IPL 2024: ಆರ್‌ಸಿಬಿ ಅಭಿಮಾನಿಗಳಿಗೆ 'ಮ್ಯಾಕ್ಸಿ'ಮಮ್ ಖುಷಿ; ಎದುರಾಳಿಗೆ ನಡುಕ ಹುಟ್ಟಿಸಿದ ಮ್ಯಾಕ್ಸಿ!

ಭಾನುವಾರ, ಫೆಬ್ರವರಿ 11ರಂದು ಅಡಿಲೇಡ್‌ನಲ್ಲಿ ನಡೆದ ವೆಸ್ಟ್ ಇಂಡೀಸ್ ವಿರುದ್ಧದ 2ನೇ ಟಿ20 ಪಂದ್ಯದ ವೇಳೆ ಗ್ಲೆನ್ ಮ್ಯಾಕ್ಸ್‌ವೆಲ್ ತಮ್ಮ ಐದನೇ ಟಿ20 ಅಂತಾರಾಷ್ಟ್ರೀಯ ಶತಕ ಬಾರಿಸುವ ಮೂಲಕ ರೋಹಿತ್ ಶರ್ಮಾ ಅವರ ದಾಖಲೆಯನ್ನು ಸರಿಗಟ್ಟಿದರು.

ವೆಸ್ಟ್ ಇಂಡೀಸ್ ವಿರುದ್ಧ ಕೇವಲ 55 ಎಸೆತಗಳಲ್ಲಿ ಅಜೇಯ 120 ರನ್ ಗಳಿಸಿದ ಗ್ಲೆನ್ ಮ್ಯಾಕ್ಸ್‌ವೆಲ್ ಪುರುಷರ ಟಿ20 ಶತಕಗಳ ದಾಖಲೆಯಲ್ಲಿ ಸೂರ್ಯಕುಮಾರ್ ಯಾದವ್ ಅವರನ್ನು ಹಿಂದಿಕ್ಕಿ, ಟೀಮ್ ಇಂಡಿಯಾ ನಾಯಕ ರೋಹಿತ್ ಶರ್ಮಾ ಅವರ ದಾಖಲೆಯನ್ನು ಸಮಗೊಳಿಸಿದರು.

2024ರ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 17ನೇ ಆವೃತ್ತಿಗೂ ಮುನ್ನ ಭರ್ಜರಿ ಶತಕ ಗಳಿಸುವ ಮೂಲಕ ಗ್ಲೆನ್ ಮ್ಯಾಕ್ಸ್‌ವೆಲ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ತಂಡಕ್ಕೆ ಭರ್ಜರಿ ಸಿಹಿಸುದ್ದಿ ಕೊಟ್ಟಿದ್ದಾರೆ. ಇದೇ ಫಾರ್ಮ್ ಅನ್ನು ಐಪಿಎಲ್‌ನಲ್ಲಿ ಮುಂದುವರೆಸುವ ಸಂದೇಶ ರವಾನಿಸಿದ್ದಾರೆ.

ಗ್ಲೆನ್ ಮ್ಯಾಕ್ಸ್‌ವೆಲ್ ಅವರು 55 ಎಸೆತಗಳನ್ನು ಎದುರಿಸಿ 12 ಬೌಂಡರಿ ಮತ್ತು 8 ಸಿಕ್ಸರ್‌ಗಳನ್ನು ಒಳಗೊಂಡ ಅಜೇಯ 120 ರನ್ ಗಳಿಸಿದ ನೆರವಿನಿಂದ ಆಸ್ಟ್ರೇಲಿಯಾ ನಿಗದಿತ 20 ಓವರ್‌ಗಳಲ್ಲಿ 4 ವಿಕೆಟ್‌ಗೆ 241 ರನ್ ಕಲೆಹಾಕಲು ಸಾಧ್ಯವಾಯಿತು.

ಆರ್‌ಸಿಬಿ ತಂಡದ ಸ್ಫೋಟಕ ಬ್ಯಾಟರ್ ಗ್ಲೆನ್ ಮ್ಯಾಕ್ಸ್‌ವೆಲ್ ಪ್ರತಿ ಎಸೆತವನ್ನೂ ಬೌಂಡರಿಗಾಗಿ ಹುಡುಕುತ್ತಿದ್ದರು ಮತ್ತು ಆಗಾಗ್ಗೆ ದೊಡ್ಡ ಶಾಟ್‌ಗಳ ಮೂಲಕ 25 ಎಸೆತಗಳಲ್ಲಿ ಅರ್ಧಶತಕವನ್ನು ತಲುಪಿದರು.

ಮಾರ್ಕಸ್ ಸ್ಟೊಯಿನಿಸ್ (16) ಅವರೊಂದಿಗೆ 82 ರನ್ ಜೊತೆಯಾಟ ಹಂಚಿಕೊಂಡ ಗ್ಲೆನ್ ಮ್ಯಾಕ್ಸ್‌ವೆಲ್, ಇದಕ್ಕೂ ಮುನ್ನ ಬಿಗ್-ಹಿಟ್ಟರ್ ಟಿಮ್ ಡೇವಿಡ್ (14 ಎಸೆತಗಳಲ್ಲಿ 31 ರನ್) 95 ರನ್ ಜೊತೆಯಾಟ ನಿರ್ಮಿಸಿದ್ದರು.

35 ವರ್ಷದ ಗ್ಲೆನ್ ಮ್ಯಾಕ್ಸ್‌ವೆಲ್ ಆಸ್ಟ್ರೇಲಿಯಾ ಪರ 102 ಟಿ20 ಪಂದ್ಯಗಳಲ್ಲಿ 30.83ರ ಸರಾಸರಿ ಮತ್ತು 155.26ರ ಸ್ಟ್ರೈಕ್ ರೇಟ್‌ನಲ್ಲಿ 2405 ರನ್ ಗಳಿಸಿದ್ದಾರೆ. ಮ್ಯಾಕ್ಸ್‌ವೆಲ್ ತಮ್ಮ ಐದು ಶತಕಗಳೊಂದಿಗೆ ಭರ್ಜರಿ 10 ಅರ್ಧಶತಕಗಳನ್ನು ಗಳಿಸಿದ್ದಾರೆ.

ಭಾರತದ ನಾಯಕ ರೋಹಿತ್ ಶರ್ಮಾ 151 ಪಂದ್ಯಗಳಲ್ಲಿ 31.79ರ ಸರಾಸರಿ ಮತ್ತು 139.97 ಸ್ಟ್ರೈಕ್ ರೇಟ್‌ನಲ್ಲಿ ಐದು ಶತಕಗಳನ್ನು ಗಳಿಸಿದ್ದಾರೆ ಹಾಗೂ 29 ಅರ್ಧಶತಕಗಳನ್ನು ಬಾರಿಸಿದ್ದಾರೆ.

ಸೂರ್ಯಕುಮಾರ್ ಯಾದವ್ ಪ್ರಸ್ತುತ 60 ಪಂದ್ಯಗಳಲ್ಲಿ ನಾಲ್ಕು ಶತಕ ಬಾರಿಸುವ ಮೂಲಕ ಅತಿ ಹೆಚ್ಚು ಟಿ20 ಶತಕಗಳ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ.

ಗ್ಲೆನ್ ಮ್ಯಾಕ್ಸ್‌ವೆಲ್ ಅಂತಿಮ ಓವರ್‌ ಎಸೆದ ಆಂಡ್ರೆ ರಸೆಲ್ ಬೌಲಿಂಗ್‌ನಲ್ಲಿ 2 ಬೌಂಡರಿ ಮತ್ತು 1 ಸಿಕ್ಸರ್‌ನೊಂದಿಗೆ ಡೆತ್ ಓವರ್‌ನಲ್ಲಿ ಅದ್ಭುತ ಬ್ಯಾಟಿಂಗ್ ಮಾಡಿದರು. ಆಸ್ಟ್ರೇಲಿಯಾ 241 ರನ್‌ಗಳನ್ನು ಪೂರ್ಣಗೊಳಿಸಿತು ಮತ್ತು ಇದು ಪುರುಷರ ಟಿ20 ಪಂದ್ಯಗಳಲ್ಲಿ ಅವರ ನಾಲ್ಕನೇ ಗರಿಷ್ಠ ಮೊತ್ತವಾಗಿದೆ.

ಮ್ಯಾಕ್ಸ್‌ವೆಲ್ ಅವರ 120* ಪಂದ್ಯದ ಅತ್ಯಂತ ಕಡಿಮೆ ಸ್ವರೂಪದಲ್ಲಿ ಅವರ ಐದನೇ ಶತಕವಾಗಿದೆ, ಪುರುಷರ ಆಟದಲ್ಲಿ T20I ಗಳಲ್ಲಿ ಅತಿ ಹೆಚ್ಚು ಶತಕಗಳನ್ನು ಗಳಿಸಿದ ರೋಹಿತ್ ಶರ್ಮಾ ಅವರೊಂದಿಗೆ ಅವರನ್ನು ಮಟ್ಟಕ್ಕೆ ತೆಗೆದುಕೊಂಡರು. ಇದು ಪುರುಷರ T20I ಗಳಲ್ಲಿ ಆಸ್ಟ್ರೇಲಿಯಾದ ಐದನೇ ಅತಿ ಹೆಚ್ಚು ವೈಯಕ್ತಿಕ ಸ್ಕೋರ್ ಆಗಿದೆ.

ಟಿ20 ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚ ಶತಕ ಗಳಿಸಿದ ಬ್ಯಾಟರ್‌ಗಳು

ಗ್ಲೆನ್ ಮ್ಯಾಕ್ಸ್‌ವೆಲ್ - 5
ರೋಹಿತ್ ಶರ್ಮಾ - 5
ಸೂರ್ಯಕುಮಾರ್ ಯಾದವ್ - 4
ಬಾಬರ್ ಅಜಂ - 3
ಕಾಲಿನ್ ಮುನ್ರೋ - 3
ಸಬಾವೂನ್ ಡೇವಿಜಿ - 3

ಆಸ್ಟ್ರೇಲಿಯಾ ತಂಡದ ಬೃಹತ್ ಗುರಿಯನ್ನು ಬೆನ್ನಟ್ಟಿದ ವೆಸ್ಟ್ ಇಂಡೀಸ್ ಬ್ಯಾಟರ್‌ಗಳು ಪ್ರಾರಂಭದಲ್ಲಿ ಅಬ್ಬರಿಸಿದರು. ಆದರೆ ಅದನ್ನು ಆಟದುದ್ದಕ್ಕೂ ಮುಂದುವರೆಸಲು ಸಾಧ್ಯವಾಗಲಿಲ್ಲ. ಕೆಳ ಕ್ರಮಾಂಕದ ರನ್‌ಗಳೊಂದಿಗೆ ತಂಡವು ಮತ್ತೊಮ್ಮೆ 200 ರನ್‌ಗಳ ಗಡಿ ದಾಟಿತು. ಆದರೆ ಗೆಲುವಿನ ಸಮೀಪಕ್ಕೆ ಬರಲು ವಿಫಲವಾಯಿತು, ಅಂತಿಮವಾಗಿ ವೆಸ್ಟ್ ಇಂಡೀಸ್ 34 ರನ್‌ಗಳಿಂದ ಸೋಲು ಅನುಭವಿಸಿತು.