ಹಾರ್ದಿಕ್ ಪಾಂಡ್ಯ ಪುತ್ರ 'ಅಗಸ್ತ್ಯ'ನಿಗೆ ಎರಡು ತಿಂಗಳ ಸಂಭ್ರಮ

ಮುಂಬೈ ಇಂಡಿಯನ್ಸ್‌ ತಂಡದ ಸೂಪರ್ ಆಲ್‌ರೌಂಡರ್ ಹಾರ್ದಿಕ್ ಪಾಂಡ್ಯ ಅವರ ಪುತ್ರ ಅಗಸ್ತ್ಯನಿಗೆ ಎರಡು ತಿಂಗಳು ತುಂಬಿದ್ದು, ಈ ಕುರಿತು ಪಾಂಡ್ಯ ಮತ್ತು ಆತನ ಪತ್ನಿ ನತಾಶ ಸ್ಟಾಂಕೋವಿಕ್ ಸಂಭ್ರಮ ವ್ಯಕ್ತಪಡಿಸಿದ್ದಾರೆ.

ತಮ್ಮ ಮಗುವಿನ ಚಿತ್ರಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್‌ ಮಾಡಿರುವ ಪಾಂಡ್ಯಾ ಫ್ಯಾಮಿಲಿ ಕೇಕ್ ಮೇಲೆ ಚಿತ್ರಿಸಿದ ಅಗಸ್ತ್ಯನ ಮುಂಬೈ ಇಂಡಿಯನ್ಸ್ ಜರ್ಸಿಯ ಚಿತ್ರದ ಮೇಲೆ ಎರಡು ತಿಂಗಳು ತುಂಬಿದೆ ಎಂದು ಹಾರ್ದಿಕ್ ಪೋಸ್ಟ್ ಮಾಡಿದ್ದಾರೆ. 30 ಜುಲೈ 2020 ರಂದು ಹಾರ್ದಿಕ್ ಮತ್ತು ನತಾಶಗೆ ಮೊದಲ ಮಗುವಿನ ಆಗಮನವಾಯಿತು.

ಹಾರ್ದಿಕ್ ಅವರ ಸ್ನೇಹಿತ ಹಾಗೂ ಟೀಮ್ ಇಂಡಿಯಾದ ಸಹ ಆಟಗಾರ ಕೆ.ಎಲ್.ರಾಹುಲ್ ಅವರು ನತಾಶ ಅವರ ಪೋಸ್ಟ್ ಬಗ್ಗೆ ಎಮೋಜಿಯೊಂದಿಗೆ ಪ್ರತಿಕ್ರಿಯಿಸಿದ್ದಾರೆ.

ಕೆ.ಎಲ್ ರಾಹುಲ್ ನಾಯಕತ್ವದ ತಂಡ, ಕಿಂಗ್ಸ್ ಇಲೆವೆನ್ ಪಂಜಾಬ್ ಹಾಗೂ ಹಾರ್ದಿಕ್ ಪಾಂಡ್ಯ ಅವರ ಮುಂಬೈ ಇಂಡಿಯನ್ಸ್‌ ತಂಡಗಳು ಗುರುವಾರ (ಅ. 01) ಅಬುಧಾಬಿಯಲ್ಲಿ ಮುಖಾಮುಖಿ ಆಗುತ್ತಿವೆ.