ಐಪಿಎಲ್: ಅಲ್ಝಾರಿ ಭರ್ಜರಿ ಬೌಲಿಂಗ್, ಮುಂಬೈಗೆ ತಲೆ ಬಾಗಿದ ಹೈದರಾಬಾದ್‌

ಹೈದರಾಬಾದ್, ಏಪ್ರಿಲ್ 6: ಹೈದರಾಬಾದ್‌ನ ರಾಜೀವ್‌ಗಾಂಧಿ ಇಂಟರ್ ನ್ಯಾಷನಲ್ ಸ್ಟೇಡಿಯಂನಲ್ಲಿ ನಡೆದ ಐಪಿಎಲ್ 19ನೇ ಪಂದ್ಯದಲ್ಲಿ ಸನ್ ರೈಸರ್ಸ್ ಹೈದರಾಬಾದ್‌ಗೆ ಮುಂಬೈ ಇಂಡಿಯನ್ಸ್ 40 ರನ್ ಸೋಲುಣಿಸಿದೆ. ಐಪಿಎಲ್ ಪಾದಾರ್ಪಪಣೆ ಪಂದ್ಯದಲ್ಲೇ ಅದ್ಭುತ ಬೌಲಿಂಗ್ ಪ್ರದರ್ಶಿಸಿದ ಅಲ್ಝಾರಿ ಜೋಸೆಪ್ ಮುಂಬೈ ಗೆಲುವಿನ ರುವಾರಿಯಾದರು.

ಮೈಖೇಲ್ ಕನ್ನಡ - ಐಪಿಎಲ್ 2019 'ವಿಶೇಷ ಮುಖಪುಟ'

ಮೊದಲು ಇನ್ನಿಂಗ್ಸ್‌ಗೆ ಇಳಿದ ಮುಂಬೈ ಇಂಡಿಯನ್ಸ್ ಆರಂಭದಲ್ಲೇ ಅಮೂಲ್ಯ ವಿಕೆಟ್‌ಗಳನ್ನು ಕಳೆದುಕೊಂಡಿತು. ರೋಹಿತ್ ಶರ್ಮಾ (11), ಸೂರ್ಯಕುಮಾರ್ ಯಾದವ್ 7, ಕ್ವಿಂಟನ್ ಡಿ ಕಾಕ್ (19), ಇಶಾನ್ ಕಿಶಾನ್ (17), ಕೃನಾಲ್ ಪಾಂಡ್ಯ (6) ಬೇಗನೆ ನಿರ್ಗಮಿಸಿದರು.

ಸ್ಕೋರ್‌ಕಾರ್ಡ್‌ಗೆ ಕೆಳಗಿನ ಲಿಂಕ್ ಕ್ಲಿಕ್ ಮಾಡಿ

ನಿರೀಕ್ಷೆ ಮೂಡಿಸಿದ್ದ ಹಾರ್ದಿಕ್ ಪಾಂಡ್ಯ ಕೂಡ 14 ರನ್‌ಗೆ ಔಟ್ ಆದರು. ಆದರೆ ಮುಂಬೈ ತಂಡವನ್ನು ರನ್ ಕುಸಿತದಿಂದ ಪೊಲಾರ್ಡ್ ಕೊಂಚ ಪಾರು ಮಾಡಿದರು. ಪೊಲಾರ್ಡ್ 26 ಎಸೆತಗಳಿಗೆ 46 ರನ್ ಗಳಿಸಿದರು. ಮುಂಬೈ 20 ಓವರ್‌ಗೆ 7 ವಿಕೆಟ್ ನಷ್ಟಕ್ಕೆ 136 ರನ್ ಪೇರಿಸಿತು.

ಚೇಸಿಂಗ್‌ಗೆ ಇಳಿದ ಹೈದರಾಬಾದ್ ಇನ್ನೂ ಅಘಾತಕಾರಿ ಆರಂಭ ಕಂಡಿತು. ಹೈದರಾಬಾದ್ ಅಪಾಯಕಾರಿ ಆಟಗಾರರಾದ ಡೇವಿಡ್ ವಾರ್ನರ್ 15, ಜಾನಿ ಬೇರ್ಸ್ಟೋವ್ 16, ವಿಜಯ್ ಶಂಕರ್ 5, ಮನೀಶ್ ಪಾಂಡೆ 16, ಯೂಸುಫ್ ಪಠಾಣ್ 0, ರಶೀದ್ ಖಾನ್ 0, ಮೊಹಮ್ಮದ್ ನಬಿ 11 ರನ್‌ ಗಳಿಸಿ ಔಟಾದರು.

ಈ ಬಾರಿಯ ಐಪಿಎಲ್‌ನಲ್ಲಿ ಬಲಿಷ್ಟ ತಂಡಗಳ ಸಾಲಿನಲ್ಲಿರುವ ಹೈದರಾಬಾದ್ ಸೋಲಿಗೆ ಮುಖ್ಯ ಕಾರಣ ವೆಸ್ಟ್ ಇಂಡೀಸ್ ಯುವ ಆಟಗಾರ ಅಲ್ಝಾರಿ ಜೋಸೆಫ್. ಅಲ್ಝಾರಿ 3.4 ಓವರ್ ಬೌಲಿಂಗ್ ಮಾಡಿ, ಕೇವಲ 12 ರನ್‌ಗೆ 6 ವಿಕೆಟ್ ಕೆಡವಿ ಸನ್ ರೈಸರ್ಸ್ ಸೋಲನ್ನು ಬರೆದರು.

ಮುಂಬೈ ಇಂಡಿಯನ್ಸ್ ತಂಡ: ಡೇವಿಡ್ ವಾರ್ನರ್, ಜಾನಿ ಬೈರ್ಟೊ (ವಿಕೆ), ವಿಜಯ್ ಶಂಕರ್, ಮನೀಷ್ ಪಾಂಡೆ, ದೀಪಕ್ ಹೂಡಾ, ಯೂಸುಫ್ ಪಠಾಣ್, ಮೊಹಮ್ಮದ್ ನಬಿ, ರಶೀದ್ ಖಾನ್, ಭುವನೇಶ್ವರ್ ಕುಮಾರ್ (ಸಿ), ಸಂದೀಪ್ ಶರ್ಮಾ, ಸಿದ್ಧಾರ್ಥ್ ಕೌಲ್.

ಸನ್ ರೈಸರ್ಸ್ ಹೈದರಾಬಾದ್: ಕ್ವಿಂಟನ್ ಡಿ ಕಾಕ್ (ವಿಕೆ), ರೋಹಿತ್ ಶರ್ಮಾ (ಸಿ), ಸೂರ್ಯಕುಮಾರ್ ಯಾದವ್, ಇಶನ್ ಕಿಶನ್, ಹಾರ್ದಿಕ್ ಪಾಂಡ್ಯ, ಕೀರನ್ ಪೊಲಾರ್ಡ್, ಕೃನಾಲ್ ಪಾಂಡ್ಯ, ಜೇಸನ್ ಬೆಹ್ರೆನ್ಡಾರ್ಫ್, ರಾಹುಲ್ ಚಾಹರ್, ಅಲ್ಜರಿ ಜೋಸೆಫ್, ಜಸ್ಪ್ರಿತ್ ಬೂಮ್ರಾ.