ICC ODI Ranking: ಕುಸಿದ ಇಂಗ್ಲೆಂಡ್, ಅಗ್ರಸ್ಥಾನಕ್ಕೇರಿದ ನ್ಯೂಜಿಲೆಂಡ್; ಭಾರತದ ಸ್ಥಾನವೇನು?

3-0 ಅಂತರದಲ್ಲಿ ಸರಣಿ ಸೋತ ಇಂಗ್ಲೆಂಡ್

ಮೊದಲ ಎರಡು ಏಕದಿನ ಪಂದ್ಯಗಳನ್ನು ಕ್ರಮವಾಗಿ ಆರು ವಿಕೆಟ್‌ಗಳಿಂದ ಮತ್ತು 71 ರನ್‌ಗಳಿಂದ ಸೋತ ನಂತರ ಇಂಗ್ಲೆಂಡ್ ತಂಡ, ಮಂಗಳವಾರ ನಡೆದ ಮೂರನೇ ಏಕದಿನ ಪಂದ್ಯದಲ್ಲಿ ಮಳೆಯಿಂದಾಗಿ ಇಂಗ್ಲೆಂಡ್ 221 ರನ್‌ಗಳ (ಡಕ್ವರ್ಥ್ ಲೂಯಿಸ್ ವಿಧಾನ) ದೊಡ್ಡ ಸೋಲು ಅನುಭವಿಸಿತು.

ಈ ವರ್ಷದ ಸೆಪ್ಟೆಂಬರ್‌ನಲ್ಲಿ ಇಂಗ್ಲೆಂಡ್ ವಿರುದ್ಧ ಅಗ್ರಸ್ಥಾನವನ್ನು ಕಳೆದುಕೊಂಡಿದ್ದ ನ್ಯೂಜಿಲೆಂಡ್ ಇದೀಗ ಏಕದಿನ ತಂಡ ರ್‍ಯಾಂಕಿಂಗ್ ಪಟ್ಟಿಯಲ್ಲಿ ನಂ.1 ಸ್ಥಾನವನ್ನು ಅದೇ ಇಂಗ್ಲೆಂಡ್‌ನಿಂದ ಮರಳಿ ಪಡೆದುಕೊಂಡಿದೆ.

ನ್ಯೂಜಿಲೆಂಡ್ 114 ರೇಟಿಂಗ್ ಪಾಯಿಂಟ್‌ ಹೊಂದಿದೆ

ಆಸ್ಟ್ರೇಲಿಯಾ ವಿರುದ್ಧದ ಸರಣಿಯ ಮೊದಲು ಇಂಗ್ಲೆಂಡ್ ತಂಡ 119 ರೇಟಿಂಗ್ ಪಾಯಿಂಟ್‌ಗಳೊಂದಿಗೆ ಅಗ್ರಸ್ಥಾನದಲ್ಲಿತ್ತು. ನ್ಯೂಜಿಲೆಂಡ್‌ಗಿಂತ ಐದು ಅಂಕಗಳ ಅಂತರದಲ್ಲಿತ್ತು. ಇದೀಗ ಸತತ ಮೂರು ಪಂದ್ಯಗಳ ಸೋಲಿನ ಬಳಿಕ ಆರು ಅಂಕಗಳನ್ನು ಕಳೆದುಕೊಂಡು, ಅಂತಿಮವಾಗಿ 113 ರೇಟಿಂಗ್ ಪಾಯಿಂಟ್‌ಗಳಿಗೆ ಕುಸಿದಿದ್ದು, ನ್ಯೂಜಿಲೆಂಡ್ 114 ರೇಟಿಂಗ್ ಪಾಯಿಂಟ್‌ ಹೊಂದಿದೆ.

ಇಂಗ್ಲೆಂಡ್ ವಿರುದ್ಧ ಆಸ್ಟ್ರೇಲಿಯಾದ ಅದ್ಭುತ ಪ್ರದರ್ಶನವು ಒಂದು ಸ್ಥಾನ ಮೇಲಕ್ಕೇರಿದ್ದಾರೆ. 112 ರೇಟಿಂಗ್ ಪಾಯಿಂಟ್‌ಗಳೊಂದಿಗೆ ನಾಲ್ಕನೇ ಸ್ಥಾನದಲ್ಲಿದೆ. 107 ಅಂಕಗಳನ್ನು ಹೊಂದಿರುವ ಪಾಕಿಸ್ತಾನವನ್ನು ಹಿಂದೆ ಹಾಕಿತು. ಇದೀಗ ಆಸ್ಟ್ರೇಲಿಯಾ ಮತ್ತು ಭಾರತ ತಂಡಗಳು ಈಗ ರೇಟಿಂಗ್ ಪಾಯಿಂಟ್‌ಗಳಲ್ಲಿ ಸಮನಾಗಿವೆ.

ಭಾರತ 112 ರೇಟಿಂಗ್ ಪಾಯಿಂಟ್‌ಗಳೊಂದಿಗೆ 3ನೇ ಸ್ಥಾನ

ಆದರೆ, ಭಾರತ ತಂಡ 112 ರೇಟಿಂಗ್ ಪಾಯಿಂಟ್‌ ಮತ್ತು 3802 ಅಂಕಗಳೊಂದಿಗೆ 3ನೇ ಸ್ಥಾನದಲ್ಲಿದ್ದರೆ, ಆಸ್ಟ್ರೇಲಿಯಾ 112 ರೇಟಿಂಗ್ ಪಾಯಿಂಟ್‌ ಮತ್ತು 3572 ಅಂಕಗಳೊಂದಿಗೆ 4ನೇ ಸ್ಥಾನದಲ್ಲಿದೆ.

ಜನವರಿ 2023ರಲ್ಲಿ ತವರಿನಲ್ಲಿ ಮೂರು ಪಂದ್ಯಗಳ ಸರಣಿಗಾಗಿ ದಕ್ಷಿಣ ಆಫ್ರಿಕಾ ತಂಡವನ್ನು ಎದುರಿಸುವಾಗ ಇಂಗ್ಲೆಂಡ್ ಅಗ್ರ ಸ್ಥಾನವನ್ನು ಮರಳಿ ಪಡೆಯಲು ಅವಕಾಶವನ್ನು ಹೊಂದಿದೆ.

ಐಸಿಸಿ ಏಕದಿನ ತಂಡಗಳ ರ್‍ಯಾಂಕಿಂಗ್ ಪಟ್ಟಿ

1) ನ್ಯೂಜಿಲೆಂಡ್- 114

2) ಇಂಗ್ಲೆಂಡ್ - 113

3) ಭಾರತ- 112

4) ಆಸ್ಟ್ರೇಲಿಯಾ- 112

5) ಪಾಕಿಸ್ತಾನ- 107

6) ದಕ್ಷಿಣ ಆಫ್ರಿಕಾ- 100

7) ಬಾಂಗ್ಲಾದೇಶ- 92

8) ಶ್ರೀಲಂಕಾ- 92

9) ವೆಸ್ಟ್ ಇಂಡೀಸ್- 71

10) ಅಫ್ಘಾನಿಸ್ತಾನ- 69