ಗೆಲ್ಲುವ ಪಂದ್ಯ ಕೈಚೆಲ್ಲಿದ ಚೆನ್ನೈ ತಂಡಕ್ಕೆ ವಿಲನ್ ಆದ ನಾಯಕ ಧೋನಿ, ಕೇದಾರ್ ಜಾಧವ್

ವಾಟ್ಸನ್ ಮತ್ತು ಅಂಬಟಿ ರಾಯಡು ನಡುವೆ 69ರನ್ ಗಳ ಜೊತೆಯಾಟ

167ರನ್ ಟಾರ್ಗೆಟ್ ಅನ್ನು ಬೆನ್ನಟ್ಟಿದ ಚೆನ್ನೈ ತಂಡಕ್ಕೆ ಮೊದಲ ವಿಕೆಟ್ ಜೊತೆಯಾಟದಲ್ಲಿ ಮೂವತ್ತು ರನ್ ಜೊತೆಯಾಟ ಬಂತು. ಕಳೆದ ಪಂದ್ಯದಲ್ಲಿ ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸಿದ್ದ ಡು-ಪ್ಲೆಸಿಸ್ ಹದಿನೇಳು ರನ್ ಗಳಿಸಿ ಔಟಾದರು. ಇದಾದ ನಂತರ ವಾಟ್ಸನ್ ಮತ್ತು ಅಂಬಟಿ ರಾಯಡು ನಡುವೆ 69ರನ್ ಗಳ ಜೊತೆಯಾಟ ಬಂತು. (ಚಿತ್ರ:ಪಿಟಿಐ)

ರನ್ ರೇಟ್ ಕೆಳಕ್ಕಿಳಿಯಲು ಆರಂಭವಾಯಿತು

ಅಲ್ಲಿಯವರೆಗೂ ಜಯದ ದಾರಿಯಲ್ಲೇ ಸಾಗುತ್ತಿದ್ದ ಚೆನ್ನೈ ತಂಡ, ಅಂಬಟಿ ರಾಯಡು ಔಟ್ ಆದಾಗ 12.1 ಓವರ್ ನಲ್ಲಿ 100ರನ್ ದಾಟಿತ್ತು. ಅಲ್ಲಿಂದ ಗೆಲ್ಲಲು 52 ಬಾಲ್ ನಲ್ಲಿ ಕೇವಲ 68ರನ್ ಅಷ್ಟೇ ಬೇಕಾಗಿತ್ತು. ಹದಿಮೂರನೇ ಓವರ್ ನಲ್ಲಿ ವಾಟ್ಸನ್ ಔಟ್ ಆದ ನಂತರ, ರನ್ ರೇಟ್ ಕೆಳಕ್ಕಿಳಿಯಲು ಆರಂಭವಾಯಿತು. (ಚಿತ್ರ:ಪಿಟಿಐ)

ಜಾಧವ್ ಜಯದ ಫಿನಿಷಿಂಗ್ ನೀಡುವಲ್ಲಿ ವಿಫಲ

ಕ್ರೀಸಿಗೆ ಆಗಮಿಸಿದ ಸ್ಯಾಮ್ ಕರ್ರನ್ ಹನ್ನೊಂದು ಬಾಲ್ ನಲ್ಲಿ ಹದಿನೇಳು ರನ್ ಹೊಡೆದು ಔಟಾದರು. ಅದಾದ ನಂತರ, ಕೇದಾರ್ ಜಾಧವ್ ಕ್ರೀಸಿಗೆ ಆಗಮಿಸಿದರು. ದೊಡ್ದ ಹೊಡೆತಕ್ಕೆ ಹೆಸರಾಗಿರುವ ಜಾಧವ್ ಜಯದ ಫಿನಿಷಿಂಗ್ ನೀಡುವಲ್ಲಿ ವಿಫಲರಾದರು. (ಚಿತ್ರ:ಪಿಟಿಐ)

ಸುಲಭವಾಗಿ ಗೆಲ್ಲುವ ಪಂದ್ಯವನ್ನು ಚೆನ್ನೈ ತಂಡ ಕೈಚೆಲ್ಲಿತು

ಧೋನಿ ಮತ್ತು ಕೇದಾರ್ ಜಾಧವ್ ರನ್ ರೇಟ್ ಏರಿಸುವಲ್ಲಿ ವಿಫಲರಾದರು. ಧೋನಿ ಹನ್ನೆರಡು ಬಾಲ್ ನಲ್ಲಿ ಹನ್ನೊಂದು ಮತ್ತು ಜಾಧವ್ ಎರಡು ಓವರ್ ನಲ್ಲಿ ಕೇವಲ ಏಳು ರನ್ ಗಳಿಸಲಷ್ಟೇ ಶಕ್ತರಾದರು. ಆ ವೇಳೆ, ಸಿಎಸ್ಕೆ ಗೆಲುವಿಗೆ ರನ್ ರೇಟ್ ಸರಾಸರಿ ಹದಿನಾರರ ಆಸುಪಾಸಿನಲ್ಲಿತ್ತು. ಒಟ್ಟಿನಲ್ಲಿ, ಸುಲಭವಾಗಿ ಗೆಲ್ಲುವ ಪಂದ್ಯವನ್ನು ಚೆನ್ನೈ ತಂಡ ಕೈಚೆಲ್ಲಿತು. (ಚಿತ್ರ:ಪಿಟಿಐ)