ಬಾಕ್ಸಿಂಗ್‌ ಡೇ ಟೆಸ್ಟ್: ದಾಖಲೆಯಲ್ಲಿ ರಾಹುಲ್ ದ್ರಾವಿಡ್ ಬೆನ್ನು ಹಿಡಿದ ಪೂಜಾರ

ದ್ರಾವಿಡ್ ಬೆನ್ನಲ್ಲಿ ಪೂಜಾರ

ಅಡಿಲೇಡ್ ನಲ್ಲಿ ಬುಧವಾರ (ಡಿಸೆಂಬರ್ 26) ಆರಂಭಗೊಂಡ ಭಾರತ-ಆಸೀಸ್ ನಡುವಿನ ಮೂರನೇ ಟೆಸ್ಟ್‌ನಲ್ಲಿ ಪೂಜಾರ ಅರ್ಧಶತಕ (68 ರನ್) ಬಾರಿಸಿದ್ದರು. ಇದು ಪೂಜಾರ ಅವರಿಂದಾದ 19ನೇ ಅರ್ಧಶತಕ. ಹೀಗಾಗಿ ಚೇತೇಶ್ವರ, ಭಾರತದ ಟೆಸ್ಟ್ ಸಾಧಕರ ಸಾಲಿನಲ್ಲಿ ದ್ವಿತೀಯ ಸ್ಥಾನದಲ್ಲಿದ್ದಾರೆ. ಅಗ್ರ ದ್ಥಾನದಲ್ಲಿ ದ್ರಾವಿಡ್ ಇದ್ದಾರೆ. ಡಿಸೆಂಬರ್ 26ರ ದಿನದಾಂತ್ಯಕ್ಕೆ ಟಾಸ್ ಗೆದ್ದು ಬ್ಯಾಟಿಂಗ್‌ಗೆ ಇಳಿದಿದ್ದ ಭಾರತ 2 ವಿಕೆಟ್ ಕಳೆದು 215 ರನ್ ಗಳಿಸಿತ್ತು.

28 ಶತಕದ ಸಾಧನೆ

ಟೆಸ್ಟ್ ಕ್ರಿಕೆಟ್‌ನಲ್ಲಿ ಪಂದ್ಯ, ಅರ್ಧಶತಕ ಮತ್ತು ಶತಕದ ಸಾಧನೆಯನ್ನು ಪರಿಗಣಿಸಿದರೆ ಭಾರತೀಯರಲ್ಲಿ ರಾಹುಲ್ ದ್ರಾವಿಡ್ ಮೊದಲ ಸ್ಥಾನದಲ್ಲಿದ್ದಾರೆ. ಒಟ್ಟು 135 ಪಂದ್ಯಗಳನ್ನಾಡಿರುವ ದ್ರಾವಿಡ್ 50 ಅರ್ಧಶತಕ, 28 ಶತಕದ ಸಾಧನೆ ಮಾಡಿದ್ದಾರೆ.

ಇಂಡಿಯನ್‌ ವಾಲ್‌-2

ಇಂಡಿಯನ್‌ ವಾಲ್‌-2 ಎಂದು ಕರೆಯಲ್ಪಡುತ್ತಿರುವ ಚೇತೇಶ್ವರ್ ಒಟ್ಟು 61 ಪಂದ್ಯಗಳಲ್ಲಿ 19 ಅರ್ಧಶತಕ, 15 ಶತಕವನ್ನು ಪೂರೈಸಿದ್ದಾರೆ. ಆಸೀಸ್-ಭಾರತ ಮೂರನೇ ಟೆಸ್ಟ್ ನಲ್ಲಿ ಪೂಜಾರ (ಡಿಸೆಂಬರ್ 26ರ ದಿನದಾಂತ್ಯಕ್ಕೆ) ಕ್ರೀಸ್‌ನಲ್ಲಿ ಇರುವುದರಿಂದ ಶತಕ ಬಾರಿಸುವ ನಿರೀಕ್ಷೆಯಿದೆ. ನಾಯಕ ವಿರಾಟ್ ಕೊಹ್ಲಿ ಕೂಡ (47 ರನ್) ಕ್ರೀಸ್‌ನಲ್ಲಿದ್ದರು.

ವಿಶ್ವ ರ್ಯಾಂಕಿಂಗ್‌ನಲ್ಲಿ 4ನೇ

ಭಾರತೀಯ ಟೆಸ್ಟ್ ಸಾಧಕರ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿ ಎಂ ಅಮರ್‌ನಾಥ್, ಡಿಬಿ ವೆಂಗ್‌ಸರ್ಕಾರ್ ನಾಲ್ಕನೇ ಸ್ಥಾನದಲ್ಲಿ, ಎಎಲ್ ವಾಡೇಕರ್ ಐದನೇ ಸ್ಥಾನದಲ್ಲಿದ್ದಾರೆ. ಸದ್ಯ ಐಸಿಸಿ ಟೆಸ್ಟ್ ರ್ಯಾಂಕಿಂಗ್‌ನಲ್ಲಿ ಕೊಹ್ಲಿ ಮೊದಲ ಸ್ಥಾನದಲ್ಲಿದ್ದರೆ, ಪೂಜಾರ ನಾಲ್ಕನೇ ಸ್ಥಾನಿಗ.