ದುಬೈನಲ್ಲಿ ಭಾರತೀಯ ವಧುವನ್ನು ವರಿಸಿದ ಪಾಕ್‌ ಕ್ರಿಕೆಟರ್ ಹಸನ್ ಅಲಿ

ಹಸನ್-ಶಮಿಯಾ ಪ್ರೇಮಾಂಕುರ

ಶಮಿಯಾ ಅಝ್ರೂ ಅವರು ಹರ್ಯಾಣ ರಾಜ್ಯದ ಮೆವಾತ್ ಜಿಲ್ಲೆಯವರು. ದುಬೈನಲ್ಲಿ ಹಸನ್ ಅಲಿ ಭೇಟಿಯಾಗಿದ್ದ ಶಮಿಯಾ ಅವರಲ್ಲಿ ಹಸನ್‌ಗೆ ಪ್ರೇಮಾಂಕುರವಾಗಿತ್ತು. ಹಸನ್‌ಹಗೆ ಶಮಿಯಾ ಅವರ ಪ್ರಮಾಣಿಕತೆ ಇಷ್ಟವಾಗಿತ್ತಲ್ಲದೆ, ಹಸನ್, ಶಮಿಯಾ ಅವರಲ್ಲಿ ಮದುವೆಯ ಪ್ರಸ್ತಾಪ ನೀಡಿದ್ದರು. ಇದಕ್ಕೆ ಶಮಿಯಾ ಒಪ್ಪಿಗೆ ಸೂಚಿಸಿದ್ದರು.

ಬಿ.ಟೆಕ್ ಪದವೀಧರೆ

ಮಾನವ್‌ ರಚನಾ ಯೂನಿವರ್ಸಿಟಿಯಲ್ಲಿ ಏರೊನಾಟಿಕಲ್ಸ್‌ನಲ್ಲಿ ಬಿ.ಟೆಕ್‌ ಪದವಿ ಪಡೆದಿರುವ ಶಮಿಯಾ, ಸದ್ಯ ಎಮಿರೇಟ್ಸ್‌ ವಿಮಾನಯಾನ ಸಂಸ್ಥೆಯಲ್ಲಿ ಫ್ಲೈಟ್‌ ಎಂಜಿನೀಯರ್‌ ಆಗಿ ಕಾರ್ಯ ನಿರ್ವಹಿಸುತ್ತಿದ್ದರು, ದುಬೈನಲ್ಲೇ ವಾಸವಿದ್ದರು. ಆದರೆ ಶಮಿಯಾ ಕುಟುಂಬದ ಸದಸ್ಯರು ಸದ್ಯ ದಿಲ್ಲಿಯಲ್ಲಿ ನೆಲೆಸಿದ್ದಾರೆ.

ಸಾನಿಯಾ ಶುಭಾಶಯ

ಶೋಯೆಬ್ ಮಲಿಕ್ ವರಿಸಿರುವ ಭಾರತದ ಖ್ಯಾತ ಟೆನಿಸ್ ತಾರೆ ಸಾನಿಯಾ ಮಿರ್ಝಾ ಅವರು ನವ ವಧು-ವರರಿಗೆ ಶುಭಾಶಯ ಕೋರಿದ್ದಾರೆ. 'ಹಸನ್‌ಗೆ ಶುಭಾಶಯಗಳು. ಇಬ್ಬರ ಮಧ್ಯೆ ಬದುಕಿನ ಕೊನೆ ತನಕ ಪ್ರೀತಿ-ಖುಷಿಯಿರಲಿ' ಎಂದು ಟ್ವಿಟರ್ ಮೂಲಕ ಮಿರ್ಝಾ ಶುಭ ಹಾರೈಸಿದ್ದಾರೆ.

ವಿಶ್ವಕಪ್‌ನಲ್ಲಿ ಹಸನ್

ಇಂಗ್ಲೆಂಡ್‌ನಲ್ಲಿ ನಡೆದಿದ್ದ ವಿಶ್ವಕಪ್‌ನಲ್ಲಿ ಪಾಕ್ ತಂಡದಲ್ಲಿ ಕಾಣಿಸಿಕೊಂಡಿದ್ದ ಹಸನ್, ಹೇಳಿಕೊಳ್ಳುವ ಪ್ರದರ್ಶನ ತೋರಿರಲಿಲ್ಲ. ಬರೀ 4 ಪಂದ್ಯಗಳನ್ನಾಡಿದ್ದ ಅಲಿ, ಒಂದೆರಡು ವಿಕೆಟ್ ಪಡೆದಿದ್ದರು. ಅದರಲ್ಲೂ ಮ್ಯಾಂಚೆಸ್ಟರ್‌ನ ಓಲ್ಡ್‌ ಟ್ರಾಫರ್ಡ್‌ ಕ್ರೀಡಾಂಗಣದಲ್ಲಿ ನಡೆದಿದ್ದ ಭಾರತ-ಪಾಕ್ ಪಂದ್ಯದ ವೇಳೆ 84 ರನ್ ಕೊಟ್ಟಿದ್ದ ಅಲಿಯನ್ನು ಉನ್ನುಳಿದ ಪಂದ್ಯಗಳಿಂದ ಕೈ ಬಿಡಲಾಗಿತ್ತು.