ಸಾರಾ ಅಲಿ ಖಾನ್ ಜೊತೆ ಡೇಟಿಂಗ್ ಗಾಸಿಪ್ : ಕೊನೆಗೂ ಮೌನ ಮುರಿದ ಶುಭಮನ್ ಗಿಲ್ ಹೇಳಿದ್ದೇನು?

ಶುಭಮನ್ ಗಿಲ್ ಕೊಟ್ಟ ಉತ್ತರವೇನು?

ನಂತರ ಕಾರ್ಯಕ್ರಮ ನಿರೂಪಕ ಸೋನಮ್ ಬಾಜ್ವಾ, ನೀವು ಸಾರಾ ಅಲಿ ಖಾನ್ ಜೊತೆ ಡೇಟ್ ಮಾಡುತ್ತಿದ್ದೀರಾ ಎಂದು ನೇರವಾಗಿಯೇ ಪ್ರಶ್ನೆ ಕೇಳಿದರು. ಇದಕ್ಕೆ ಶುಭ್‌ಮನ್ ಗಿಲ್ "ಬಹುಶಃ" ಎಂದು ಅಡ್ಡಗೋಡೆಯ ಮೇಲೆ ದೀಪವಿಟ್ಟಂತೆ ಉತ್ತರ ನೀಡಿದರು.

ಇಷ್ಟಕ್ಕೆ ಸುಮ್ಮನಾಗದ ನಿರೂಪಕ, ಎಲ್ಲಾ ಸತ್ಯವನ್ನೇ ಹೇಳಿ (ಸಾರಾ ಕಾ ಸಾರಾ ಸಚ್ ಬೋಲೋ) ಎಂದು ಕೇಳಿದರು. ಹೌದು ನಾನು ಸತ್ಯವನ್ನೇ ಹೇಳಿದ್ದೇನೆ (ಸಾರಾ ಕಾ ಸಾರಾ ಸಚ್‌ ಬೋಲ್‌ ದಿಯಾ) ಎಂದು ಉತ್ತರ ನೀಡಿದ್ದಾರೆ. ಶುಭಮನ್‌ ಗಿಲ್ ಮಾತುಗಳನ್ನು ಕೇಳಿದ ನಂತರ ಅಭಿಮಾನಿಗಳು ಆತ ಸಾರಾ ಅಲಿ ಖಾನ್‌ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ಹೇಳಿದ್ದಾರೆ.

ಮುಂಬೈ ಇಂಡಿಯನ್ಸ್ ಪಾಲಿಗೆ ಈತನೇ ಭವಿಷ್ಯದ ಪೊಲಾರ್ಡ್ ಎಂದ ಹನುಮ ವಿಹಾರಿ

ಗಿಲ್-ಸಾರಾ ಡೇಟಿಂಗ್ ಗಾಸಿಪ್‌ ಹುಟ್ಟಿದ್ದೇಗೆ?

ಆಗಸ್ಟ್ ತಿಂಗಳಿನಲ್ಲಿ ಸಾರಾ ಅಲಿ ಖಾನ್ ಮತ್ತು ಶುಭಮನ್ ಗಿಲ್‌ ರೆಸ್ಟೋರೆಂಟ್ ಒಂದರಲ್ಲಿ ಒಟ್ಟಿಗೆ ಊಟ ಮಾಡುತ್ತಿರುವ ವಿಡಿಯೋ ವೈರಲ್ ಆದ ನಂತರ ಈ ಡೇಟಿಂಗ್ ವದಂತಿ ಹುಟ್ಟಿಕೊಂಡಿತು. ಮುಂಬೈನ ಬಾಸ್ಟಿಯನ್‌ನಲ್ಲಿ ಮಹಿಳೆಯೊಬ್ಬರು ಇವರಿಬ್ಬರನ್ನು ಗುರುತಿಸಿ ವಿಡಿಯೋ ಮಾಡಿದ್ದರು. ಅದಾದ ನಂತರ ಅಕ್ಟೋಬರ್ ತಿಂಗಳಿನಲ್ಲಿ, ಇಬ್ಬರು ವಿಮಾನದಲ್ಲಿ ಒಟ್ಟಿಗೆ ಪ್ರಯಾಣಿಸುತ್ತಿರುವ ವಿಡಿಯೋ ವೈರಲ್ ಆಗಿತ್ತು.

ಇದಕ್ಕೂ ಮುನ್ನ ಸಾರಾ ಅಲಿ ಖಾನ್ ತಾನು ನಟಿಸಿದ್ದ ಲವ್ ಆಜ್‌ ಕಲ್ -2 ಚಿತ್ರದ ನಾಯಕ ನಟ ಕಾರ್ತಿಕ್ ಆರ್ಯನ್ ಜೊತೆ ಡೇಟಿಂಗ್ ಮಾಡುತ್ತಿದ್ದರು ಎನ್ನುವ ವದಂತಿಗಳಿದ್ದವು. ಕಾಫಿ ವಿತ್ ಕರಣ್ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡಾಗ ಅದನ್ನು ದೃಢಪಡಿಸಿದ್ದರು.

ಸಚಿನ್ ಪುತ್ರಿಯ ಜೊತೆ ಬ್ರೇಕಪ್?

ಶುಭಮನ್ ಗಿಲ್ ಈ ಮೊದಲು ಸಚಿನ್ ತೆಂಡೂಲ್ಕರ್ ಪುತ್ರಿ ಸಾರಾ ತೆಂಡೂಲ್ಕರ್ ಜೊತೆ ಪ್ರೇಮದಲ್ಲಿದ್ದಾರೆ ಎನ್ನುವ ವದಂತಿಗಳಿದ್ದವು. ಇಬ್ಬರೂ ಈ ಸುದ್ದಿಯನ್ನು ಒಪ್ಪಿಕೊಂಡಿರಲಿಲ್ಲವಾದರೂ ನಿರಾಕರಿಸಿಯೂ ಇರಲಿಲ್ಲ. ಸಚಿನ್ ಕೂಡ ಮಗಳ ಪ್ರೇಮಕ್ಕೆ ಸಹಮತ ವ್ಯಕ್ತಪಡಿಸಿದ್ದಾರೆ ಇಬ್ಬರೂ ಮದುವೆಯಾಗಲಿದ್ದಾರೆ ಎನ್ನುವ ಸುದ್ದಿ ಹಬ್ಬಿತ್ತು.

ಆದರೆ ಕೆಲವೇ ದಿನಗಳಲ್ಲಿ ಇಬ್ಬರೂ ಬ್ರೇಕಪ್ ಮಾಡಿಕೊಂಡಿದ್ದಾರೆ ಎನ್ನುವ ಸುದ್ದಿ ಹರಿದಾಡಿತು. ಅದಕ್ಕೆ ಸಾಕ್ಷಿ ಎಂಬಂತೇ ಇಬ್ಬರೂ ಇನ್‌ಸ್ಟಾಗ್ರಾಂನಲ್ಲಿ ಒಬ್ಬರನಬ್ಬೊರು ಅನ್‌ಫಾಲೋ ಮಾಡಿದ್ದರು.