ವಿಶ್ವಕಪ್: ಟಾಸ್ ಗೆದ್ದು ವಿಂಡೀಸ್ ವಿರುದ್ಧ ಫೀಲ್ಡಿಂಗ್ ಆಯ್ದ ಇಂಗ್ಲೆಂಡ್

ಸೌತಾಂಪ್ಟನ್, ಜೂನ್ 14: ಈ ಬಾರಿಯ ಐಸಿಸಿ ಕ್ರಿಕೆಟ್ ವಿಶ್ವಕಪ್ ಟೂರ್ನಿ ಮಳೆಯ ಕಾರಣಕ್ಕೆ ಕ್ರಿಕೆಟ್ ಪ್ರೇಮಿಗಳ ನಿರಾಸೆಗೆ ಕಾರಣವಾಗಿದೆ. ಮಳೆಯಿಂದಾಗಿ ಟೂರ್ನಿಯ ಒಂದಿಷ್ಟು ಪಂದ್ಯಗಳು ನಡೆಯಲೇ ಇಲ್ಲ. ಶುಕ್ರವಾರ (ಜೂನ್ 14) ನಡೆಯಲಿರುವ ಇಂಗ್ಲೆಂಡ್-ವೆಸ್ಟ್ ಇಂಡೀಸ್ ಪಂದ್ಯಕ್ಕೂ ಮಳೆಯ ಭೀತಿ ಶುರುವಾಗಿದೆ. ಆದರೆ ಈಗ ಮಳೆಯ ಅಡ್ಡಿಯಿಲ್ಲ. ಟಾಸ್ ಗೆದ್ದಿರುವ ಇಂಗ್ಲೆಂಡ್ ಬೌಲಿಂಗ್ ಆಯ್ದುಕೊಂಡಿದೆ.

ಕುತೂಹಲಕಾರಿ ಸ್ಟೋರಿಗಳು, ಅಂಕಿ-ಅಂಶಗಳು 'ಐಸಿಸಿ ಕ್ರಿಕೆಟ್ ವಿಶ್ವಕಪ್ 2019' ವಿಶೇಷ ಮುಖಪುಟದಲ್ಲಿವೆ

ಸದ್ಯದ ಮಾಹಿತಿ ಪ್ರಕಾರ, ವಿಂಡೀಸ್-ಇಂಗ್ಲೆಂಡ್ ಪಂದ್ಯ ನಡೆಯುವ ಸೌತಾಂಪ್ಟನ್ ಮೋಡ ಕವಿದ ವಾತಾವರಣವಿದೆ. ತುಂತುರು ಮಳೆಯಾಗುವುದನ್ನು ನಿರೀಕ್ಷಿಸಲಾಗಿದೆ. ಈ ಮೊದಲು ಪಾಕಿಸ್ತಾನ vs ಶ್ರೀಲಂಕಾ, ದಕ್ಷಿಣ ಆಫ್ರಿಕಾ vs ವೆಸ್ಟ್ ಇಂಡೀಸ್, ಬಾಂಗ್ಲಾದೇಶ vs ಶ್ರೀಲಂಕಾ, ಭಾರತ vs ನ್ಯೂಜಿಲ್ಯಾಂಡ್ ಪಂದ್ಯಗಳು ಮಳೆಗೆ ಅಹುತಿಯಾಗಿತ್ತು.

ಇಂಗ್ಲೆಂಡ್ vs ವೆಸ್ಟ್ ಇಂಡೀಸ್‌, ಜೂನ್ 14, Live ಸ್ಕೋರ್‌ಕಾರ್ಡ್

ಪಂದ್ಯ ಪೂರ್ಣಗೊಳ್ಳದಿದ್ದರೆ, ಅಥವಾ ನಡೆಯದಿದ್ದರೆ ಎರಡೂ ತಂಡಗಳಿಗೂ ತಲಾ 1 ಅಂಕಗಳು ನೀಡಲಾಗುತ್ತಿದೆ. ಆದರೆ ಇದು ಸೆಮಿಫೈನಲ್ ಹಾದಿಯಲ್ಲಿರುವ ಅಸಲಿ ಬಲಿಷ್ಠ ತಂಡದ ಮೇಲೆ ಪರಿಣಾಮ ಬೀರಲಿದೆ. ಅಂಕಪಟ್ಟಿಯಲ್ಲಿ ತಂಡಗಳ ಸ್ಥಾನ ಪಲ್ಲಟಕ್ಕೂ ಮಳೆ ಕಾರಣವಾಗಲಿದೆ. ಅಂದ್ಹಾಗೆ, ಇಂಗ್ಲೆಂಡ್ vs ವೆಸ್ಟ್ ಇಂಡೀಸ್ ಪಂದ್ಯ ಮಳೆ ಬಾರದಿದ್ದರೆ ಎಂದಿನಂತೆ 3 pmಗೆ ಆರಂಭಗೊಳ್ಳಲಿದೆ.

ಇಂಗ್ಲೆಂಡ್ ತಂಡ: ಜೇಸನ್ ರಾಯ್, ಜಾನಿ ಬೈರ್ಸ್ಟೊ, ಜೋ ರೂಟ್, ಇಯಾನ್ ಮಾರ್ಗನ್, ಬೆನ್ ಸ್ಟೋಕ್ಸ್, ಜೋಸ್ ಬಟ್ಲರ್, ಕ್ರಿಸ್ ವೋಕ್ಸ್, ಆದಿಲ್ ರಶೀದ್, ಲಿಯಾಮ್ ಪ್ಲಂಕೆಟ್, ಜೋಫ್ರಾ ಆರ್ಚರ್, ಮಾರ್ಕ್ ವುಡ್ / ಮೊಯೆನ್ ಅಲಿ / ಟಾಮ್ ಕರಾನ್.

ವೆಸ್ಟ್ ಇಂಡೀಸ್ ತಂಡ: ಕ್ರಿಸ್ ಗೇಲ್, ಎವಿನ್ ಲೂಯಿಸ್, ಶೈ ಹೋಪ್, ನಿಕೋಲಸ್ ಪೂರನ್, ಶಿಮ್ರಾನ್ ಹೆಟ್ಮೈಯರ್, ಜೇಸನ್ ಹೋಲ್ಡರ್, ಆ್ಯಡ್ರೆ ರಸೆಲ್, ಕಾರ್ಲೋಸ್ ಬ್ರಾಥ್‌ವೈಟ್, ಆಶ್ಲೇ ನರ್ಸ್, ಶೆಲ್ಡನ್ ಕಾಟ್ರೆಲ್, ಓಶೇನ್ ಥಾಮಸ್.

{headtohead_cricket_8_2}