ಒಂದು ಡಾಟ್ ಬಾಲ್, ಮೂರು ರನ್ ಕೊಟ್ಟು ನಗೆಪಾಟಲಿಗೀಡಾದ ತಂಡ: ವೀಡಿಯೋ ವೈರಲ್

ಕ್ರಿಕೆಟ್ ಪಂದ್ಯದಲ್ಲಿ ಒಂದು ಎಸೆತದಲ್ಲಿ ಮೂರು ರನ್ ಓಡುವುದು ಸಹಜ. ಆದ್ರೆ ಡಾಟ್‌ ಬಾಲ್‌ಗೆ ಎಲ್ಲಾದರೂ ಮೂರು ರನ್ ಗಳಿಸುವುದನ್ನು ನೋಡಿದ್ದೀರಾ?. ಬಹುತೇಕ ನೋಡಲು ಸಾಧ್ಯವಿಲ್ಲ ಬಿಡಿ. ಆದ್ರೀಗ ಅಂತಹ ಒಂದು ಪಂದ್ಯದ ಹೈಲೈಟ್ಸ್‌ ಅನ್ನು ನೋಡುವ ಸಮಯ ಬಂದಿದೆ.

ಜೆಕ್ ರಿಪಬ್ಲಿಕ್ ಲೀಗ್‌ನ ಅಂಗವಾಗಿ ಪ್ರೇಗ್ ಬಾರ್ಬೇರಿಯನ್ಸ್ ವಿನೋಹ್ರಾದಿ ನಡುವಿನ ಪಂದ್ಯದಲ್ಲಿ ಬ್ಯಾಟ್ಸ್‌ಮನ್‌ಗಳು ಡಾಟ್ ಬಾಲ್‌ಗಾಗಿ ಮೂರು ರನ್ ಓಡಿರುವ ವೀಡಿಯೋ ಎಲ್ಲೆಡೆ ವೈರಲ್ ಆಗಿದೆ. ಇದನ್ನು ಕ್ಲಾಸಿಕ್ ರನ್‌ ಎಂದು ECN ನಲ್ಲಿ ವೀಕ್ಷಕ ವಿವರಣೆಗಾರರು ಕಾಮೆಂಟ್ ಮಾಡಿದ್ದಾರೆ.

ಪ್ರೇಗ್ ಬಾರ್ಬೇರಿಯನ್ಸ್ ಪಂದ್ಯದ ಮೊದಲ ಇನ್ನಿಂಗ್ಸ್‌ನಲ್ಲಿ ಬ್ಯಾಟ್ ಮಾಡಿದರು. ಇನಿಂಗ್ಸ್‌ನ ಮೂರನೇ ಓವರ್‌ನಲ್ಲಿ ವಿನೋದಿ ಬೌಲರ್ ಅರ್ಷದ್ ಹಯಾತ್ ವೈಡ್ ಆಫ್ ಸ್ಟಂಪ್ ಬೌಲ್ಡ್ ಮಾಡಿದರು. ಬಾರ್ಬೇರಿಯನ್ಸ್ ಬ್ಯಾಟ್ಸ್‌ಮನ್ ಜಹನುರ್ ಹೊಯೆಕ್ ಚೆಂಡು ಹೊಡೆಯಲು ತಪ್ಪಿಸಿಕೊಂಡರು.

ತಕ್ಷಣವೇ ಚೆಂಡನ್ನು ಕೈಗೆತ್ತಿಕೊಂಡ ಕೀಪರ್ ಆರ್ಮ್‌ಸ್ಟ್ರಾಂಗ್ ಜೊತೆ ಸ್ಟಂಪ್ ಔಟ್ ಮಾಡಲು ಯತ್ನಿಸಿದರು. ಆದರೆ ಮಿಸ್ ಫೈರ್‌ನೊಂದಿಗೆ, ಬ್ಯಾಟರ್‌ಗಳು ಓಡಿದರು. ಇದಾದ ತಕ್ಷಣ, ಕೀಪರ್ ಇನ್ನೊಂದು ತುದಿಯಲ್ಲಿದ್ದ ಬೌಲರ್‌ಗೆ ರನೌಟ್‌ಗಾಗಿ ಚೆಂಡನ್ನು ಎಸೆದರು. ಬೌಲರ್ ಅದನ್ನು ಸ್ವೀಕರಿಸಲು ವಿಫಲವಾದಾಗ ಮತ್ತೊಂದು ರನ್ ಬಂದಿತು. ಮುಂದಿನ ರನೌಟ್‌ಗೆ ಬೌಲರ್ ಚೆಂಡನ್ನು ಎಸೆದು ಅದನ್ನು ಸ್ವೀಕರಿಸಲು ಕೀಪರ್ ಮತ್ತೊಮ್ಮೆ ವಿಫಲವಾದಾಗ ಮತ್ತೊಂದು ರನ್ ಬಂದಿತು.

ಕ್ರಿಕೆಟ್ ಇತಿಹಾಸದಲ್ಲಿ ಹಿಂದೆಂದೂ ಕಾಣದ ರೀತಿಯಲ್ಲಿ ಡಾಟ್ ಬಾಲ್‌ಗೆ ಮೂರು ರನ್‌ಗಳು ಬಂದಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಬ್ರಾಡ್‌ಕ್ಯಾಸ್ಟರ್ ECN ನ ನಿರೂಪಕ ಇದು ಕ್ಲಾಸಿಕ್ ಎಂದು ಕಾಮೆಂಟ್ ಮಾಡಿದ್ದಾರೆ ಮತ್ತು ಆಸ್ಟ್ರೇಲಿಯಾದ ಮಾಜಿ ಬೌಲರ್ ಬ್ರಾಡ್ ಹಾಗ್ ಈ ವಿಷಯಕ್ಕೆ ವ್ಯಂಗ್ಯವಾಗಿ ಪ್ರತಿಕ್ರಿಯಿಸಿದ್ದಾರೆ.