ಭಾರತದ ನಂತರ ಪಾಕಿಸ್ತಾನ ಪ್ರವಾಸದಿಂದ ಮತ್ತೊಂದು ತಂಡ ಹಿಂದಕ್ಕೆ: ಕಾರಣ?

ಇಂಗ್ಲೆಂಡ್ ಮತ್ತು ದಕ್ಷಿಣ ಆಫ್ರಿಕಾ ಸರಣಿ

ಇಂಗ್ಲೆಂಡ್ ಮತ್ತು ದಕ್ಷಿಣ ಆಫ್ರಿಕಾ ತಂಡದ ನಡುವೆ ಸದ್ಯ ಟಿ20 ಸರಣಿ ನಡೆಯುತ್ತಿದೆ. ಇದಾದ ನಂತರ, ನಾಲ್ಕು ಟೆಸ್ಟ್ ಪಂದ್ಯಗಳು ಮತ್ತು ಮೂರು ಏಕದಿನ ಪಂದ್ಯ ನಡೆಯಲಿದೆ. ಈ ಸರಣಿ ಮುಗಿದ ಐದೇ ದಿನದ ಅಂತರದಲ್ಲಿ ಆಸ್ಟ್ರೇಲಿಯಾ ಜೊತೆಗೆ ಸರಣಿ ಆರಂಭವಾಗಲಿದೆ. ಆಸೀಸ್ ಜೊತೆ ದಕ್ಷಿಣ ಆಫ್ರಿಕಾ ಮೂರು ಚುಟುಕು ಮತ್ತು ಮೂರು ಏಕದಿನ ಪಂದ್ಯ ಆಡಬೇಕಿದೆ.

ಆಸ್ಟ್ರೇಲಿಯಾ ಜೊತೆಗಿನ ದಕ್ಷಿಣ ಆಫ್ರಿಕಾ ಸರಣಿ

ಆಸ್ಟ್ರೇಲಿಯಾ ಜೊತೆಗಿನ ಸರಣಿ ಮಾರ್ಚ್ ಏಳಕ್ಕೆ ಮುಕ್ತಾಯಗೊಳ್ಳಲಿದೆ. ಮಾರ್ಚ್ ಹನ್ನೆರಡರಂದು ಭಾರತದ ಜೊತೆಗಿನ ಮೊದಲ ಏಕದಿನ ಪಂದ್ಯ ಧರ್ಮಶಾಲಾದಲ್ಲಿ ನಡೆಯಲಿದೆ. ಮೂರು ಏಕದಿನ ಪಂದ್ಯಗಳ ಸರಣಿ ಮಾರ್ಚ್ ಹದಿನೆಂಟರಂದು ಮುಕ್ತಾಯಗೊಳ್ಳಲಿದೆ. ಇದಾದ ನಂತರ, ದಕ್ಷಿಣ ಆಫ್ರಿಕಾ ತಂಡ, ಪಾಕಿಸ್ತಾನ ಪ್ರವಾಸಕ್ಕೆ ತೆರಳಬೇಕಾಗಿತ್ತು.

ಭಾರತ vs ಕಿವೀಸ್, 0, 0, 1: ಟೆಸ್ಟ್‌ಗೂ ಮುನ್ನ ಸಮಸ್ಯೆಯ ಸುಳಿಯಲ್ಲಿ ಭಾರತ!

ಪಾಕ್ ಪ್ರವಾಸ ರದ್ದು - ಸೌತ್ ಆಫ್ರಿಕಾ ಬೋರ್ಡ್

ಮಾರ್ಚ್ 19-28ರ ಅವಧಿಯಲ್ಲಿ ಪಾಕಿಸ್ತಾನದ ರಾವಲ್ಪಿಂಡಿಯಲ್ಲು ಮೂರು ಟಿ20 ಪಂದ್ಯ ಆಡಲು ವೇಳಾಪಟ್ಟಿ ನಿಗದಿಯಾಗಿತ್ತು. ಮಾರ್ಚ್ 28ರಿಂದ ಐಪಿಎಲ್ ಕ್ರಿಕೆಟ್ ಆರಂಭಗೊಳ್ಳುವ ಸಾಧ್ಯತೆಯಿದೆ. ಹಾಗಾಗಿ, ಆಟಗಾರರ ಒತ್ತಡ ಹೆಚ್ಚಾಗುವ ಕಾರಣಕ್ಕಾಗಿ, ಪಾಕ್ ಪ್ರವಾಸ ರದ್ದುಗೊಳಿಸಿರುವುದಾಗಿ ಸೌತ್ ಆಫ್ರಿಕಾ ಬೋರ್ಡ್ ಹೇಳಿದೆ.

ಆಟಗಾರರ ಹಿತದೃಷ್ಟಿಯಿಂದ ಪಾಕಿಸ್ತಾನಕ್ಕೆ ಹೋಗದೇ ಇರುವ ತೀರ್ಮಾನ

"ಭದ್ರತಾ ಕಾರಣಕ್ಕಾಗಿ ನಾವು ಪಾಕಿಸ್ತಾನ ಪ್ರವಾಸದಿಂದ ಹಿಂದಕ್ಕೆ ಸರಿಯುತ್ತಿಲ್ಲ ಆಟಗಾರರ ಹಿತದೃಷ್ಟಿಯಿಂದ ಪಾಕಿಸ್ತಾನಕ್ಕೆ ಹೋಗದೇ ಇರುವ ತೀರ್ಮಾನಕ್ಕೆ ನಾವು ಬಂದಿದ್ದೇವೆ" ಎಂದು ಕ್ರಿಕೆಟ್ ಸೌತ್ ಆಫ್ರಿಕಾದ ಅಧಿಕಾರಿಗಳು ಹೇಳಿದ್ದಾರೆ. ಹಾಗಾಗಿ, ಇನ್ನೊಂದು ಮಹತ್ವದ ಸರಣಿ, ಪಾಕಿಸ್ತಾನದಲ್ಲಿ ರದ್ದಾಗಿದೆ.