ಆಸ್ಟ್ರೇಲಿಯಾದ ಕ್ರಿಕೆಟರ್ ಬ್ರಾಡ್ ಹಡಿನ್ ವೃತ್ತಿ ಬದುಕಿನ ಹಿನ್ನೋಟ

ವೃತ್ತಿ ಬದುಕಿನ ಮುಖ್ಯಾಂಶಗಳು

* 20ನೇ ವಯಸ್ಸಿನ ಕ್ಯಾನ್ ಬೆರಾ ಕಾಮೆಟ್ಸ್ ಪರ ಬ್ಯಾಟ್ ಬೀಸಿದ ಹಡೀನ್ ಅವರು ಶತಕ ಸಮೇತ 41 ರನ್ ಸರಾಸರಿಯಂತೆ ಸ್ಕೋರ್ ಮಾಡಿ ಗಮನ ಸೆಳೆದರು.

* ಆಡಂ ಗಿಲ್ ಕ್ರಿಸ್ಟ್ ನಂತರ 2008ರಿಂದ ಆಸ್ಟ್ರೇಲಿಯಾದ ಪ್ರಮುಖ ಬ್ಯಾಟ್ಸ್ ಮನ್ ಕಮ್ ವಿಕೆಟ್ ಕೀಪರ್ ಆಗಿ ಕಾರ್ಯ ನಿರ್ವಹಿಸಿದ್ದಾರೆ.

2013-14ರಲ್ಲಿ ಇಂಗ್ಲೆಂಡ್ ವಿರುದ್ಧದ ಸರಣಿ

* 2013-14ರಲ್ಲಿ ಇಂಗ್ಲೆಂಡ್ ವಿರುದ್ಧದ ಸರಣಿಯಲ್ಲಿ 61.63 ರನ್ ಸರಾಸರಿಯಂತೆ 493ರನ್ ಗಳಿಸಿದ್ದರು. 6 ಬಾರಿ 50 ಪ್ಲಸ್ ರನ್ ಗಳಿಸಿದ್ದಲ್ಲದೆ ಒಮ್ಮೆ ಶತಕದ ಗಡಿ ದಾಟಿದ್ದರು.

* ಗಿಲ್ ಕ್ರಿಸ್ಟ್ (416), ಇಯಾನ್ ಹೀಲಿ (395) ಹಾಗೂ ಮಾರ್ಷ್ (355) ನಂತರ ಹಡಿನ್ 270 ವಿಕೆಟ್ ಪಡೆದುಕೊಂಡಿದ್ದಾರೆ.

* ಗಿಲ್ ಕ್ರಿಸ್ಟ್ (47.61) ಬಿಟ್ಟರೆ ಹಡಿನ್ ಅವರು ಮಾತ್ರ 32.99 ರನ್ ಸರಾಸರಿ ಹೊಂದಿರುವ ಆಸ್ಟ್ರೇಲಿಯನ್ ವಿಕೆಟ್ ಕೀಪರ್ .

ಗಿಲ್ ಕ್ರಿಸ್ಟ್ ನಂತರದ ಶ್ರೇಷ್ಠ ಆಟಗಾರ

ರನ್ ಗಳಿಕೆ: ಗಿಲ್ ಕ್ರಿಸ್ಟ್ 47.61ರನ್ ಸರಾಸರಿಯಂತೆ 5570ರನ್, ಹೀಲಿ 27.40ರನ್ ಸರಾಸರಿಯಂತೆ 4,356ರನ್, ಮಾರ್ಷ್ 26.52ರನ್ ಸರಾಸರಿಯಂತೆ 3,633ರನ್ ಗಳಿಸಿದ್ದಾರೆ. ಹಡಿನ್ 32.99ರನ್ ಸರಾಸರಿಯಂತೆ 3,266ರನ್ ಗಳಿಸಿದ್ದಾರೆ.

* ಕಳೆದ ಎರಡು ವರ್ಷಗಳಿಂದ ಆಸ್ಟ್ರೇಲಿಯಾ ಟೆಸ್ಟ್ ತಂಡದ ಉಪ ನಾಯಕರಾಗಿ ಕಾರ್ಯ ನಿರ್ವಹಿಸಿದ್ದಾರೆ.

ದೇಶಿ ಕ್ರಿಕೆಟ್ ನಲ್ಲಿ ಸಾಧನೆ

* ಗ್ರೆಗ್ ಮ್ಯಾಥ್ಯೂಸ್ ನಂತರ ನ್ಯೂ ಸೌತ್ ವೇಲ್ಸ್ ಪರ 195 ಪಂದ್ಯವಾಡಿದ ಆಖಲೆ ಹೊಂದಿದ್ದಾರೆ.

* ನ್ಯೂ ಸೌತ್ ವೇಲ್ಸ್ ಪರ 41.94ರನ್ ಸರಾಸರಿಯಂತೆ 5,829 ರನ್ ಗಳಿಸಿದ್ದಾರೆ.

* ಫಿಲ್ ಎಮೆರಿ 378 ವಿಕೆಟ್ ಬಿಟ್ಟರೆ ನ್ಯೂ ಸೌತ್ ವೇಲ್ಸ್ ಪರ ಹಡಿನ್ 316 ವಿಕೆಟ್ ಪಡೆದುಕೊಂಡಿದ್ದಾರೆ.

* ಒಟ್ಟಾರೆ ಆಸ್ಟ್ರೇಲಿಯಾದ ದೇಶಿ ಏಕದಿನ ಕ್ರಿಕೆಟ್ ನಲ್ಲಿ 94 ಪಂದ್ಯಗಳಿಂದ 34.60 ರನ್ ಸರಾಸರಿಯಂತೆ 6 ಶತಕ ಸೇರಿ 3,010ರನ್ ಗಳಿಸಿದ್ದಾರೆ. 164 ವಿಕೆಟ್ ಪಡೆದುಕೊಂಡಿದ್ದಾರೆ.