ಗಾಲ್ಫ್ ಆಡಲು ಹೋಗಿ ಹಲ್ಲು ಮುರಿದುಕೊಂಡ ಆಂಡರ್ಸನ್!

ಲಂಡನ್, ಆಗಸ್ಟ್ 06: ಪ್ರವಾಸಿ ಟೀಂ ಇಂಡಿಯಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಜಯ ದಾಖಲಿಸಿದ ಬಳಿಕ ಆಂಡರ್ಸನ್ ಅವರು ಹಲ್ಲು ಮುರಿದುಕೊಂಡ ಪ್ರಸಂಗ ನಡೆದಿದೆ. ಆದರೆ, ದೊಡ್ಡ ಮಟ್ಟದ ಗಾಯವೇನು ಆಗಿಲ್ಲ, ಜೇಮ್ಸ್ ಆರೋಗ್ಯವಾಗಿದ್ದಾರೆ ಎಂದು ತಿಳಿದು ಬಂದಿದೆ.

ಇಂಗ್ಲೆಂಡ್​ ಆಟಗಾರರು ವಿರಾಮ ಸಿಕ್ಕ ಖುಷಿಯಲ್ಲಿ ಗಾಲ್ಫ್ ಆಡಲು ತೆರಳಿದ್ದಾಗ, ಇಂಗ್ಲೆಂಡ್ ತಂಡದ ಪ್ರಮುಖ ವೇಗಿ ಜೇಮ್ಸ್​ ಆಂಡರ್ಸನ್ ಅವರು​ ಗಾಲ್ಫ್​ ಆಡುವಾಗ ಗಾಯ ಮಾಡಿಕೊಂಡಿದ್ದಾರೆ. ಜೇಮ್ಸ್ ಬಾರಿಸಿದ ಚೆಂಡು ಅವರ ಮುಖಕ್ಕೆ ಜೋರಾಗಿ ಬಡಿದು, ಹಲ್ಲು ಮುರಿದಿದೆ.

ಜೇಮ್ಸ್ ಅವರು ಗಾಲ್ಫ್ ಮಾಡುವುದನ್ನು ವಿಡಿಯೋ ಮಾಡುತ್ತಿದ್ದ ಸ್ಟುವರ್ಟ್ ಬ್ರಾಡ್​,ಅವರು ತಮ್ಮ ಟ್ವಿಟರ್​​ನಲ್ಲಿ ಈ ವಿಡಿಯೋ ಹಾಕಿದ್ದಾರೆ ಸದ್ಯ ಆ್ಯಂಡರ್ಸನ್​​ಗೆ ಯಾವುದೇ ಗಂಭೀರ ಗಾಯವಾಗಿಲ್ಲ ಹಲ್ಲು ಅಷ್ಟೇ ಮುರಿದಿದೆ ಎಂದು ಟ್ವೀಟ್ ಮಾಡಿದ್ದಾರೆ.

ಸದ್ಯ ಈ ವಿಡಿಯೋ ಸಾಮಾಜಿಕ ತಾಣಗಳಲ್ಲಿ ಭಾರೀ ವೈರಲ್ ಆಗುತ್ತಿದ್ದು, ಬಾರ್ಮಿ ಆರ್ಮಿ ಅವರು ಕೂಡಾ ವಿಡಿಯೋ ಎಡಿಟ್ ಮಾಡಿ, ಆಂಡರ್ಸನ್ ಬಾರಿಸಿದ ಚೆಂಡು ಗುರಿ ಮುಟ್ಟಿದೆ ಎಂದು ತೋರಿಸಿದ್ದಾರೆ.