2018ರಲ್ಲಿ ಕೊನೆಯ ಟೆಸ್ಟ್
ಶಿಖರ್ ಧವನ್ ಟೀಮ್ ಇಂಡಿಯಾ ಪರವಾಗಿ 34 ಟೆಸ್ಟ್ ಪಂದ್ಯಗಳನ್ನಾಡಿದ್ದು 7 ಶತಕಗಳಿಸಿದ್ದಾರೆ. 40.61ರ ಸರಾಸರಿಯಲ್ಲಿ 2315 ರನ್ಗಳನ್ನು ಸುಧೀರ್ಘ ಮಾದರಿಯಲ್ಲಿ ಧವನ್ ಗಳಿಸಿದ್ದಾರೆ. ಆದರೆ ಟೆಸ್ಟ್ ಮಾದರಿಯಲ್ಲಿ ಕಳಪೆ ಪ್ರದರ್ಶನ ನೀಡಿದ ಕಾರಣ 2018ರಲ್ಲಿ ತಂಡದಿಂದ ಹೊರಬಿದ್ದರು. 2018ರ ಸೆಪ್ಟೆಂಬರ್ನಲ್ಲಿ ಇಂಗ್ಲೆಂಡ್ ವಿರುದ್ಧ ಕೊನೆಯ ಟೆಸ್ಟ್ ಪಂದ್ಯವನ್ನಾಡಿದರು.
ಆರಂಭಿಕ ಸ್ಥಾನಕ್ಕೆ ಭಾರೀ ಸ್ಪರ್ಧೆ
34 ವರ್ಷದ ಶಿಖರ್ ಧವನ್ ಟೆಸ್ಟ್ನಲ್ಲಿ ಮತ್ತೆ ಸ್ಥಾನವನ್ನು ಗಳಿಸುತ್ತಾರ ಎಂಬ ಪ್ರಶ್ನೆಗೆ ಉತ್ತರಿಸಿದ ಆಕಾಶ್ ಚೋಪ್ರಾ ಉತ್ತರಿಸುತ್ತಾ, ಸಾಧ್ಯವೇ ಇಲ್ಲ ಎನ್ನಲು ಸಾಧ್ಯವಿಲ್ಲ. ಆದರೆ ಶೀಘ್ರವಾಗಿ ಇದು ಆಗಲಿದೆ ಎಂದು ನನಗೆ ಅನಿಸುತ್ತಿಲ್ಲ. ಯಾಕೆಂದರೆ ಆರಂಭಿಕ ಸ್ಥಾನಕ್ಕೆ ಸಾಕಷ್ಟು ಅವಕಾಶಗಳು ಈಗಾಗಲೇ ಟೀಮ್ ಇಂಡಿಯಾದಲ್ಲಿ ಇದೆ ಎಂದು ಚೋಪ್ರಾ ಉತ್ತರಿಸಿದ್ದಾರೆ.
ಶಿಖರ್ಗಿಂತ ಮುಂದಿದ್ದಾರೆ ನಾಲ್ವರು ಆಟಗಾರರು
ರೋಹಿತ್ ಶರ್ಮಾ, ಮಾಯಾಂಕ್ ಅಗರ್ವಾಲ್, ಪೃಥ್ವಿ ಶಾ, ಮತ್ತು ಕೆಎಲ್ ರಾಹುಲ್ ಧವನ್ಗಿಂತ ಆರಂಭಿಕ ಸ್ಥಾನದ ರೇಸ್ನಲ್ಲಿ ಮುಂದಿದ್ದಾರೆ. ಭವಿಷ್ಯದಲ್ಲಿ ಶಿಖರ್ ಧವನ್ ಇದನ್ನು ಸಾಧಿಸಬಹುದು, ಆದರೆ ಶೀಘ್ರದಲ್ಲಿ ಇದು ಸಾಧ್ಯವಿಲ್ಲ. ಯಾಕೆಂದರೆ ತಂಡ ಇದಕ್ಕಿಂತ ಮುಂದೆ ಹೋಗುತ್ತಿದ ಎಂದು ಹೇಳಿದ್ದಾರೆ.
ಸೀಮಿತ ಓವರ್ಗಳತ್ತ ಗಮನ ನೀಡಲು ಸಲಹೆ
ಇದೇ ಸಂದರ್ಭದಲ್ಲಿ ಆಕಾಶ್ ಚೋಪ್ರಾ ಶಿಖರ್ ಧವನ್ಗೆ ಸಲಹೆಯೊಂದನ್ನು ನೀಡಿದ್ದಾರೆ. ಶಿಖರ್ ಓರ್ವ ಅದ್ಭುತ ವೈಟ್ಬಾಲ್ ಆಟಗಾರ. ಹಾಗಾಗಿ ಸೀಮಿತ ಓವರ್ಗಳಾದ ಏಕದಿನ ಹಾಗೂ ಟಿ20 ಮಾದರಿಯತ್ತ ಹೆಚ್ಚಿನ ಗಮನ ನಿಡುವುದು ಉತ್ತಮ ಎಂದು ಮಾಜಿ ಕ್ರಿಕೆಟಿಗ ಆಕಾಶ್ ಚೋಪ್ರಾ ಹೇಳಿದ್ದಾರೆ.