10 ಸಾವಿರ ರನ್ ಕ್ಲಬ್ ಸೇರಿದ 5ನೇ ಭಾರತೀಯ ಆಟಗಾರ ಧೋನಿ

ಸಿಡ್ನಿ, ಜನವರಿ 13: ಅತಿಥೇಯ ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ವಿಕೆಟ್ ಕೀಪರ್ ಬ್ಯಾಟ್ಸ್ ಮನ್ ಎಂಎಸ್ ಧೋನಿ ಅವರು ನಿಧಾನಗತಿಯಲ್ಲಿ ಅರ್ಧಶತಕ ಗಳಿಸಿದ್ದು, ಸದ್ಯಕ್ಕೆ ಚರ್ಚಿತವಾಗುತ್ತಿದೆ. ಈ ನಡುವೆ ಧೋನಿ ಅವರು ಏಕದಿನ ಅಂತಾರಾಷ್ಟ್ರೀಯ 10,000ರನ್ ಗಡಿ ದಾಟಿದರು.

ಈ ಸಾಧನೆ ಮಾಡಿದ ಭಾರತದ 5ನೇ ಆಟಗಾರ ಹಾಗೂ ವಿಶ್ವದ 13ನೇ ಆಟಗಾರರಾಗಿದ್ದರು. 37 ವರ್ಷ ವಯಸ್ಸಿನ ಧೋನಿ ಅವರು ಸಿಡ್ನಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯಕ್ಕೂ ಮುನ್ನ 9,999ರನ್ ಗಳಿಸಿದ್ದರು. ಈ ಪಂದ್ಯದಲ್ಲಿ 51ರನ್ ಗಳಿಸಿದ ಧೋನಿ ಅವರು ಈ ಸಾಧನೆ ಮಾಡಿದರು.

ವಿಕೆಟ್ ಕೀಪರ್ ಗಳ ಪೈಕಿ ಶ್ರೀಲಂಕಾದ ಮಾಜಿ ಆಟಗಾರ ಕುಮಾರ್ ಸಂಗಕ್ಕಾರ ನಂತರ ಭಾರತದ ಎಂಎಸ್ ಧೋನಿ ಮಾತ್ರ ಈ ಸಾಧನೆ ಮಾಡಿದ್ದಾರೆ.

ಭಾರತದ ಪರ 10 ಸಾವಿರ ಪ್ಲಸ್ ರನ್ ಗಳಿಸಿದವರು: