Click it and Unblock the Notifications
ಸುದೀರ್ಘ ಪ್ರಯಾಣ ಎಂದ ಮ್ಯಾಕ್ಸ್ವೆಲ್
ಫಾಕ್ಸ್ ಸ್ಪೋರ್ಟ್ಸ್ ಜೊತೆಗೆ ಮಾತನಾಡಿದ ಮ್ಯಾಕ್ಸ್ವೆಲ್ ಗಾಯದಿಂದ ಚೇತರಿಕೆ ಕಂಡಿರುವ ಹಾದು ಬಹಳ ಸುದೀರ್ಘವಾಗಿದೆ ಎಂದಿದ್ದಾರೆ. "ಕಳೆದ ಮೂರು ಮೂರೂವರೆ ತಿಂಗಳ ಪ್ರಯಾಣ ಬಹಳ ಸುದೀರ್ಘವಾಗಿದೆ. ಮುಂಜಾನೆಯ ಸೆಶನ್ಗಳು, ಜಿಮ್, ರಿಹ್ಯಾಬ್, ಪೂಲ್ ಸೆಶನ್, ಫಿಸಿಯೋ ಹೀಗೆ ಸಾಕಷ್ಟು ಸುದೀರ್ಘವಾಗಿತ್ತು. ಈಗ ನಾನು ಅದರ ಅಂತ್ಯಕ್ಕೆ ಬಂದು ನಿಂತಿದ್ದೇನೆ ಎಂದು ಭಾಸವಾಗುತ್ತಿದೆ. ಈಗ ನಾನು ಕ್ರಿಕೆಟ್ ಆಡಲು ಸಾಧ್ಯವಾಗಿರುವುದು ಹೆಮ್ಮೆ ಮೂಡಿಸುತ್ತಿದೆ.
ಫಿಟ್ ಆಗುವತ್ತ ಹೆಜ್ಜೆ ಎಂದ ಮ್ಯಾಕ್ಸ್ವೆಲ್
ಇನ್ನು ಈ ಸಂದರ್ಭದಲ್ಲಿ ಗ್ಲೆನ್ ಮ್ಯಾಕ್ಸ್ವೆಲ್ ತಮ್ಮ ಫಿಟ್ನೆಸ್ ಬಗ್ಗೆಯೂ ಮಾಹಿತಿ ನೀಡಿದ್ದಾರೆ. ತಾನು ನಿಧಾನಕ್ಕೆ ವರ್ಕ್ಲೋಡ್ ಹೆಚ್ಚಿಸಿಕೊಳ್ಳುತ್ತಿರುವುದಾಗಿ ಹೇಳಿರುವ ಗ್ಲೆನ್ ಮ್ಯಾಕ್ಸ್ವೆಲ್ ಸಂಪೂರ್ಣವಾಗಿ ಇನ್ನೂ ಫಿಟ್ ಆಗಿಲ್ಲ ಎಂದಿದ್ದಾರೆ. "ಈಗ ಬಹುಶಃ 80% ಫಿಟ್ ಆಗಿದ್ದೇನೆ. ಏಕದಿನ ಪಂದ್ಯವನ್ನಾಡಲು ನಾನು ಇನ್ನೂ ಕೂಡ ಸ್ವಲ್ಪ ಹಿಂದಿದ್ದು ಅದರತ್ತ ಪ್ರಯತ್ನ ನಡೆಸುತ್ತಿದ್ದೇನೆ. ನಾನು ಈಗ ಬೌಲಿಂಗ್ ಮಾಡುತ್ತಿಲ್ಲ. ನಿಧಾನಕ್ಕೆ ನನ್ನ ವರ್ಕ್ಲೋಡ್ ಹೆಚ್ಚಿಸಿಕೊಳ್ಳುತ್ತಿದ್ದೇನೆ" ಎಂದಿದ್ದಾರೆ ಗ್ಲೆನ್ ಮ್ಯಾಕ್ಸ್ವೆಲ್.
ಆರ್ಸಿಬಿಗೂ ನಿರಾಳತೆ
ಆಸ್ಟ್ರೇಲಿಯಾದ ಸ್ಟಾರ್ ಆಟಗಾರ ಗ್ಲೆನ್ ಮ್ಯಾಕ್ಸ್ವೆಲ್ ಗಾಯಗೊಂಡಿದ್ದು ಆಸ್ಟ್ರೇಲಿಯಾ ತಂಡಕ್ಕೆ ಮಾತ್ರವೇ ಆಘಾತ ಉಂಟು ಮಾಡಿರಲಿಲ್ಲ. ಆರ್ಸಿಬಿ ತಂಡಕ್ಕೂ ಇದು ಕಳವಳವನ್ನುಂಟು ಮಾಡಿತ್ತು. ಗ್ಲೆನ್ ಮ್ಯಾಕ್ಸ್ವೆಲ್ ಕಳೆದ ಎರಡ್ಮೂರು ಆವೃತ್ತಿಗಳಿಂದ ಆರ್ಸಿಬಿ ತಂಡದ ಅವಿಭಾಜ್ಯ ಅಂಗವಾಗಿದ್ದಾರೆ. ಆರ್ಸಿಬಿ ಪರವಾಗಿ ಕೆಲ ಅದ್ಭುತ ಇನ್ನಿಂಗ್ಸ್ಗಳನ್ನು ನೀಡಿದ್ದಾರೆ ಮ್ಯಾಕ್ಸ್ವೆಲ್. ಹೀಗಾಗಿ ಈ ಬಾರಿಯ ಐಪಿಎಲ್ಗೆ ಮ್ಯಾಕ್ಸ್ವೆಲ್ ಅಲಭ್ಯವಾದರೆ ಅದು ತಂಡಕ್ಕೆ ಭಾರೀ ಹಿನ್ನಡೆಯುಂಟು ಮಾಡುವ ಸಾಧ್ಯತೆಯಿತ್ತು. ಆದರ ಇದೀಗ ಅವರು ಚೇತರಿಕೆ ಕಂಡಿರುವುದು ಆರ್ಸಿಬಿ ಮ್ಯಾನೇಜ್ಮೆಂಟ್ ಹಾಗೂ ಅಭಿಮಾನಿಗಳಿಗೂ ನಿರಾಳತೆ ಮೂಡಿಸಿದೆ.
Continue with Google