
1. ವಿರಾಟ್ ಕೊಹ್ಲಿ
ವಿರಾಟ್ ಕೊಹ್ಲಿಯನ್ನು ವೈಟ್ಬಾಲ್ ಕ್ರಿಕೆಟ್ನಲ್ಲಿ ಭಾರತದ ಬೆಸ್ಟ್ ಬ್ಯಾಟ್ಸ್ಮನ್ ಎಂದು ಯಾವುದೇ ಸಂಶಯವಿಲ್ಲದೆ ಹೇಳಬಹುದು. ಫೀಫಾ ಪ್ಲೇಯರ್ ರೇಟಿಂಗ್ನಲ್ಲಿ ರನ್ ಮೆಶೀನ್ ಕೊಹ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ಎಲ್ಲಾ ಮಾದರಿಯಲ್ಲೂ ಅದ್ಭುತ ಬ್ಯಾಟಿಂಗ್ ಮಾಡುವ, ವಿಕೆಟ್ಗಳ ಮಧ್ಯೆ ಅಂತಾರಾಷ್ಟ್ರೀಯ ಓಟಗಾರನಂತೆ ಓಡುವ ಸಾಮರ್ಥ್ಯವನ್ನು ಪರಿಗಣಿಸಿ ಕೊಹ್ಲಿಗೆ ಒಟ್ಟಾರೆ 94 ರೇಟಿಂಗ್ ನೀಡಲಾಗಿದೆ. (Pace-93 | Attack-90 | Defence-96 | Physicality-94).

2. ರೋಹಿತ್ ಶರ್ಮಾ
ಟೀಮ್ ಇಂಡಿಯಾದಲ್ಲಿ ವಿರಾಟ್ ಕೊಹ್ಲಿ ಬಿಟ್ಟರೆ ಹೆಚ್ಚು ಆಕರ್ಣೀಯ ಆಟಗಾರ ಹಿಟ್ಮ್ಯಾನ್ ರೋಹಿತ್ ಶರ್ಮಾ. 2013ರಿಂದಲೂ ಏಕದಿನದಲ್ಲಿ ರೋಹಿತ್ ವಿಶ್ವದ ಬೆಸ್ಟ್ ಆರಂಭಿಕ ಬ್ಯಾಟ್ಸ್ಮನ್ಗಳಲ್ಲಿ ಮುಂಚೂಣಿಯಾಗಿ ಗುರುತಿಸಿಕೊಳ್ಳುತ್ತಿದ್ದಾರೆ. ಏಕದಿನದಲ್ಲಿ ಅತ್ಯಧಿಕ ವೈಯಕ್ತಿಕ ರನ್ ವಿಶ್ವದಾಖಲೆ (264 ರನ್) ರೋಹಿತ್ ಹೆಸರಿನಲ್ಲಿದೆ. ಫೀಫಾ ಪ್ಲೇಯರ್ ರೇಟಿಂಗ್ನಲ್ಲಿ ರೋಹಿತ್ 92 ಅಂಕಗಳನ್ನು ಪಡೆದುಕೊಂಡಿದ್ದಾರೆ (Pace-86 | Attack-94 | Defence-88 | Physicality-89).

3. ಜಸ್ಪ್ರೀತ್ ಬೂಮ್ರಾ
ಅನಾರ್ಥಡಾಕ್ಸ್ ಬೌಲಿಂಗ್ ಎಸೆಯುವ ವೇಗಿ ಜಸ್ಪ್ರೀತ್ ಬೂಮ್ರಾ ವಿಶ್ವದಲ್ಲೇ ಅಪಾಯಕಾರಿ ಬೌಲರ್ಗಳಲ್ಲಿ ಒಬ್ಬರು. ಎಲ್ಲಾ ಮಾದರಿಗೂ ಒಗ್ಗಿಕೊಳ್ಳುವ ಬೂಮ್ರಾ ಉತ್ತಮ ಬೌಲಿಂಗ್ ಸಾಧನೆಗಾಗಿ ಗುರುತಿಸಿಕೊಂಡಿದ್ದಾರೆ. ವೇಗ, ನಿಯಂತ್ರಣ, ಸ್ವಿಂಗ್ ಕೌಶಲಗಳು ಬೂಮ್ರಾ ಅವರನ್ನು ವಿಶಿಷ್ಠ ಬೌಲರ್ಗಳ ಸಾಲಿನಲ್ಲಿ ತಂದು ನಿಲ್ಲಿಸಿದೆ. ಜಸ್ಪ್ರೀತ್ ಅವರು ಫೀಫಾ ಪ್ಲೇಯರ್ಸ್ ರೇಟಿಂಗ್ನಲ್ಲಿ 90 ಪಾಯಿಂಟ್ ಪಡೆದುಕೊಂಡಿದ್ದಾರೆ (Pace-94 | Attack-93 | Defence-90 | Physicality-92).

4. ಎಂಎಸ್ ಧೋನಿ
ನಿಯಮಿತ ಓವರ್ಗಳ ಕ್ರಿಕೆಟ್ನಲ್ಲಿ ಹೆಚ್ಚು ಯಶಸ್ವಿ ನಾಯಕ ಎಂಎಸ್ ಧೋನಿ ಅನ್ನೋದರಲ್ಲಿ ಎರಡು ಮಾತಿಲ್ಲ. ವೈಟ್ಬಾಲ್ ಕ್ರಿಕೆಟ್ನಲ್ಲಿ ಬೆಸ್ಟ್ ಫಿನಿಷರ್ ಅಂತ ಗಮನ ಸೆಳೆದವರು ಕೂಲ್ ಕ್ಯಾಪ್ಟನ್ ಧೋನಿ. 2019ರ ವಿಶ್ವಕಪ್ನಲ್ಲಿ ಸೆಮಿಫೈನಲ್ನಲ್ಲಿ ಭಾರತ ಸೋತ ಬಳಿಕ ಧೋನಿ ಯಾವುದೇ ಪಂದ್ಯವನ್ನಾಡಿಲ್ಲ. ಆದರೆ ಧೋನಿ ಇವತ್ತಿಗೂ ಬೆಸ್ಟ್ ಕ್ರಿಕೆಟರ್ ಅನ್ನೋದನ್ನು ನಾವು ಒಪ್ಪಿಕೊಳ್ಳಬೇಕು. ಫೀಫಾ ಪ್ಲೇಯರ್ ರೇಟಿಂಗ್ನಲ್ಲಿ ಧೋನಿ 89 ಅಂಕ ಪಡೆದಿದ್ದಾರೆ (Pace-90 | Attack-94 | Defence-89 | Physicality-91).

5. ಯುಜುವೇಂದ್ರ ಚಾಹಲ್
ಟೀಮ್ ಇಂಡಿಯಾದಲ್ಲಿ ತರಲೆ ಮಾಡುತ್ತಲೇ ಗಮನ ಸೆಳೆಯುವ ಲೆಗ್ ಸ್ಪಿನ್ನರ್ ಯುಜುವೇಂದ್ರ ಚಾಹಲ್ ಅಪ್ಪಟ ಪ್ರತಿಭಾವಂತ. ಸದ್ಯ 29ರ ಹರೆಯದವರಾಗಿರುವ ಚಾಹಲ್ ತಮ್ಮ ವೃತ್ತಿ ಜೀವನದಲ್ಲಿ ಸಾಧನೆಯ ಶಿಖರ ಏರಲಿದ್ದಾರೆ. ಚಾಹಲ್ ಹಿಂದಿನ ಎಲ್ಲಾ ಪ್ರದರ್ಶನ, ಸಾಧನೆಗಳನ್ನು ಗಮನಿಸಿದಾಗ ಫೀಫಾ ಪ್ಲೇಯರ್ ರೇಟಿಂಗ್ನಲ್ಲಿ ಒಟ್ಟಾರೆ 86 ಅಂಕ ಪಡೆದುಕೊಂಡಿದ್ದಾರೆ (Pace-87 | Attack-91 | Defence-84 | Physicality-85).


Click it and Unblock the Notifications












