6 ಎಸೆತಗಳಲ್ಲಿ 6 ಸಿಕ್ಸರ್ ಮತ್ತೆ ಬಾರಿಸುವೆ: ಯುವರಾಜ್

ಮೊಹಾಲಿ, ಮೇ 16: ಕ್ಯಾನ್ಸರ್ ನಿಂದ ಮುಕ್ತಿಗೊಂಡ ವಿಶ್ವಕಪ್ ಹೀರೊ, ಟೀಂ ಇಂಡಿಯಾ ಬ್ಯಾಟ್ಸ್ ಮನ್ ಯುವರಾಜ್ ಸಿಂಗ್ ಅವರು 17 ಮಕ್ಕಳೊಡನೆ ಕೆಲ ಕಾಲ ಸಂತಸದ ಕ್ಷಣಗಳನ್ನು ಕಳೆದರು. ಇದೇ ಸಂದರ್ಭದಲ್ಲಿ ಮತ್ತೊಮ್ಮೆ 6 ಎಸೆತಗಳಲ್ಲಿ 6 ಸಿಕ್ಸ್ ಸಿಡಿಸುವೆ ಎಂದು ಘೋಷಿಸಿದರು.

ಐಪಿಎಲ್ 2016: ವೇಳಾಪಟ್ಟಿ | ಯಾವ ತಂಡದಲ್ಲಿ ಯಾವ ಆಟಗಾರರು | ಗ್ಯಾಲರಿ

ಐಪಿಎಲ್ 9 ರಲ್ಲಿ ಸನ್ ರೈಸರ್ಸ್ ಹೈದರಾಬಾದ್ (ಎಸ್ಆರ್ಎಚ್) ಪರ ಆಡುತ್ತಿರುವ ಯುವರಾಜ್ ಅವರು ಕಿಂಗ್ಸ್ XI ಪಂಜಾಬ್ ವಿರುದ್ಧ 24 ಎಸೆತಗಳಲ್ಲಿ 42ರನ್ ಚೆಚ್ಚಿ ಉತ್ತಮ ಲಯದಲ್ಲಿದ್ದಾರೆ. ಪಿಸಿಎ ಸ್ಟೇಡಿಯಂನಲ್ಲಿ ಇತ್ತೀಚೆಗೆ ಏಳೆಂಟು ವಯೋಮಾನದ ಮಕ್ಕಳೊಡನೆ ಯುವ ಕೆಲಕಾಲ ಕಳೆದರು.

ಈ ಸಂದರ್ಭದಲ್ಲಿ ಮಕ್ಕಳು ಕೇಳಿದ ಪ್ರಶ್ನೆಗೆ ಉತ್ತರಿಸಿದ 34 ವರ್ಷ ವಯಸ್ಸಿನ ಯುವರಾಜ್, 6 ಎಸೆತಗಳಲ್ಲಿ 6 ಸಿಕ್ಸ್ ಬಾರಿಸಿದ್ದು ಹೇಗೆ ಎಂಬುದು ಮರೆತು ಹೋಗಿದೆ. ಈಗ ಮತ್ತೊಮ್ಮೆ 6 ಸಿಕ್ಸ್ ಬಾರಿಸಬೇಕಿದೆ ಎಂದರು.

ದಕ್ಷಿಣ ಆಫ್ರಿಕಾದಲ್ಲಿ ನಡೆದ 2007ರ ಟಿ20 ವಿಶ್ವಕಪ್ ನಲ್ಲಿ ಇಂಗ್ಲೆಂಡಿನ ಸ್ಟುವರ್ಟ್ ಬ್ರಾಡ್ ಅವರ ಬೌಲಿಂಗ್ ನಲ್ಲಿ 6 ಸಿಕ್ಸ್ ಸಿಡಿಸಿದ್ದರು.

2011ರ ವಿಶ್ವಕಪ್ ನ ಹೀರೋ ಯುವರಾಜ್ ಅವರು ಅದೇ ವರ್ಷ ಕ್ಯಾನ್ಸರ್ ಪೀಡಿತರಾದ ಸುದ್ದಿ ಕೇಳಿ ಆಘಾತವಾಯಿತು. ಯುವರಾಜ್ ನಮಗೆಲ್ಲ ಸ್ಪೂರ್ತಿದಾಯಕ ಎಂದು ಕ್ಯಾನ್ಸರ್ ಪೀಡಿತ 8 ವರ್ಷ ವಯಸ್ಸಿನ ಬಾಲಕ ಹೆಮ್ಮೆಯಿಂದ ಹೇಳುತ್ತಾರೆ.