'ಧೋನಿ, ಕೊಹ್ಲಿಗಿಂತ ಹೆಚ್ಚಿನ ಗೆಲುವಿನ ಶೇಕಡಾವಾರು'; ರೋಹಿತ್ ನಾಯಕತ್ವಕ್ಕೆ ಫುಲ್ ಮಾರ್ಕ್ಸ್ ನೀಡಿದ ಗವಾಸ್ಕರ್

ಬುಧವಾರ, ಜನವರಿ 17ರಂದು ಬೆಂಗಳೂರಿನಲ್ಲಿ ನಡೆದ ಅಫ್ಘಾನಿಸ್ತಾನ ವಿರುದ್ಧದ ಮೂರು ಪಂದ್ಯಗಳ ಟಿ20 ಸರಣಿಯ ಕೊನೆಯ ಪಂದ್ಯದಲ್ಲಿ ಆತಿಥೇಯ ಭಾರತ ತಂಡ ರೋಚಕ ಸೂಪರ್ ಓವರ್‌ನಲ್ಲಿ ಅದ್ಭುತ ಗೆಲುವು ಸಾಧಿಸಿತು.

ಇದೇ ವೇಳೆ ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಅಫ್ಘಾನಿಸ್ತಾನ ವಿರುದ್ಧ ಅಜೇಯ 121 ರನ್‌ಗಳ ಅಸಾಧಾರಣ ಬ್ಯಾಟಿಂಗ್‌ನೊಂದಿಗೆ ಮತ್ತೊಮ್ಮೆ ಅಭಿಮಾನಿಗಳು ಮತ್ತು ವಿಮರ್ಶಕರ ಮನಗೆದ್ದರು.

ರೋಹಿತ್ ಶರ್ಮಾ ಅವರ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ಭಾರತದ ಟಿ20 ತಂಡದಲ್ಲಿ ಅವರ ಸ್ಥಾನವನ್ನು ಪ್ರಶ್ನಿಸುವ ಹಲವರ ಬಾಯಿಗಳನ್ನು ಮುಚ್ಚಿದರು. ಆದರೆ, ಬುಧವಾರ ಬೆಂಗಳೂರಿನಲ್ಲಿ ರೋಹಿತ್ ಶರ್ಮಾ ಅವರ ಬ್ಯಾಟಿಂಗ್ ಮಾತ್ರವಲ್ಲದೆ ಅವರ ನಾಯಕತ್ವವೂ ಅದ್ಭುತವಾಗಿತ್ತು.

ರೋಹಿತ್ ಶರ್ಮಾ ನಾಯಕತ್ವದ ಕುರಿತು ಭಾರತದ ಮಾಜಿ ಕ್ರಿಕೆಟಿಗ ರೋಹನ್ ಗವಾಸ್ಕರ್ ಪ್ರತಿಕ್ರಿಯಿಸಿ, ಹಿಟ್‌ಮ್ಯಾನ್ ನಾಯಕತ್ವದ ಶೈಲಿಯು ಅವರ ಹಿಂದಿನ ವಿರಾಟ್ ಕೊಹ್ಲಿ ಮತ್ತು ಎಂಎಸ್ ಧೋನಿಗಿಂತ ಹೆಚ್ಚಿನ ಗೆಲುವಿನ ಶೇಕಡಾವಾರು ಪ್ರಮಾಣವನ್ನು ಹೊಂದಲು ಕಾರಣವಾಗಿದೆ ಎಂದಿದ್ದಾರೆ.

"ಟಿ20 ನಿಮ್ಮ ನಾಯಕತ್ವ ಕೌಶಲ್ಯಗಳನ್ನು ನಿಜವಾಗಿಯೂ ಪರೀಕ್ಷಿಸುವ ಸ್ವರೂಪವಾಗಿದೆ. ಎಂಎಸ್ ಧೋನಿ ಮತ್ತು ವಿರಾಟ್‌ ಕೊಹ್ಲಿಗಿಂತ ಹೆಚ್ಚಿನ ಗೆಲುವಿನ ಶೇಕಡಾವಾರು ಹೊಂದಿದ್ದಾರೆ, ಅದು ರೋಹಿತ್ ಎಂತಹ ಉತ್ತಮ ನಾಯಕ ಎಂದು ನಿಮಗೆ ಹೇಳುತ್ತದೆ," ಎಂದು ಮಾಜಿ ಕ್ರಿಕೆಟಿಗ ರೋಹನ್ ಗವಾಸ್ಕರ್ ತಿಳಿಸಿದರು.

"ಈ ಇನ್ನಿಂಗ್ಸ್‌ನಲ್ಲಿ ನಾನು ನಿಜವಾಗಿಯೂ ಇಷ್ಟಪಟ್ಟದ್ದು ಏನೆಂದರೆ, ಸಾಮಾನ್ಯವಾಗಿ ನೀವು ಟಿ20 ಆಟದಲ್ಲಿ ಗೋ ಎಂಬ ಪದವನ್ನು ಹೇಳುತ್ತೀರಿ. ಅದು ಇದೀಗ ಬ್ಯಾಂಗ್ ಬ್ಯಾಂಗ್ ಬ್ಯಾಂಗ್ ಎಂದು ಟೆಂಪ್ಲೇಟ್ ಆಗಿದೆ. ಆದರೆ ರೋಹಿತ್ ಶರ್ಮಾ ಮತ್ತು ರಿಂಕು ಸಿಂಗ್ ಇಬ್ಬರೂ ತಮ್ಮ ಕ್ರಿಕೆಟ್ ಬುದ್ಧಿವಂತಿಕೆಯನ್ನು 4 ವಿಕೆಟ್‌ಗೆ 22 ರನ್‌ಗಳಿಂದ ಬಳಸಿದರು," ಎಂದು ಹೇಳಿದರು.

ಟಿ20 ಪಂದ್ಯಗಳಿಗೆ ಬಂದಾಗ ರೋಹಿತ್ ಶರ್ಮಾ ಮನಸ್ಥಿತಿಯನ್ನು ಮತ್ತಷ್ಟು ಪರಿಶೀಲಿಸುತ್ತಾ, ಭಾರತ ತಂಡ 22 ರನ್‌ಗಳಿಗೆ 4 ವಿಕೆಟ್‌ಗಳನ್ನು ಕಳೆದುಕೊಂಡ ನಂತರ, ಟೀಮ್ ಇಂಡಿಯಾ ನಾಯಕ ಮತ್ತು ರಿಂಕು ಸಿಂಗ್ ತಮ್ಮನ್ನು ತಾವು ಸಮರ್ಥಿಸಿಕೊಂಡರು ಎಂದು ಲೆಜೆಂಡರಿ ಕ್ರಿಕೆಟಿಗ ಸುನಿಲ್ ಗವಾಸ್ಕರ್ ಪುತ್ರ ರೋಹನ್ ಗವಾಸ್ಕರ್ ಗಮನ ಸೆಳೆದರು.

ಪಂದ್ಯದ ನಂತರದ ಹಂತದಲ್ಲಿ 200 ರನ್‌ಗಳ ಗಡಿ ದಾಟುವ ಮೂಲಕ ಭಾರತ ತಂಡವು ಎದುರಾಳಿ ಅಫ್ಘಾನಿಸ್ತಾನ ತಂಡವನ್ನು ಇಕ್ಕಳಕ್ಕೆ ಸಿಕ್ಕಿಸುವುದನ್ನು ತಡೆಯಲು ಸಾಧ್ಯವಾಗಲಿಲ್ಲ.

"ನಾವು ಟಿ20 ಪಂದ್ಯದಲ್ಲಿ ಬೇಗನೆ ಒಂದು ಅಥವಾ ಎರಡು ವಿಕೆಟ್ ಕಳೆದುಕೊಂಡರೆ, 70 ರನ್‌ಗಳಿಗೆ ಆಲೌಟ್ ಆಗುತ್ತೇವೆ ಅಥವಾ 90 ರನ್‌ಗಳಿಗೂ ಆಲೌಟ್ ಆಗಿದ್ದೇವೆ. ಆದರೆ ಇನ್ನಿಂಗ್ಸ್ ಮುಂದುವರೆದಂತೆ ಅದನ್ನು ಸರಿದೂಗಿಸುವ ಸಾಮರ್ಥ್ಯ ನಮ್ಮ ತಂಡದಲ್ಲಿದೆ. ಅದನ್ನು ರೋಹಿತ್-ರಿಂಕು ಜೋಡಿ ಮಾಡಿದರು, ಕೊನೆಯ ಐದು ಓವರ್‌ಗಳಲ್ಲಿ 100 ರನ್ ಬಾಚಿದರು," ಎಂದು ರೋಹನ್ ಗವಾಸ್ಕರ್ ಹೇಳಿದರು.

"ಸಾಮಾನ್ಯವಾಗಿ, ನಿಮ್ಮ ತಂಡಗಳು ಬೇರೆ ಟೆಂಪ್ಲೇಟ್‌ನಲ್ಲಿ ಆಡಬೇಕೆಂದು ನೀವು ಬಯಸುತ್ತೀರಿ. ಆದರೆ ಆ ಕ್ರಿಕೆಟ್ ಬುದ್ಧಿಮತ್ತೆ ಮತ್ತು ನಿಮ್ಮ ಆಟವನ್ನು ಹೊಂದಿಕೊಳ್ಳುವ, ಹೊಂದಿಸುವ ಮತ್ತು ಬದಲಾಯಿಸುವ ಕೌಶಲ್ಯವನ್ನು ಹೊಂದಲು, ಏನು ಮಾಡಬೇಕೆಂಬುದು ಪ್ರಮುಖವಾಗಿದೆ," ಎಂದು ರೋಹನ್ ಗವಾಸ್ಕರ್ ಅಭಿಪ್ರಾಯಪಟ್ಟರು.