ICC World Cup 2023: ವಾಸಿಂ ಅಕ್ರಮ್ ದಾಖಲೆಯನ್ನು ಸರಿಗಟ್ಟಿದ ಆಸೀಸ್ ವೇಗಿ

ICC ODI ವಿಶ್ವಕಪ್ 2023ರ 18ನೇ ಪಂದ್ಯದಲ್ಲಿ ಆಸ್ಟ್ರೇಲಿಯಾವು ಪಾಕಿಸ್ತಾನವನ್ನು 62 ರನ್ ಗಳಿಂದ ಸೋಲಿಸಿತು ಮತ್ತು 2023ರ ವಿಶ್ವಕಪ್ ನಲ್ಲಿ ತನ್ನ ಎರಡನೇ ವಿಜಯವನ್ನು ಸಾಧಿಸಿತು. ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಆಸ್ಟ್ರೇಲಿಯಾ ನಿಗದಿತ 50 ಓವರ್ ಗಳಲ್ಲಿ 9 ವಿಕೆಟ್ ಕಳೆದುಕೊಂಡು 367 ರನ್ ಗಳಿಸಿತು.

ಇದಕ್ಕೆ ಉತ್ತರವಾಗಿ ಪಾಕಿಸ್ತಾನ 45.3 ಓವರ್ ಗಳಲ್ಲಿ 305 ರನ್ ಗಳಿಗೆ ಆಲೌಟ್ ಆಯಿತು. ಪಂದ್ಯದಲ್ಲಿ, ಡೇವಿಡ್ ವಾರ್ನರ್ ಮತ್ತು ಮಿಚೆಲ್ ಮಾರ್ಷ್ ಆಸ್ಟ್ರೇಲಿಯನ್ ತಂಡದ ಪರ ಶತಕಗಳನ್ನು ಗಳಿಸಿದರು. ಇವರ ಬ್ಯಾಟಿಂಗ್ ಸಹಾಯದಿಂದ ತಂಡ 367 ರನ್ ಗಳಿಸಿತು. ಇವರಿಬ್ಬರ ನಡುವೆ 259 ರನ್ ಗಳ ಆರಂಭಿಕ ಜೊತೆಯಾಟವೂ ಇತ್ತು.

ಅದೇ ಸಮಯದಲ್ಲಿ, ಕಾಂಗರೂ ತಂಡದ ಬೌಲಿಂಗ್ ನಲ್ಲಿ ಆಡಮ್ ಝಂಪಾ 4 ವಿಕೆಟ್, ಸ್ಟೊಯಿನಿಸ್- ಪ್ಯಾಟ್ ಕಮಿನ್ಸ್ 2 ವಿಕೆಟ್ ಮತ್ತು ಮಿಚೆಲ್ ಸ್ಟಾರ್ಕ್-ಜೋಶ್ ತಲಾ 1 ವಿಕೆಟ್ ಪಡೆದರು.

ಈ ಪಂದ್ಯದಲ್ಲಿ ಮಿಚೆಲ್ ಸ್ಟಾರ್ಕ್ ಒಂದು ವಿಕೆಟ್ ಪಡೆದಿರಬಹುದು. ಆದರೆ ಈ ಅವಧಿಯಲ್ಲಿ ಅವರು ದೊಡ್ಡ ದಾಖಲೆಯನ್ನು ಬರೆದಿದ್ದಾರೆ. ವಿಶ್ವಕಪ್ ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಗಳ ಪಟ್ಟಿಗೆ ಮಿಚೆಲ್ ಸ್ಟಾರ್ಕ್ ತಲುಪಿದ್ದಾರೆ.

ಆಡಮ್ ಝಂಪಾ ಮತ್ತು ಮಾರ್ಕಸ್ ಸ್ಟೊಯಿನಿಸ್

2023 ರ ODI ವಿಶ್ವಕಪ್ಪಿನ 18 ನೇ ಪಂದ್ಯದಲ್ಲಿ, ಆಡಮ್ ಝಂಪಾ ಮತ್ತು ಮಾರ್ಕಸ್ ಸ್ಟೊಯಿನಿಸ್ ಮಧ್ಯಮ ಓವರ್ಗಳಲ್ಲಿ ವಿಕೆಟ್ ಗಳನ್ನು ಪಡೆಯುವ ಮೂಲಕ ಆಸ್ಟ್ರೇಲಿಯಾವನ್ನು ಗೆಲುವಿನತ್ತ ಮುನ್ನಡೆಸಿದರು. ಮಿಚೆಲ್ ಸ್ಟಾರ್ಕ್ ಕೇವಲ 1 ಯಶಸ್ಸನ್ನು ಪಡೆದರು, ಆದರೆ ಅವರು ವಿಶ್ವಕಪ್ ನಲ್ಲಿ ಅತಿ ಹೆಚ್ಚು ವಿಕೆಟ್ ಗಳನ್ನು ಪಡೆಯುವ ವಿಷಯದಲ್ಲಿ ಅಗ್ರ 5ರ ಪಟ್ಟಿಯನ್ನು ಸೇರಿದರು.

ಈ ಅವಧಿಯಲ್ಲಿ ಅವರು ಪಾಕಿಸ್ತಾನದ ಮಾಜಿ ಬೌಲರ್ ವಾಸಿಂ ಅಕ್ರಂ ಅವರ ದಾಖಲೆಯನ್ನೂ ಸರಿಗಟ್ಟಿದರು. ವಿಶ್ವಕಪ್ ನಲ್ಲಿ ಒಟ್ಟು 55 ವಿಕೆಟ್ ಗಳನ್ನು ಕಬಳಿಸುವ ಮೂಲಕ ಅತಿ ಹೆಚ್ಚು ವಿಕೆಟ್ ಕಬಳಿಸಿದ ವಾಸಿಂ ಅಕ್ರಮ್ ಸಾಧನೆ ಸರಿಗಟ್ಟಿದ್ದಾರೆ. ಮಿಚೆಲ್ ಸ್ಟಾರ್ಕ್ ಕೂಡ ಪಾಕಿಸ್ತಾನದ ವಿರುದ್ಧ ವಿಕೆಟ್ ಪಡೆದ ನಂತರ ಈ ಮೈಲಿಗಲ್ಲನ್ನು ತಲುಪಿದರು.

ವಾಸಿಂ ಅಕ್ರಮ್ ಸಾಧನೆ ಸರಿಗಟ್ಟಿದ ಆಸೀಸ್ ವೇಗಿ

ಒಟ್ಟು 71 ವಿಕೆಟ್ ಪಡೆದಿರುವ ಗ್ಲೆನ್ ಮೆಕಗ್ರಾತ್ ವಿಶ್ವಕಪ್ ನಲ್ಲಿ ಅತಿ ಹೆಚ್ಚು ವಿಕೆಟ್ ಕಬಳಿಸಿ ಅಗ್ರ ಸ್ಥಾನದಲ್ಲಿದ್ದಾರೆ. ಎರಡನೇ ಸ್ಥಾನದಲ್ಲಿ ಮುತ್ತಯ್ಯ ಮುರಳೀಧರನ್ 68 ವಿಕೆಟ್ ಪಡೆದಿದ್ದಾರೆ. ಸ್ಟಾರ್ಕ್ ಉತ್ತಮ ಫಾರಂನಲ್ಲಿರುವಂತೆ ಕಾಣುತ್ತದೆ.

ಆಸೀಸ್ ವೇಗಿ ಪ್ರತಿ ಪಂದ್ಯಕ್ಕೆ 2-3 ವಿಕೆಟ್ ಪಡೆಯುವುದು ಅವರಿಗೆ ದೊಡ್ಡ ವಿಷಯವಲ್ಲ. ಈ ಪರಿಸ್ಥಿತಿಯಲ್ಲಿ, ಸ್ಟಾರ್ಕ್ ಖಂಡಿತವಾಗಿಯೂ ಮಾಜಿ ಕ್ರಿಕೆಟಿಗ ಮೆಕಗ್ರಾತ್ ಅನ್ನು ಹಿಂದಿಕ್ಕ ಬಹುದು ಎಂದು ಲೆಕ್ಕಾಚಾರಗಳು ಆರಂಭವಾಗಿವೆ.