Click it and Unblock the Notifications
ಐಪಿಎಲ್ 2019: ವಿರಾಟ್ ಕೊಹ್ಲಿ ದಾಖಲೆ ಸರಿ ದೂಗಿಸಿದ ಡೇವಿಡ್ ವಾರ್ನರ್
ಹೈದರಾಬಾದ್, ಏಪ್ರಿಲ್ 22: ಹೈದರಾಬಾದ್ನ ರಾಜೀವ್ ಗಾಂಧಿ ಇಂಟರ್ ನ್ಯಾಷನಲ್ ಸ್ಟೇಡಿಯಂನಲ್ಲಿ ಭಾನುವಾರ (ಏಪ್ರಿಲ್ 21) ನಡೆದ ಐಪಿಎಲ್ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಅರ್ಧ ಶತಕ ಬಾರಿಸುವುದರೊಂದಿಗೆ ಎಸ್ಆರ್ಎಚ್ ಆರಂಭಿಕ ಆಟಗಾರ ಡೇವಿಡ್ ವಾರ್ನರ್, ವಿರಾಟ್ ಕೊಹ್ಲಿ ದಾಖಲೆಯೊಂದನ್ನು ಸರಿದೂಗಿಸಿಕೊಂಡಿದ್ದಾರೆ.
'ಮೈಖೇಲ್ ಕನ್ನಡ-ಐಪಿಎಲ್ ವಿಶೇಷ ಮುಖಪುಟ'
38 ಎಸೆತಗಳಲ್ಲಿ ವಾರ್ನರ್ 67 ರನ್ ಕಲೆ ಹಾಕಿದರು. ಮತ್ತೊಬ್ಬ ಆಟಗಾರ ಜಾನಿ ಬೇರ್ಸ್ಟೊವ್ ಕೂಡ 43 ಎಸೆತಗಳಲ್ಲಿ ಅಜೇಯ 80 ರನ್ ಬಾರಿಸಿದ್ದರಿಂದ ಸನ್ ರೈಸರ್ಸ್ ಹೈದರಾಬಾದ್ 9 ವಿಕೆಟ್ಗಳ ಸುಲಭ ಗೆಲುವು ದಾಖಲಿಸಿತು.
ಐಪಿಎಲ್ ಸೀಸನ್ನಲ್ಲಿ ಡೇವಿಡ್ ವಾರ್ನರ್ ಮತ್ತು ಕೊಹ್ಲಿಯ ಸಾಧನೆಯ ಕೆಲ ಅಂಕಿ ಅಂಶಗಳು ಇಲ್ಲಿವೆ.
ಐದು ಸಾರಿ 500+ ರನ್
ಪಂದ್ಯದಲ್ಲಿ 67 ರನ್ ಸೇರಿದ್ದರಿಂದ 2019ರ ಸೀಸನ್ನಲ್ಲಿ ವಾರ್ನರ್ ಒಟ್ಟು 500 ರನ್ ಪೂರೈಸಿಕೊಂಡಿದ್ದಾರೆ. ಇಲ್ಲಿಗೆ ಒಟ್ಟಿಗೆ 5 ಐಪಿಎಲ್ ಸೀಸನ್ಗಳಲ್ಲಿ ವಾರ್ನರ್ 500+ ರನ್ ಬಾರಿಸಿದಂತಾಗಿದೆ. ಹೀಗಾಗಿ ಇದೇ ಸಾಧನೆ ಹೊಂದಿರುವ ಕೊಹ್ಲಿ ಸಾಲಿನಲ್ಲಿ ವಾರ್ನರ್ ಕೂಡ ಸೇರಿದ್ದಾರೆ.
ಕೊಹ್ಲಿ-ವಾರ್ನರ್ ಮುಂದು
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ವಿರಾಟ್ ಕೊಹ್ಲಿ 2011, 2013, 2015, 2016 ಮತ್ತು 2018ರಲ್ಲಿ 500+ ರನ್ಗಳನ್ನು ಗಳಿಸಿದ್ದರು. ಐಪಿಎಲ್ನಲ್ಲಿ ಐದು ಸಾರಿ 500+ ರನ್ ಗಳಿಸಿದವರ ಸಾಲಿನಲ್ಲಿ ಕೊಹ್ಲಿ ಮತ್ತು ವಾರ್ನರ್ ಸದ್ಯ ಮುಂದಿದ್ದಾರೆ.
ದ್ವಿತೀಯ ಸ್ಥಾನದಲ್ಲಿರುವ ಪ್ರಮುಖ ಆಟಗಾರರು
ಐಪಿಎಲ್ ಇತಿಹಾಸದಲ್ಲಿ ಐದು ಸಾರಿ 500+ ರನ್ ಗಳಿಸಿ ದಾಖಲೆ ಸೃಷ್ಟಿಸಿರುವ ಕೊಹ್ಲಿ ಮತ್ತು ವಾರ್ನರ್ ಮೊದಲ ಸ್ಥಾನದಲ್ಲಿದ್ದರೆ, ದ್ವಿತೀಯ ಸ್ಥಾನದಲ್ಲಿ ಕ್ರಿಸ್ ಗೇಲ್, ಸುರೇಶ್ ರೈನಾ, ಗೌತಮ್ ಗಂಭೀರ್ ಇದ್ದಾರೆ. ಇವರೆಲ್ಲರ ಹೆಸರಿನಲ್ಲಿ ತಲಾ 3 ಸಾರಿ 500+ ರನ್ ಗಳಿಸಿದ ದಾಖಲೆಯಿದೆ.
ಈ ಸೀಸನ್ನಲ್ಲಿ ಅತ್ಯಧಿಕ ರನ್
ಚೆಂಡು ವಿರೂಪ ಕ್ರಕರಣದಲ್ಲಿ ಒಂದು ವರ್ಷದ ನಿಷೇಧ ಅನುಭವಿಸಿದ ವಾರ್ನರ್, ಸ್ಟೀವ್ ಸ್ಮಿತ್ ಈಗ ಐಪಿಎಲ್ಗೆ ಹಿಂದಿರುಗಿದ್ದಾರೆ. ಕಳೆದ ವರ್ಷ ನಿಷೇಧಕ್ಕೀಡಾಗಿದ್ದರಿಂದ ಇಬ್ಬರೂ ಐಪಿಎಲ್ನಲ್ಲಿ ಪಾಲ್ಗೊಂಡಿರಲಿಲ್ಲ. ಇವರಲ್ಲಿ ವಾರ್ನರ್ ಈ ಸೀಸನ್ನಲ್ಲಿ ಈಗಾಗಲೇ ಒಟ್ಟು 517 ರನ್ನೊಂದಿಗೆ ಅತ್ಯಧಿಕ ರನ್ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ.
Story first published: Monday, April 22, 2019, 10:43 [IST]
Other articles published on Apr 22, 2019
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+