IND vs AFG: ಎಂಎಸ್ ಧೋನಿಯ ಸಾರ್ವಕಾಲಿಕ ದಾಖಲೆ ಮೇಲೆ ಕಣ್ಣಿಟ್ಟ ರೋಹಿತ್ ಶರ್ಮಾ

ದಕ್ಷಿಣ ಆಫ್ರಿಕಾದಲ್ಲಿ ಇತ್ತೀಚೆಗಷ್ಟೇ ಮುಕ್ತಾಯಗೊಂಡ ಟೆಸ್ಟ್ ಸರಣಿಯ ಆರಂಭಕ್ಕೂ ಮುನ್ನ ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಅವರು "ಇತಿಹಾಸ ನಿರ್ಮಿಸುವ' ಬಗ್ಗೆ ಮಾತನಾಡಿದ್ದರು. ಏಕದಿನ ವಿಶ್ವಕಪ್ ಫೈನಲ್‌ನ ಆಘಾತದ ನಂತರ ಟೀಮ್ ಇಂಡಿಯಾ ದೊಡ್ಡ ಯಶಸ್ಸಿಗೆ ಹಂಬಲಿಸುತ್ತಿದೆ ಎಂದು ಹೇಳಿದ್ದರು.

ಆದರೆ, ಭಾರತ ಟೆಸ್ಟ್ ತಂಡವು ಹರಿಣಗಳ ನಾಡಿನಲ್ಲಿ ತಮ್ಮ ಚೊಚ್ಚಲ ಟೆಸ್ಟ್ ಸರಣಿಯನ್ನು ವಶಪಡಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಅಪರೂಪದಲ್ಲಿ ಟೆಸ್ಟ್ ಸರಣಿ ಡ್ರಾ ಮತ್ತು ಕೇಪ್ ಟೌನ್‌ನಲ್ಲಿ ಮೊದಲ ಗೆಲುವಿನೊಂದಿಗೆ ತವರಿಗೆ ಮರಳಿದರು.

ಜನವರಿ 11ರಿಂದ ಭಾರತವು 3 ಪಂದ್ಯಗಳ ಟಿ20 ಸರಣಿಯಲ್ಲಿ ಅಫ್ಘಾನಿಸ್ತಾನ ತಂಡವನ್ನು ಎದುರಿಸುತ್ತಿರುವಾಗ ರೋಹಿತ್ ಶರ್ಮಾ ದೊಡ್ಡದನ್ನು ಸಾಧಿಸುವ ಅಂಚಿನಲ್ಲಿದ್ದಾರೆ. ಜೂನ್‌ನಲ್ಲಿ ಆರಂಭವಾಗುವ ವಿಶ್ವಕಪ್‌ಗೆ ಮುನ್ನ ಅಂತಾರಾಷ್ಟ್ರೀಯ ಟಿ20 ಪಂದ್ಯಗಳಲ್ಲಿ ಭಾರತದ ಅಂತಿಮ ನಿಯೋಜನೆಯಾಗಿರಲಿದೆ.

14 ತಿಂಗಳ ನಂತರ ಮೊದಲ ಬಾರಿಗೆ ಟಿ20 ತಂಡವನ್ನು ಮುನ್ನಡೆಸಲು ರೋಹಿತ್ ಶರ್ಮಾ ಪುನರಾಗಮನ ಮಾಡುತ್ತಿರುವಾಗ ಇದು ವೈಯಕ್ತಿಕ ಹೆಗ್ಗುರುತಾಗಲಿದೆ.

ಹಾರ್ದಿಕ್ ಪಾಂಡ್ಯ ಮತ್ತು ಸೂರ್ಯಕುಮಾರ್ ಯಾದವ್ ಗಾಯಗಳಿಂದ ಹೊರಗುಳಿದ ಕಾರಣ, ಬಿಸಿಸಿಐ ಹಿರಿಯ ಆಯ್ಕೆ ಸಮಿತಿಯು ಟಿ20 ತಂಡವನ್ನು ಮುನ್ನಡೆಸಲು ರೋಹಿತ್ ಶರ್ಮಾಗೆ ಕರೆ ನೀಡಿದರು. ಅಲ್ಲದೆ, ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿಯನ್ನು ಮರಳಿ ಕರೆತಂದರು.

ಈ ಮೂಲಕ ಇಬ್ಬರು ಅನುಭವಿ ಆಟಗಾರರು ತಮ್ಮ ಟಿ20 ವಿಶ್ವಕಪ್ ಸಂಯೋಜನೆಗಳಲ್ಲಿರುತ್ತಾರೆ ಎಂದು ಸ್ಪಷ್ಟವಾಗಿ ಸುಳಿವು ನೀಡಿದರು. ಟಿ20 ವಿಶ್ವಕಪ್ ನಂತರ, ಚುಟುಕು ಕ್ರಿಕೆಟ್ ಸ್ವರೂಪದಲ್ಲಿ ಇವರಿಬ್ಬರ ಭವಿಷ್ಯದ ಬಗ್ಗೆ ಊಹಾಪೋಹಗಳಿವೆ.

ರೋಹಿತ್ ಶರ್ಮಾ ಮತ್ತೊಂದು ಪ್ರಮುಖ ಐಸಿಸಿ ಪಂದ್ಯಾವಳಿಗೆ ಸಜ್ಜಾಗುತ್ತಿರುವಂತೆ, ಅವರು ಗೆದ್ದ ಪಂದ್ಯಗಳ ವಿಷಯದಲ್ಲಿ ಭಾರತದ ಅತ್ಯಂತ ಯಶಸ್ವಿ ಟಿ20 ನಾಯಕನಾಗುವ ಅವಕಾಶವನ್ನು ಹೊಂದಿದ್ದಾರೆ.

ಪ್ರಸ್ತುತ ರೋಹಿತ್ ಶರ್ಮಾ ಅವರು ಗಣ್ಯರ ಪಟ್ಟಿಯಲ್ಲಿ ಎರಡು ವಿಶ್ವಕಪ್ ವಿಜೇತ ಮಾಜಿ ನಾಯಕ ಎಂಎಸ್ ಧೋನಿ ನಂತರದ ಸ್ಥಾನದಲ್ಲಿದ್ದಾರೆ.

ರೋಹಿತ್ ಶರ್ಮಾ 51 ಪಂದ್ಯಗಳಲ್ಲಿ 39 ಗೆಲುವು ಸಾಧಿಸಿದ್ದರೆ, ಮಾಜಿ ನಾಯಕ ಎಂಎಸ್ ಧೋನಿ 72 ಪಂದ್ಯಗಳಲ್ಲಿ 42 ಪಂದ್ಯಗಳನ್ನು ಗೆದ್ದು ತಮ್ಮ ವೃತ್ತಿಜೀವನವನ್ನು ಕೊನೆಗೊಳಿಸಿದರು.

ಮುಂಬರುವ ಟಿ20 ಸರಣಿಯಲ್ಲಿ ಆತಿಥೇಯ ಭಾರತವು ಪ್ರವಾಸಿ ಅಫ್ಘಾನಿಸ್ತಾನ ತಂಡವನ್ನು ಕ್ಲೀನ್ ಸ್ವೀಪ್ ಮಾಡಿದರೆ, ರೋಹಿತ್ ಶರ್ಮಾ ಪುರುಷರ ಟಿ20 ಪಂದ್ಯಗಳಲ್ಲಿ ಜಂಟಿ-ಅತ್ಯಂತ ಯಶಸ್ವಿ ಭಾರತ ನಾಯಕನಾಗಿ ಎಂಎಸ್ ಧೋನಿ ದಾಖಲೆಯನ್ನು ಸರಿಗಟ್ಟಲಿದ್ದಾರೆ.

ಭಾರತ vs ಅಫ್ಘಾನಿಸ್ತಾನ ಟಿ20 ಸರಣಿಯ ವೇಳಾಪಟ್ಟಿ

ಜನವರಿ 11: ಮೊದಲ ಟಿ20 ಪಂದ್ಯ - ಪಂಜಾಬ್ ಕ್ರಿಕೆಟ್ ಸಂಸ್ಥೆ ಐಎಸ್ ಬಿಂದ್ರಾ ಸ್ಟೇಡಿಯಂ, ಮೊಹಾಲಿ
ಜನವರಿ 14: ಎರಡನೇ ಟಿ20 ಪಂದ್ಯ - ಹೋಳ್ಕರ್ ಕ್ರಿಕೆಟ್ ಸ್ಟೇಡಿಯಂ, ಇಂದೋರ್
ಜನವರಿ 17: ಮೂರನೇ ಟಿ20 ಪಂದ್ಯ - ಎಂ ಚಿನ್ನಸ್ವಾಮಿ ಸ್ಟೇಡಿಯಂ, ಬೆಂಗಳೂರು