ನವದೆಹಲಿ, ಏಪ್ರಿಲ್ 11: ಡೆಲ್ಲಿ ಕ್ಯಾಪಿಟಲ್ಸ್ನ ವೇಗಿ ಹರ್ಷಲ್ ಪಟೇಲ್ ಅವರು ಮುಂಬರಲಿರುವ ಐಪಿಎಲ್ ಪಂದ್ಯಗಳಿಂದ ಹೊರಗುಳಿಯಲಿದ್ದಾರೆ. ಅವರು ಬಲಗೈಗೆ ಗಾಯ ಮಾಡಿಕೊಂಡಿರುವುದು ಇದಕ್ಕೆ ಕಾರಣ. ಈ ವಿಚಾರವನ್ನು ಡಿಸಿ ಕೋಚ್ ರಿಕಿ ಪಾಂಟಿಂಗ್ ಗುರುವಾರ (ಏಪ್ರಿಲ್ 11) ತಿಳಿಸಿದ್ದಾರೆ.
ಒಬ್ಬರನ್ನೊಬ್ಬರು ಗುರಾಯಿಸಿದ ಹಾರ್ದಿಕ್-ಹಾರ್ಡಸ್: ವೈರಲ್ ವಿಡಿಯೋ
'ಏಪ್ರಿಲ್ 1ರಂದು ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧದ ಪಂದ್ಯದ ವೇಳೆ ಹರ್ಷಲ್ ಪಟೇಲ್ ಕೈಗೆ ಗಾಯ ಮಾಡಿಕೊಂಡಿದ್ದರು. ಅವರ ಬಲಗೈ ಮೂಳೆ ಮುರಿದಿದೆ. ಅವರು ಒಂದಿಷ್ಟು ಎಕ್ಸ್ ರೇಗಳಿಗೆ ಒಳಗಾಗಿದ್ದಾರೆ. ಆದರೆ ಪಟೇಲ್ 3-4 ವಾರಗಳ ಕಾಲ ಟೂರ್ನಮೆಂಟ್ನಿಂದ ಹೊರಗಿರಬೇಕಾಗಿದೆ' ಎಂದು ರಿಕಿ ಮಾಹಿತಿ ನೀಡಿದ್ದಾರೆ.
Delhi Capitals pacer Harshal Patel ruled out of IPL pic.twitter.com/pGhuwwOc0K
— crezzindia (@sanjibsahoo06) April 11, 2019
ಪಟೇಲ್ ಅವರು 6ರಲ್ಲಿ 2 ಪಂದ್ಯಗಳಲ್ಲಿ ಆಡುವ 11ರಲ್ಲಿ ಡೆಲ್ಲಿ ಪರ ಮೈದಾನಕ್ಕಿಳಿದಿದ್ದರು. ಮಾರ್ಚ್ 30ರ ಪಂದ್ಯದಲ್ಲಿ ಕೋಲ್ಕತ್ತಾ ವಿರುದ್ಧ 40 ರನ್ನಿಗೆ 2 ವಿಕೆಟ್ ಮುರಿದಿದ್ದರು. ಈ ಪಂದ್ಯ ಸೂಪರ್ ಓವರ್ ಹಂತ ಪ್ರವೇಶಿಸಿತ್ತು. ಆದರೆ ಅಂತಿಮವಾಗಿ ಇದರಲ್ಲಿ ಡೆಲ್ಲಿ ರೋಚಕ ಜಯ ಗಳಿಸಿತ್ತು.