ಕ್ರಿಕೆಟ್ ದಿಗ್ಗಜ ರಾಹುಲ್ ದ್ರಾವಿಡ್ ಫೇಸ್ ಬುಕ್ಕಿಗೆ ಎಂಟ್ರಿ

ಬೆಂಗಳೂರು, ಜೂ.30: ಕ್ರಿಕೆಟ್ ದಿಗ್ಗಜ ರಾಹುಲ್ ದ್ರಾವಿಡ್ ಅವರ ಅಧಿಕೃತ ಫೇಸ್ ಬುಕ್ ಪುಟಕ್ಕೆ ಚಾಲನೆ ಸಿಕ್ಕಿದೆ. ರಾಹುಲ್ ದ್ರಾವಿಡ್ ಅವರು ವೆಬ್ ಸೈಟ್ ಬಿಟ್ಟರೆ ಮತ್ತೆ ಯಾವುದೇ ಸಾಮಾಜಿಕ ಜಾಲ ತಾಣಗಳಲ್ಲಿ ಕಾಣಿಸಿಕೊಂಡಿರಲಿಲ್ಲ. ಈಗ ಅಧಿಕೃತ ಪುಟದ ಮೂಲಕ ದ್ರಾವಿಡ್ ಅವರ ಚಟುವಟಿಕೆಗಳ ಅಪ್ದೇಟ್ ಗಳು ಅವರ ಅಭಿಮಾನಿಗಳಿಗೆ ಸಿಗಲಿದೆ.

ಜೂ.24ರಂದೇ ಚಾಲನೆ ಸಿಕ್ಕಿದ ಈ ಫೇಸ್ ಬುಕ್ ಪುಟಕ್ಕೆ ಈಗ ಫೇಸ್ ಬುಕ್ ನಿಂದ ಅಧಿಕೃತ ಮುದ್ರೆ ಬಿದ್ದಿದೆ. ಈ ವಿಷಯವನ್ನು ದೃಢಪಡಿಸಿರುವ ರಾಹುಲ್ ದ್ರಾವಿಡ್ ಅವರು ಅಭಿಮಾನಿಗಳಿಗಾಗಿ ವಿಡಿಯೋ ಸಂದೇಶವನ್ನು ಕಳಿಸಿದ್ದಾರೆ.ಈ ಪುಟವನ್ನು ನನ್ನ ತಂಡವೇ ನಿರ್ವಹಿಸಲಿದೆ ಎಂದು ಹೇಳಿದ್ದಾರೆ.[ದ್ರಾವಿಡ್ ಸಾಧನೆ ಪಠ್ಯ ಪುಸ್ತಕ ರೂಪದಲ್ಲಿ ಲಭ್ಯ]

ರಾಹುಲ್ ದ್ರಾವಿಡ್ ಅವರ ಫೇಸ್ ಬುಕ್ ಪುಟಕ್ಕೆ ಈ ಸಮಯಕ್ಕೆ(ಜೂ.30, 11 ಗಂಟೆ) 6,31,415 ಲೈಕ್ಸ್ ಸಿಕ್ಕಿದೆ. ರಾಹುಲ್ ದ್ರಾವಿಡ್ ಅವರ ವಿಡಿಯೋ ಸಂದೇಶಕ್ಕೆ ಸುಮಾರು 831 ಬಾರಿ ಹಂಚಿಕೆಯಾಗಿದ್ದು, 22,875 ಮಂದಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. 580 ಕ್ಕೂ ಅಧಿಕ ಮಂದಿ ದ್ರಾವಿಡ್ ಅವರನ್ನು ಸ್ವಾಗತಿಸಿ ಶುಭ ಕೋರಿದ್ದಾರೆ.

ಸಚಿನ್ ತೆಂಡೂಲ್ಕರ್ ಅವರು ಇತ್ತೀಚೆಗೆ ಇನ್ಸ್ಟಾಗ್ರಾಮ್ ಗೆ ಕಾಲಿಟ್ಟು ಕಿಚ್ಚು ಹಬ್ಬಿಸಿದ್ದರು. ಇಟಲಿ ಪ್ರವಾಸದಲ್ಲಿರುವ ಸಚಿನ್ ಅವರು ಅಲ್ಲಿನ ಪ್ರವಾಸಿ ತಾಣಗಳ ಚಿತ್ರಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ದ್ರಾವಿಡ್ ಅವರ ಪುಟದಿಂದ ಏನೇನು ನಿರೀಕ್ಷಿಸಬಹುದು ಎಂಬ ಕುತೂಹಲ ಅಭಿಮಾನಿಗಳಲ್ಲಿದೆ. ರಾಹುಲ್ ದ್ರಾವಿಡ್ ಅವರ ಅಧಿಕೃತ ಫೇಸ್ ಬುಕ್ ಪುಟಕ್ಕೆ ಲಿಂಕ್ ಇಲ್ಲಿದೆ

ಅಭಿಮಾನಿಗಳಿಗೆ ದ್ರಾವಿಡ್ ನೀಡಿದ ವಿಡಿಯೋ ಸಂದೇಶ ಇಲ್ಲಿದೆ: