ಹಫೀಝ್ ಬ್ಯಾಟಿಂಗ್‌ಗೆ ತಲೆ ಬಾಗಿದ ಇಂಗ್ಲೆಂಡ್, ಟಿ20ಐ ಸರಣಿ ಸಮಬಲ

ಮ್ಯಾನ್ಚೆಸ್ಟರ್: ಮ್ಯಾನ್ಚೆಸ್ಟರ್‌ನ ಓಲ್ಡ್ ಟ್ರಾಫರ್ಡ್ ಸ್ಟೇಡಿಯಂನಲ್ಲಿ ಮುಕ್ತಾಯಗೊಂಡ ಇಂಗ್ಲೆಂಡ್ vs ಪಾಕಿಸ್ತಾನ ನಡುವಿನ 3ನೇ ಮತ್ತು ಕೊನೇಯ ಟಿ20 ಪಂದ್ಯದಲ್ಲಿ ಪಾಕಿಸ್ತಾನ 5 ರನ್ ಗೆಲುನ್ನಾಚರಿಸಿದೆ. ಮೊಹಮ್ಮದ್ ಹಫೀಝ್ ಸ್ಫೋಟಕ ಬ್ಯಾಟಿಂಗ್‌ನಿಂದ ಪಾಕ್ ಜಯ ದಾಖಲಿಸಿದೆ. ಇದರೊಂದಿಗೆ ಮೂರು ಪಂದ್ಯಗಳ ಸರಣಿ 1-1ರಿಂದ ಸಮಬಲಗೊಂಡಿದೆ.

ಟಾಸ್ ಸೋತು ಬ್ಯಾಟಿಂಗ್‌ಗೆ ಇಳಿಸಲ್ಪಟ್ಟ ಪಾಕಿಸ್ತಾನದಿಂದ ನಾಯಕ ಬಾಬರ್ ಅಝಾಮ್ 21, ಹೈದರ್ ಅಲಿ 54 (33 ಎಸೆತ), ಮೊಹಮ್ಮದ್ ಹಫೀಝ್ 86 (52), ಶದಾಬ್ ಖಾನ್ 15 ರನ್ ಕೊಡುಗೆ ಗಮನಾರ್ಹವೆನಿಸಿತು. ಪಾಕ್ ತಂಡ 20 ಓವರ್‌ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 190 ರನ್ ಕಲೆ ಹಾಕಿತ್ತು.

ಇಂಗ್ಲೆಂಡ್ vs ಪಾಕಿಸ್ತಾನ, 3ನೇ ಟಿ20ಐ ಪಂದ್ಯ, ಸ್ಕೋರ್‌ಕಾರ್ಡ್

ಗುರಿ ಬೆನ್ನಟ್ಟಿದ ಇಂಗ್ಲೆಂಡ್‌ನಿಂದ ಟಾಮ್ ಬ್ಯಾಂಟನ್ 46 (31 ಎಸೆತ), ಇಯಾನ್ ಮಾರ್ಗನ್ 10, ಮೊಯೀನ್ ಅಲಿ 61 (33), ಸ್ಯಾಮ್ ಬಿಲ್ಲಿಂಗ್ಸ್ 26, ಲೂಯಿಸ್ ಗ್ರೆಗರಿ 26, ಟಾಮ್ ಕರನ್ 8 ರನ್ ಸೇರಿಸಿದರು. ಇಂಗ್ಲೆಂಡ್ 20 ಓವರ್‌ಗೆ 8 ವಿಕೆಟ್ ಕಳೆದು 158 ರನ್ ಗಳಿಸಲಷ್ಟೇ ಶಕ್ತವಾಯ್ತು.

ಪಾಕ್ ಇನ್ನಿಂಗ್ಸ್‌ನಲ್ಲಿ ಇಂಗ್ಲೆಂಡ್‌ನ ಕ್ರಿಸ್ ಜೋರ್ಡನ್ 2 ವಿಕೆಟ್ ಪಡೆದರೆ, ಇಂಗ್ಲೆಂಡ್ ಇನ್ನಿಂಗ್ಸ್‌ನಲ್ಲಿ ಪಾಕಿಸ್ತಾನದ ಶಾಹೀನ್ ಅಫ್ರಿದಿ ಮತ್ತು ವಹಾಬ್ ರಿಯಾಝ್ ತಲಾ 2 ವಿಕೆಟ್‌ನೊಂದಿಗೆ ಗಮನ ಸೆಳೆದರು. ಮೊಹಮ್ಮದ್ ಹಫೀಝ್ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದುಕೊಂಡರು.

ಇಂಗ್ಲೆಂಡ್ ತಂಡ: ಟಾಮ್ ಬ್ಯಾಂಟನ್, ಜಾನಿ ಬೈರ್‌ಸ್ಟೋವ್ (ವಿಕೆ), ಡೇವಿಡ್ ಮಲನ್, ಇಯಾನ್ ಮಾರ್ಗನ್ (ಸಿ), ಮೊಯೀನ್ ಅಲಿ, ಸ್ಯಾಮ್ ಬಿಲ್ಲಿಂಗ್ಸ್, ಲೆವಿಸ್ ಗ್ರೆಗೊರಿ, ಟಾಮ್ ಕರನ್, ಕ್ರಿಸ್ ಜೋರ್ಡಾನ್, ಆದಿಲ್ ರಶೀದ್, ಸಾಕಿಬ್ ಮಹಮೂದ್.

ಪಾಕಿಸ್ತಾನ ತಂಡ: ಬಾಬರ್ ಅಝಾಮ್ (ಸಿ), ಫಖರ್ ಜಮಾನ್, ಹೈದರ್ ಅಲಿ, ಮೊಹಮ್ಮದ್ ಹಫೀಜ್, ಶೋಯೆಬ್ ಮಲಿಕ್, ಸರ್ಫರಾಜ್ ಅಹ್ಮದ್ (ವಿಕೆ), ಶದಾಬ್ ಖಾನ್, ಇಮಾದ್ ವಾಸಿಮ್, ವಹಾಬ್ ರಿಯಾಜ್, ಶಾಹೀನ್ ಅಫ್ರಿದಿ, ಹ್ಯಾರಿಸ್ ರವೂಫ್.