿ ಬ್ಯಾಟ್ ಮಾಡಿರುವ ವಿರಾಟ್‌ 70ರ ಸರಾಸರಿಯಲ್ಲಿ 492 ರನ್‌ ಸಿಡಿಸಿದ್ದಾರೆ. ಇದರಲ್ಲಿ 5 ಅರ್ಧಶತಕಗಳು ಸೇರಿವೆ.

ವಿರಾಟ್‌ ಕೊಹ್ಲಿ ಗರಿಷ್ಠ ರನ್‌

ಗರಿಷ್ಠ ರನ್‌ ಸಾಧಕರ ಪಟ್ಟಿಯಲ್ಲಿ ಮೊಹಮ್ಮದ್‌ ರಿಜ್ವಾನ್‌ ಅವರಿಗೆ ಎರಡನೇ ಸ್ಥಾನ. ಇವರು ಆಡಿದ 5 ಪಂದ್ಯಗಳಲ್ಲಿ 228 ರನ್‌ ಸಿಡಿಸಿದ್ದಾರೆ. ಈ ವೇಳೆ ಇವರು 2 ಅರ್ಧಶತಕ ಸಿಡಿಸಿದ್ದಾರೆ. ಇನ್ನು ಹೆಚ್ಚು ರನ್‌ ಬಾರಿಸಿದ ಆಟಗಾರರ ಪಟ್ಟಿಯಲ್ಲಿ ಮಾಜಿ ಆಟಗಾರ ಶೋಯಿಬ್‌ ಮಲಿಕ್‌ ಅವರಿಗೂ ಸ್ಥಾನ. ಇವರು ಆಡಿದ 9 ಪಂದ್ಯಗಳಲ್ಲಿ 164 ರನ್‌ ಸಿಡಿಸಿದ್ದಾರೆ.

ಎರಡೂ ದೇಶಗಳ ನಡುವಣ ಪಂದ್ಯದಲ್ಲಿ ಅತಿ ಹೆಚ್ಚು ರನ್ ಬಾರಿಸಿದ ಆಟಗಾರರ ಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿ ಯುವರಾಜ್ ಸಿಂಗ್‌ ಅವರಿಗಿದೆ. ಇವರು 9 ಪಂದ್ಯಗಳಲ್ಲಿ 164 ರನ್‌ ಬಾರಿಸಿದ್ದಾರೆ.

ಪಾಕ್‌ ವಿರುದ್ದ ಅತಿ ಹೆಚ್ಚು ರನ್ ಬಾರಿಸಿದ ಭಾರತೀಯ ಬ್ಯಾಟರ್ಸ್‌

ವಿರಾಟ್‌ ಕೊಹ್ಲಿ, 492 ರನ್‌
ಯುವರಾಜ್‌ ಸಿಂಗ್‌, 155 ರನ್‌
ಗೌತಮ್‌ ಗಂಭೀರ್‌, 139 ರನ್‌
ರೋಹಿತ್‌ ಶರ್ಮಾ, 127 ರನ್‌
ರಿಷಭ್‌ ಪಂತ್‌, 95 ರನ್‌

ಭಾರತ ಹಾಗೂ ಪಾಕ್ ತಂಡಗಳು ಅಂಗಳಕ್ಕೆ ಇಳಿದಾಗ ಒಂದೇ ಇನಿಂಗ್ಸ್‌ನಲ್ಲಿ ಅತಿ ಹೆಚ್ಚು ರನ್ ಬಾರಿಸಿದ ಕೀರ್ತಿ ಸಹ ವಿರಾಟ್‌ ಕೊಹ್ಲಿ ಅವರಿಗೆ ಸಲ್ಲುತ್ತದೆ. ಇವರು 2022ರ ಮೆಲ್ಬೋರ್ನ್‌ ಅಂಗಳದಲ್ಲಿ ಸ್ಮರಣೀಯ ಇನಿಂಗ್ಸ್‌ ಆಡಿ ಎಲ್ಲರೂ ಹುಬ್ಬೇರುವಂತೆ ಮಾಡಿದ್ದರು. ಈ ಪಂದ್ಯದಲ್ಲಿ ಅಜೇಯ 82 ರನ್‌ ಬಾರಿಸಿದ್ದು ಉಭಯ ದೇಶಗಳ ನಡುವಣ ಕಾದಾಟದಲ್ಲಿ ಗರಿಷ್ಠ ಮೊತ್ತವಾಗಿದೆ. ಅಲ್ಲದೆ ವಿರಾಟ್‌ ಅವರೇ 2012ರಲ್ಲೂ ಇದೇ ಪಾಕ್‌ ವಿರುದ್ಧ ಅಜೇಯ 72 ರನ್‌ಗಳ ಇನಿಂಗ್ಸ್‌ ಕಟ್ಟಿದ್ದರು.

ಭಾರತ, ಪಾಕ್‌ ನಡುವಣ ಒಂದೇ ಇನಿಂಗ್ಸ್‌ನಲ್ಲಿ ಹೆಚ್ಚು ರನ್‌

ವಿರಾಟ್‌ ಕೊಹ್ಲಿ (ಭಾರತ), 82* ರನ್‌
ಮೊಹಮ್ಮದ್‌ ರಿಜ್ವಾನ್‌ (ಪಾಕಿಸ್ತಾನ), 79* ರನ್‌
ವಿರಾಟ್‌ ಕೊಹ್ಲಿ (ಭಾರತ), 78* ರನ್‌
ಗೌತಮ್‌ ಗಂಭೀರ್‌ (ಭಾರತ), 75 ರನ್‌
ಯುವರಾಜ್‌ ಸಿಂಗ್ (ಭಾರತ), 72 ರನ್‌