ಕ್ರಿಕೆಟ್‌ನಲ್ಲಿ ಇದುವರೆಗೂ ಒಂದೇ ಒಂದು ಬಾರಿಯೂ 'ನೋ ಬಾಲ್' ಹಾಕದ 5 ಬೌಲರ್‌ಗಳಿವರು

1. ಇಯಾನ್ ಬೋಥಮ್

ಇಂಗ್ಲೆಂಡ್‌ನ ಲೆಜೆಂಡರಿ ಬೌಲರ್ ಇಯಾನ್ ಬೋಥಮ್ ತಮ್ಮ ಕ್ರಿಕೆಟ್ ವೃತ್ತಿ ಜೀವನದಲ್ಲಿ ಒಟ್ಟು 102 ಟೆಸ್ಟ್ ಪಂದ್ಯಗಳನ್ನಾಡಿದ್ದು, 116 ಏಕದಿನ ಪಂದ್ಯಗಳನ್ನಾಡಿದ್ದಾರೆ. ಇನ್ನು 383 ಟೆಸ್ಟ್ ವಿಕೆಟ್ ಮತ್ತು 145 ಏಕದಿನ ವಿಕೆಟ್ ಪಡೆದಿರುವ ಇಯಾನ್ ಬೋಥಮ್ 28086 ಎಸೆತಗಳನ್ನು ಎಸೆದಿದ್ದು, ಜೇಮ್ಸ್ ಆಂಡರ್ಸನ್ ಮತ್ತು ಸ್ಟುವರ್ಟ್ ಬ್ರಾಡ್ ನಂತರ ಇಂಗ್ಲೆಂಡ್ ಪರ ಅತಿಹೆಚ್ಚು ಎಸೆತ ಎಸೆದಿರುವ ಬೌಲರ್ ಎನಿಸಿಕೊಂಡಿದ್ದಾರೆ. ಹೀಗೆ ಇಷ್ಟು ಪಂದ್ಯಗಳಲ್ಲಿ ಆಟವನ್ನಾಡಿರುವ ಇಯಾನ್ ಬೋಥಮ್ ತಮ್ಮ 16 ವರ್ಷಗಳ ಅಂತರರಾಷ್ಟ್ರೀಯ ಕ್ರಿಕೆಟ್ ವೃತ್ತಿ ಜೀವನದಲ್ಲಿ ಒಮ್ಮೆಯೂ ಕೂಡ ಬೋ ಬಾಲ್ ಹಾಕಿಲ್ಲ.

2. ಡೆನ್ನಿಸ್ ಲಿಲ್ಲಿ

ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿಹೆಚ್ಚು ಟೆಸ್ಟ್ ವಿಕೆಟ್ ಪಡೆದಿರುವ ಆಸ್ಟ್ರೇಲಿಯಾ ಬೌಲರ್‌ಗಳ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿರುವ ಡೆನ್ನಿಸ್ ಲಿಲ್ಲಿ ಒಟ್ಟು 70 ಟೆಸ್ಟ್ ಪಂದ್ಯಗಳನ್ನಾಡಿ 355 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಹಾಗೂ 63 ಏಕದಿನ ಪಂದ್ಯಗಳನ್ನಾಡಿರುವ ಡೆನ್ನಿಸ್ ಲಿಲ್ಲಿ 103 ವಿಕೆಟ್‌ಗಳನ್ನು ಪಡೆದುಕೊಂಡಿದ್ದಾರೆ. ಇನ್ನು 132 ಟೆಸ್ಟ್ ಇನ್ನಿಂಗ್ಸ್‌ಗಳಲ್ಲಿ ಒಟ್ಟು 18467 ಎಸೆತಗಳನ್ನು ಎಸೆದಿರುವ ಡೆನ್ನಿಸ್ ಲಿಲ್ಲಿ 63 ಏಕದಿನ ಪಂದ್ಯಗಳಲ್ಲಿ 3593 ಎಸೆತಗಳನ್ನು ಎಸೆದಿದ್ದಾರೆ. ಇಷ್ಟು ಎಸೆತಗಳನ್ನು ಹಾಕಿರುವ ಡೆನ್ನಿಸ್ ಲಿಲ್ಲಿ ಒಮ್ಮೆಯೂ ಕೂಡ ನೋ ಬಾಲ್ ಹಾಕಿಯೇ ಇಲ್ಲ.

3. ಕಪಿಲ್ ದೇವ್

ಟೀಮ್ ಇಂಡಿಯಾದ ವಿಶ್ವಕಪ್ ಹೀರೋ ಎಂದೇ ಖ್ಯಾತಿಯನ್ನು ಪಡೆದಿರುವ ಕಪಿಲ್ ದೇವ್ ತಮ್ಮ 16 ವರ್ಷಗಳ ಅಂತರರಾಷ್ಟ್ರೀಯ ಕ್ರಿಕೆಟ್ ವೃತ್ತಿ ಜೀವನದಲ್ಲಿ ಅನಿಲ್ ಕುಂಬ್ಳೆ ಮತ್ತುಹರ್ಭಜನ್ ಸಿಂಗ್ ಭಾರತದ ಪರ ಅತಿಹೆಚ್ಚು ಎಸೆತಗಳನ್ನು ಎಸೆದ ಮೂರನೇ ಬೌಲರ್ ಎನಿಸಿಕೊಂಡಿದ್ದಾರೆ. ಒಟ್ಟು 356 ಪಂದ್ಯ ಮತ್ತು 448 ಇನ್ನಿಂಗ್ಸ್‌ನಲ್ಲಿ 687 ವಿಕೆಟ್ ಪಡೆದಿರುವ ಕಪಿಲ್ ದೇವ್ 38942 ಎಸೆತಗಳನ್ನು ಎಸೆದಿದ್ದು, ಒಂದೇ ಒಂದು ಬಾರಿ ಕೂಡ ನೋ ಬಾಲ್ ಎಸೆದೇ ಇಲ್ಲ.

4. ಇಮ್ರಾನ್ ಖಾನ್

ಪಾಕಿಸ್ತಾನದ ಮಾಜಿ ನಾಯಕ ಹಾಗೂ ಲೆಜೆಂಡರಿ ಆಲ್‌ರೌಂಡರ್ ಆಗಿರುವ ಇಮ್ರಾನ್ ಖಾನ್ 88 ಟೆಸ್ಟ್ ಪಂದ್ಯ ಹಾಗೂ 175 ಏಕದಿನ ಪಂದ್ಯಗಳಲ್ಲಿ ಕಣಕ್ಕಿಳಿದು, 362 ಟೆಸ್ಟ್ ವಿಕೆಟ್ ಹಾಗೂ 182 ಏಕದಿನ ವಿಕೆಟ್ ಪಡೆದಿದ್ದಾರೆ. ವಾಖರ್ ಯೂನಸ್ ಮತ್ತು ವಾಸಿಮ್ ಅಕ್ರಂ ನಂತರ ಪಾಕಿಸ್ತಾನದ ಪರ ಮೂರನೇ ಅತಿಹೆಚ್ಚು ಎಸೆತಗಳನ್ನು ಹಾಕಿದ್ದು ಒಮ್ಮೆಯೂ ಕೂಡ ನೋ ಬಾಲ್ ಎಸೆದೇ ಇಲ್ಲ.

ಶ್ರೀಲಂಕಾವನ್ನು ಸೋಲಿಸೋಕೆ ರೋಹಿತ್ ಗೆ ಹೆಲ್ಪ್‌ ಮಾಡಿದ್ದು ಯಾರು? | Oneindia Kannada

5. ಲಾನ್ಸ್ ಗಿಬ್ಸ್

ವೆಸ್ಟ್ ಇಂಡೀಸ್‌ನ ಮಾಜಿ ಸ್ಪಿನ್ನರ್ ಲಾನ್ಸ್ ಗಿಬ್ಸ್ 79 ಟೆಸ್ಟ್ ಪಂದ್ಯಗಳನ್ನಾಡಿದ್ದು, ಮೂರು ಏಕದಿನ ಪಂದ್ಯಗಳನ್ನಾಡಿದ್ದಾರೆ. ಗಿಬ್ಸ್ ವೆಸ್ಟ್ ಇಂಡೀಸ್ ತಂಡದ ಪರ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿಹೆಚ್ಚು ಎಸೆತಗಳನ್ನು ಎಸೆದ ನಾಲ್ಕನೇ ಬೌಲರ್ ಎನಿಸಿಕೊಂಡಿದ್ದಾರೆ. 27271 ಎಸೆತಗಳನ್ನು ಎಸೆದಿರುವ ಲಾನ್ಸ್ ಗಿಬ್ಸ್ 309 ಟೆಸ್ಟ್ ವಿಕೆಟ್‌ಗಳನ್ನು ಪಡೆದಿದ್ದಾರೆ. ಇಷ್ಟೆಲ್ಲಾ ಸಾಧನೆ ಮಾಡಿರುವ ಲಾನ್ಸ್ ಗಿಬ್ಸ್ ತಮ್ಮ ಅಂತರರಾಷ್ಟ್ರೀಯ ಕ್ರಿಕೆಟ್ ವೃತ್ತಿ ಜೀವನದಲ್ಲಿ ಒಮ್ಮೆಯೂ ಸಹ ನೋ ಬಾಲ್ ಹಾಕಿಯೇ ಇಲ್ಲ.