ಬೆಂಗಳೂರು, ಏಪ್ರಿಲ್ 19: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಐಪಿಎಲ್ ಪಾದಾರ್ಪಣೆ ಪಂದ್ಯವನ್ನಾಡಲು ದಕ್ಷಿಣ ಆಫ್ರಿಕಾ ಮಾರಕ ವೇಗಿ ಡೇಲ್ ಸ್ಟೇನ್ ಸಜ್ಜಾಗಿದ್ದಾರೆ. ಐಪಿಎಲ್ 35ನೇ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಡೇಲ್ ಸ್ಟೇನ್ ಮೈದಾನಕ್ಕಿಳಿಯುವುದರಲ್ಲಿದ್ದಾರೆ.
ಐಪಿಎಲ್ 2019: ಬೆಂಗಳೂರು vs ಕೋಲ್ಕತ್ತಾ ಪಂದ್ಯದ Live Score ಕೆಳಗಿದೆ
ಕೌಂಟಿ ಕ್ರಿಕೆಟ್ ಆಡಲು ಬಿಸಿಸಿಐ ಅನುಮತಿ ಕೋರಿದ ಅಜಿಂಕ್ಯ ರಹಾನೆ
ಐಪಿಎಲ್ 31ನೇ ಪಂದ್ಯದಲ್ಲಿ ಆರ್ಸಿಬಿ ತಂಡ ಮುಂಬೈ ಇಂಡಿಯನ್ಸ್ ವಿರುದ್ಧ 5 ವಿಕೆಟ್ ಸೋಲನುಭವಿಸಿದ ಬಳಿಕ ಸ್ಟೇನ್ ತಂಡ ಸೇರಿಕೊಂಡು ಅಭ್ಯಾಸವನ್ನು ನಡೆಸುತ್ತಿರುವುದು ಆರ್ಸಿಬಿಗೆ ಉಮ್ಮಸ್ಸು ತುಂಬಿದೆ. ಹೀಗಾಗಿ ಕೋಲ್ಕತ್ತಾದ ಈಡನ್ ಗಾರ್ಡನ್ನಲ್ಲಿ ಆತಿಥೇಯ ಕೋಲ್ಕತ್ತಾ ವಿರುದ್ಧ ಶುಕ್ರವಾರ (ಏಪ್ರಿಲ್ 19) ನಡೆಯುವ ಪಂದ್ಯದಲ್ಲಿ ಆರ್ಸಿಬಿ ಪರ ಸ್ಟೇನ್ ಬೌಲಿಂಗ್ ಬೆಂಬಲ ನೀಡುವುದನ್ನು ನಿರೀಕ್ಷಿಸಲಾಗಿದೆ.
NOT #TBT. #SteynGun #OneDayToGo #PlayBold pic.twitter.com/pQJfFconcW
— Royal Challengers (@RCBTweets) April 18, 2019
ಕೋಲ್ಕತ್ತಾ ವಿರುದ್ಧದ ಪಂದ್ಯಕ್ಕಾಗಿ ಗುರುವಾರ (ಏಪ್ರಿಲ್ 18) ಆರ್ಸಿಬಿ ನೆಟ್ ಅಭ್ಯಾಸ ನಡೆಸುತ್ತಿದ್ದಾಗ ಡೇಲ್ ಸ್ಟೇನ್ ಬೌಲಿಂಗ್ ಮಾಡಿದ್ದರ ವಿಡಿಯೋವನ್ನು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಹಾಕಿಕೊಂಡಿದೆ. ಸ್ಟೇನ್ ಅವರು ಪ್ರ್ಯಾಕ್ಟೀಸ್ ಸ್ಟಂಪ್ಗೆ ಚೆಂಡು ಗುರಿಯಿಟ್ಟಿರುವ ದೃಶ್ಯ ವಿಡಿಯೋದಲ್ಲಿ ಕಾಣಬಹುದು.