ಝಂಪಾ ಮೇಲೆ ಚೆಂಡು ವಿರೂಪ ಆರೋಪ: ತುಟಿ ಬಿಚ್ಚಿದ ಆ್ಯರನ್ ಫಿಂಚ್

ಅದು ಹ್ಯಾಂಡ್ ವಾರ್ಮರ್

ಈ ಬಗ್ಗೆ ಕ್ರಿಕೆಟ್ ಡಾಟ್ ಕಾಮ್ ಎಯು ಜೊತೆ ಮಾತನಾಡಿದ ಫಿಂಚ್, 'ಆ ಫೋಟೋವನ್ನು ನಾನೂ ನೋಡಿದೆ. ಆದರೆ ನನಗೆ ಗೊತ್ತಿದ್ದಹಾಗೆ ಝಂಪಾ ಕೈಲಿದ್ದಿದು ಹ್ಯಾಂಡ್‌ವಾರ್ಮರ್. ಆತ ಹ್ಯಾಂಡ್ ವಾರ್ಮರನ್ನು ಏಲ್ಲಾ ಪಂದ್ಯಗಳಲ್ಲೂ ಬಳಸಿಕೊಳ್ಳುತ್ತಾನೆ' ಎಂದಿದ್ದಾರೆ.

ಅಂಥದ್ದೇನೂ ಇಲ್ಲ

ಮಾತು ಮುಂದುವರೆಸಿದ ಫಿಂಚ್, 'ಚೆಂಡು ವಿರೂಪದಂತ ವಿಚಾರವೇನೂ ಇಲ್ಲ ಎಂದು ನನ್ನ ಭಾವನೆ. ಈ ಬಗ್ಗೆ ಹೆಚ್ಚಿಗೆ ಮಾತನಾಡಲಾರೆ. ಆದರೆ ಝಂಪಾ ಎಲ್ಲಾ ಪಂದ್ಯಗಳಲ್ಲೂ ಹ್ಯಾಂಡ್ ವಾರ್ಮರ್ ಬಳಸಿಕೊಳ್ಳುವುದಂತೂ ನಿಜ' ಎಂದು ವಿವರಿಸಿದರು.

6 ಓವರ್‌ಗೆ 50 ರನ್

ಝಂಪಾ ಈ ಪಂದ್ಯದಲ್ಲಿ ಒಟ್ಟು 6 ಓವರ್‌ ಎಸೆದು 50 ರನ್ ನೀಡಿದ್ದರು. ಆದರೆ ಅವರಿಗೆ ಒಂದೂ ವಿಕೆಟ್ ಲಭಿಸಿರಲಿಲ್ಲ. ಪಂದ್ಯದಲ್ಲಿ ಶಿಖರ್ ಧವನ್, ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಮತ್ತು ಹಾರ್ದಿಕ್ ಪಾಂಡ್ಯ ಬ್ಯಾಟಿಂಗ್ ನೆರವಿನಿಂದ ಟೀಮ್ ಇಂಡಿಯಾ 36 ರನ್ ಜಯದೊಂದಿಗೆ ವಿಶ್ವಕಪ್‌ನಲ್ಲಿ 2ನೇ ಗೆಲುವು ದಾಖಲಿಸಿತು.

ಸ್ಯಾಂಡ್ ಪೇಪರ್

ಝಂಪಾ ಮೇಲೆ ಬಾಲ್ ಟ್ಯಾಂಪರಿಂಗ್ ಅನುಮಾನ ಮೂಡಲು ಕಾರಣವಾಗಿದ್ದು, ಫಿಂಚ್ ಹೇಳಿದ್ದ ಅದೇ ಹ್ಯಾಂಡ್ ವಾರ್ಮರ್. ಝಂಪಾ ಕಿಸೆಗೆ ಕೈ ಹಾಕಿ ಪದೇ ಪದೇ ಕೈಯಲ್ಲಿ ಹಿಡಿದುಕೊಳ್ಳುತ್ತಿದ್ದ ಹ್ಯಾಂಡ್ ವಾರ್ಮರ್, ಮೇಲ್ನೋಟಕ್ಕೆ ಸ್ಯಾಂಡ್ ಪೇಪರ್‌ನಂತೆ ಕಾಣಿಸಿತ್ತು. ಹೀಗಾಗಿ ಝಂಪಾ ಚೆಂಡು ವಿರೂಪಗೊಳಿಸಿದ್ದಾರೆ ಎಂದು ಕ್ರಿಕೆಟ್ ಅಭಿಮಾನಿಗಳು ಸಾಮಾಜಿಕ ತಾಲತಾಣಗಳಲ್ಲಿ ಹೇಳಿಕೊಂಡಿದ್ದರು. ಅಂದ್ಹಾಗೆ ಬಾಲ್ ಟ್ಯಾಂಪರಿಂದ ಮಾಡಿ ಕ್ರಿಕೆಟ್ ಆಸ್ಟ್ರೇಲಿಯಾದಿಂದ ಒಂದು ವರ್ಷದ ನಿಷೇಧಕ್ಕೆ ಗುರಿಯಾಗಿದ್ದ ಸ್ಟೀವ್ ಸ್ಮಿತ್ ಮತ್ತು ಡೇವಿಡ್ ವಾರ್ನರ್ ಅಂದು ಸ್ಯಾಂಡ್ ಪೇಪರ್ ಬಳಸಿದ್ದರು.