Click it and Unblock the Notifications
ICC Womens ODI Ranking: ಅಗ್ರ 10ರೊಳಗೆ ಸ್ಮೃತಿ ಮಂಧಾನ, 11ನೇ ಸ್ಥಾನದಲ್ಲಿ ರಾಜೇಶ್ವರಿ
ಶ್ರೀಲಂಕಾ ಮಹಿಳಾ ತಂಡದ ವಿರುದ್ಧದ ಮೂರು ಪಂದ್ಯಗಳ ಸರಣಿಯಲ್ಲಿ ಪ್ರಾಬಲ್ಯ ಸಾಧಿಸಿದ ನಂತರ ಭಾರತದ ಮಹಿಳಾ ತಾರೆಗಳು ಐಸಿಸಿ ಮಹಿಳಾ ಏಕದಿನ ಆಟಗಾರ್ತಿಯರ ರ್ಯಾಂಕಿಂಗ್ನಲ್ಲಿ ಏರಿಕೆ ಕಂಡಿದ್ದಾರೆ. ಭಾರತ ತನ್ನ ಎರಡನೇ ಏಕದಿನ ಪಂದ್ಯದಲ್ಲಿ ವಿಕೆಟ್ ನಷ್ಟವಿಲ್ಲದೆ ಶ್ರೀಲಂಕಾದ ಮೊತ್ತವನ್ನು ಬೆನ್ನಟ್ಟಿ ಗೆದ್ದಿತ್ತು.
ಆರಂಭಿಕ ಬ್ಯಾಟರ್ ಸ್ಮೃತಿ ಮಂಧಾನ ಅವರು ಶ್ರೀಲಂಕಾ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ 83 ಎಸೆತಗಳಲ್ಲಿ ಅಜೇಯ 94 ರನ್ ಗಳಿಸುವ ಮೂಲಕ ಏಕದಿನ ಬ್ಯಾಟಿಂಗ್ ರ್ಯಾಂಕಿಂಗ್ನಲ್ಲಿ ಎಂಟನೇ ಸ್ಥಾನಕ್ಕೆ ಜಿಗಿದು, ಅಗ್ರ 10ರೊಳಗೆ ಕಾಣಿಸಿಕೊಂಡರು.
ಇನ್ನು ಉದಯೋನ್ಮುಖ ಆರಂಭಿಕ ಆಟಗಾರ್ತಿ ಶಫಾಲಿ ವರ್ಮಾ ಅವರು ಸರಣಿಯ ಮೊದಲ ಏಕದಿನ ಪಂದ್ಯದಲ್ಲಿ ಸ್ಥಿರವಾದ 35 ರನ್ಗಳ ನಂತರ, ಎರಡನೇ ಪಂದ್ಯದಲ್ಲಿ 71 ರನ್ ಗಳಿಸಿ ತಮ್ಮ ಬ್ಯಾಟಿಂಗ್ ಪ್ರದರ್ಶನ ನೀಡಿದರು. 18ರ ಹರೆಯದ ಯುವ ಸ್ಫೋಟಕ ಆಟಗಾರ್ತಿ ಏಕದಿನ ಬ್ಯಾಟಿಂಗ್ ರ್ಯಾಂಕಿಂಗ್ನಲ್ಲಿ 12 ಸ್ಥಾನಗಳನ್ನು ಮೇಲಕ್ಕೇರಿ 36ನೇ ಸ್ಥಾನಕ್ಕೆ ತಲುಪಿದರು.
10ನೇ ಸ್ಥಾನಕ್ಕೆ ತಲುಪಿದ ಶ್ರೀಲಂಕಾ ನಾಯಕಿ
ಭಾರತ ವಿರುದ್ಧದ ಸರಣಿಯಲ್ಲಿ ಇಲ್ಲಿಯವರೆಗೆ ಕೇವಲ 14.5 ಸರಾಸರಿಯಲ್ಲಿ ರನ್ ಗಳಿಸಿದ ಶ್ರೀಲಂಕಾ ನಾಯಕಿ ಚಾಮರಿ ಅಥಾಪತ್ತು ಬ್ಯಾಟಿಂಗ್ ರ್ಯಾಂಕಿಂಗ್ನಲ್ಲಿ ಎರಡು ಸ್ಥಾನಗಳನ್ನು ಕಳೆದುಕೊಂಡು 10ನೇ ಸ್ಥಾನಕ್ಕೆ ತಲುಪಿದ್ದಾರೆ. ಜುಲೈ 7ರಂದು ಭಾರತ ವಿರುದ್ಧದ ಮೂರನೇ ಮತ್ತು ಅಂತಿಮ ಏಕದಿನ ಪಂದ್ಯದಲ್ಲಿ ಉತ್ತಮ ಪ್ರದರ್ಶನದೊಂದಿಗೆ ಅಥಾಪತ್ತು ಮತ್ತೆ ಪುಟಿದೇಳಲು ಮತ್ತು ಟಾಪ್-10 ರಲ್ಲಿ ತನ್ನ ಸ್ಥಾನವನ್ನು ಉಳಿಸಿಕೊಳ್ಳಲು ಅವಕಾಶವನ್ನು ಹೊಂದಿದ್ದಾರೆ.
ಪ್ರತಿ ಓವರ್ಗೆ ಕೇವಲ ಮೂರು ರನ್ ನೀಡಿರುವ ರಾಜೇಶ್ವರಿ
ಭಾರತದ ಅನುಭವಿ ಸ್ಪಿನ್ನರ್ ರಾಜೇಶ್ವರಿ ಗಾಯಕ್ವಾಡ್ ಅವರು ಈವರೆಗಿನ ಸರಣಿಯಲ್ಲಿ ಶ್ರೀಲಂಕಾ ವಿರುದ್ಧ 19 ಓವರ್ ಬೌಲಿಂಗ್ ಮಾಡಿದ್ದು, ಪ್ರತಿ ಓವರ್ಗೆ ಕೇವಲ ಮೂರು ರನ್ಗಳಿಗೆ ಸೀಮಿತಗೊಳಿಸಿದ್ದಾರೆ. ಇದರಿಂದ 11ನೇ ಸ್ಥಾನಕ್ಕೆ ಏರಿದ ನಂತರ ಏಕದಿನ ಬೌಲಿಂಗ್ ರ್ಯಾಂಕಿಂಗ್ನ ಅಗ್ರ-10ರ ಗಡಿಯಲ್ಲಿದ್ದಾರೆ.
ಇನ್ನು ದೀಪ್ತಿ ಶರ್ಮಾ ಎರಡು ಪಂದ್ಯಗಳಲ್ಲಿ ಐದು ವಿಕೆಟ್ಗಳನ್ನು ಕಬಳಿಸಿ 19ನೇ ಸ್ಥಾನದಿಂದ 16ನೇ ಸ್ಥಾನಕ್ಕೆ ಏರಿದ್ದರೆ, ಶ್ರೀಲಂಕಾದ ಸ್ಪಿನ್ನರ್ ಇನೋಕಾ ರಣವೀರ ಮೊದಲ ಏಕದಿನ ಪಂದ್ಯದಲ್ಲಿ 4/39 ರೊಂದಿಗೆ ಉತ್ತಮ ಪ್ರದರ್ಶನ ನೀಡಿದರು ಮತ್ತು ಬೌಲಿಂಗ್ನಲ್ಲಿ ಐದು ಸ್ಥಾನಗಳ ಏರಿಕೆಯೊಂದಿಗೆ 21ನೇ ಸ್ಥಾನಕ್ಕೆ ತಲುಪಿದ್ದಾರೆ.
ಎಂಟು ಸ್ಥಾನಗಳು ಮೇಲಕ್ಕೇರಿದ ಹರ್ಮನ್ಪ್ರೀತ್ ಕೌರ್
ಭಾರತದ ನಾಯಕಿ ಹರ್ಮನ್ಪ್ರೀತ್ ಕೌರ್ ಅವರು ಶ್ರೀಲಂಕಾ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ 44 ರನ್ಗಳೊಂದಿಗೆ ಏಳು ಓವರ್ಗಳಲ್ಲಿ 1/13 ಮತ್ತು ನಂತರದ ನಂತರ ಆಲ್ರೌಂಡರ್ಗಳ ಪಟ್ಟಿಯಲ್ಲಿ ಎಂಟು ಸ್ಥಾನಗಳು ಮೇಲಕ್ಕೇರಿ 24ನೇ ಸ್ಥಾನಕ್ಕೆ ತಲುಪಿದ್ದಾರೆ. ಐಸಿಸಿ ಮಹಿಳಾ ಏಕದಿನ ಆಟಗಾರ್ತಿ ಶ್ರೇಯಾಂಕದಲ್ಲಿ ಅಗ್ರ 10 ಬೌಲರ್ಗಳು ಮತ್ತು ಆಲ್ರೌಂಡರ್ಗಳಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ.
Story first published: Wednesday, July 6, 2022, 10:18 [IST]
Other articles published on Jul 6, 2022
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+