AUS vs WI: ವಿಂಡೀಸ್‌ ಬೌಲರ್‌ ವಿಕೆಟ್‌ ಪಡೆದ ಸೆಲೆಬ್ರೇಷನ್‌ ಸಖತ್‌ ವೈರಲ್‌

ಕ್ರಿಕೆಟ್‌ನಲ್ಲಿ ಸೆಲೆಬ್ರೆಷನ್‌ಗಳು ಕಾಮನ್‌.. ಬ್ಯಾಟ್ಸ್‌ಮನ್‌ ಶತಕ ಬಾರಿಸಿದಾಗ.. ಅರ್ಧಶತಕ ಬಾರಿಸಿದಾಗ.. ವಿಶ್ವ ದಾಖಲೆಯನ್ನು ನಿರ್ಮಿಸಿದಾಗ.. ಬೌಲರ್‌ ವಿಕೆಟ್‌ ಪಡೆದಾಗ.. ಫೀಲ್ಡರ್‌ ಕ್ಯಾಚ್‌ ಪಡೆದಾಗ, ರನೌಟ್‌ ಮಾಡಿದಾಗ ಅವರ ಸೆಲೆಬ್ರೆಷನ್‌ ಮುಗಿಲು ಮುಟ್ಟಿರುತ್ತದೆ. ಈ ಸಂಭ್ರಮಾಚರಣೆಗಳು ಹಲವು ದಿನಗಳ ಕಾಲ ಅಭಿಮಾನಿಗಳ ಮನಸ್ಸಿನಲ್ಲಿ ಶಾಶ್ವತ ಸ್ಥಾನ ಪಡೆಯುತ್ತದೆ. ಇಂತಹ ಸಂಭ್ರಮಾಚರಣೆಗಳಲ್ಲಿ ಸಾಲಿಗೆ ವೆಸ್ಟ್‌ ಇಂಡೀಸ್‌ ಆಟಗಾರನ ಸೆಲೆಬ್ರೆಷನ್‌ ಸೇರುತ್ತದೆ.

ಆಸ್ಟ್ರೇಲಿಯ ಮತ್ತು ವೆಸ್ಟ್ ಇಂಡೀಸ್ ನಡುವಿನ ಎರಡನೇ ಟೆಸ್ಟ್ ಪಂದ್ಯದ ಎರಡನೇ ದಿನದ ಪಂದ್ಯ ಮುಕ್ತಾಯವಾಗಿದೆ. ಈ ಪಂದ್ಯದಲ್ಲಿ ಎಲ್ಲರ ಚಿತ್ತ ಕದ್ದ ಒಂದು ಕ್ಷಣ ಎಂದರೆ ವೆಸ್ಟ್‌ ಇಂಡೀಸ್ ಬೌಲರ್‌ ವಿಕೆಟ್‌ ಪಡೆದಾಗ ಸಂಭ್ರಮಾಚರಣೆ ನಡೆಸಿದ್ದು ವೈರಲ್ ಆಗುತ್ತಿದೆ. . ಎರಡನೇ ದಿನದಲ್ಲಿ ಒಟ್ಟು 12 ವಿಕೆಟ್‌ಗಳು ಬಿದ್ದವು. ವೆಸ್ಟ್ ಇಂಡೀಸ್ ವೇಗದ ಬೌಲಿಂಗ್ ಮುಂದೆ ಆಸ್ಟ್ರೇಲಿಯಾದ ಅಗ್ರ ಕ್ರಮಾಂಕ ಸಂಪೂರ್ಣವಾಗಿ ರನ್ ಕಲೆ ಹಾಕುವಲ್ಲಿ ವಿಫಲವಾಯಿತು. ಒಂದು ಹಂತದಲ್ಲಿ ಆಸ್ಟ್ರೇಲಿಯಾ 54 ರನ್‌ಗಳಿಗೆ ಐದು ವಿಕೆಟ್‌ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಆ ಸಮಯದಲ್ಲಿ ಉಸ್ಮಾನ್ ಖವಾಜಾ ಮತ್ತು ಅಲೆಕ್ಸ್ ಕ್ಯಾರಿ ತಂಡದ ಜವಾಬ್ದಾರಿಯನ್ನು ವಹಿಸಿಕೊಂಡರು.

ಆ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ಪುಟಿದೆದ್ದಿರುವ ವಿಷಯ ಚರ್ಚೆಯ ವಿಷಯವಾಗಿತ್ತು. ಇದೇ ವೇಳೆ ಉಸ್ಮಾನ್ ಖವಾಜಾ ವಿಕೆಟ್ ಪಡೆದ ಕೆವಿನ್ ಸಿಂಕ್ಲೇರ್ ಸಂಭ್ರಮಾಚರಣೆ ಆಕರ್ಷಣೆಯ ಕೇಂದ್ರಬಿಂದುವಾಗಿತ್ತು. ಮೊದಲ ಅವಧಿಯ ಆರಂಭದಲ್ಲಿಯೇ ಐದು ವಿಕೆಟ್ ಕಳೆದುಕೊಂಡಿದ್ದ ಆಸ್ಟ್ರೇಲಿಯಾಕ್ಕೆ ಉಸ್ಮಾನ್ ಖವಾಜಾ ಸಾಥ್ ನೀಡಿದರು. ಉಸ್ಮಾನ್ ಖವಾಜಾ 131 ಎಸೆತಗಳನ್ನು ಎದುರಿಸಿ 75 ರನ್‌ಗಳ ಇನಿಂಗ್ಸ್ ಆಡಿದರು. ಖವಾಜಾ ಅವರನ್ನು ಕೆವಿನ್ ಸಿಂಕ್ಲೇರ್ ವಿಕೆಟ್‌ ಪಡೆದರು. ಈ ಬೌಲರ್‌ಗೆ ಇದು ಮೊದಲ ಅಂತಾರಾಷ್ಟ್ರೀಯ ವಿಕೆಟ್‌..

ಸಿಂಕ್ಲೇರ್ ಖವಾಜಾ ಅವರಿಗೆ ಆಫ್-ಸ್ಟಂಪ್‌ ಆಚೆ ಬೌಲ್ ಮಾಡಿದರು. ಮತ್ತು ಚೆಂಡು ಖವಾಜಾ ಬ್ಯಾಟ ತುದಿಗೆ ತಗುಲಿದ ಚೆಂಡು ಸ್ಲಿಪ್‌ನಲ್ಲಿ ನಿಂತಿದ್ದ ಅಲಿಕ್ ಅಥಾನಾಜ್ ಕೈ ಸೇರಿತು. ಖವಾಜಾ ಅವರ ಬ್ಯಾಟನ ಹೊರಗಿನ ಅಂಚಿಗೆ ಬಡೆದ ಚೆಂಡು ಸ್ಲಿಪ್‌ನಲ್ಲಿ ಸರಳ ಕ್ಯಾಚ್ ಪಡೆದರು. ಇದು ಟೆಸ್ಟ್ ಕ್ರಿಕೆಟ್‌ನಲ್ಲಿ ಅವರ ಮೊದಲ ವಿಕೆಟ್ ಆಗಿತ್ತು ಮತ್ತು ಸಿಂಕ್ಲೇರ್ ನಿಸ್ಸಂಶಯವಾಗಿ ಅವರ ಉತ್ಸಾಹವನ್ನು ತಡೆಯಲು ಸಾಧ್ಯವಾಗಲಿಲ್ಲ. ಸಿಂಕ್ಲೇರ್ ಡಬಲ್-ಕಾರ್ಟ್‌ವೀಲ್ ಅನ್ನು ಹೊಡೆಯುವ ಮೂಲಕ ಸಂಭ್ರಮಿಸಿದರು, ವಿಮರ್ಶಕರು ಮತ್ತು ವೀಕ್ಷಕರನ್ನು ಸಮಾನವಾಗಿ ಅಚ್ಚರಿಪಟ್ಟರು.

ಎರಡನೇ ದಿನದಾಟದ ಅಂತ್ಯದ ವೇಳೆಗೆ ವೆಸ್ಟ್ ಇಂಡೀಸ್ ಎರಡನೇ ಇನ್ನಿಂಗ್ಸ್‌ನಲ್ಲಿ ಒಂದು ವಿಕೆಟ್ ಕಳೆದುಕೊಂಡು 13 ರನ್ ಗಳಿಸಿದೆ. ವೆಸ್ಟ್ ಇಂಡೀಸ್‌ನ 311 ರನ್‌ಗಳಿಗೆ ಉತ್ತರವಾಗಿ ಆಸ್ಟ್ರೇಲಿಯಾ ತಂಡವು ತನ್ನ ಮೊದಲ ಇನ್ನಿಂಗ್ಸ್‌ನಲ್ಲಿ 9 ವಿಕೆಟ್‌ಗೆ 289 ರನ್‌ಗಳಿಗೆ ಡಿಕ್ಲೇರ್ ಮಾಡಿಕೊಂಡಿತು. ವೆಸ್ಟ್ ಇಂಡೀಸ್‌ನ ವೇಗದ ಬೌಲರ್ ಅಲ್ಜಾರಿ ಜೋಸೆಫ್ ನಾಲ್ಕು ವಿಕೆಟ್ ಪಡೆದರು.