IND vs AFG: ಟಿ20 ಕ್ರಿಕೆಟ್‌ನಲ್ಲಿ ಇತಿಹಾಸ ಬರೆದ ರೋಹಿತ್ ಶರ್ಮಾ; ಈ ಸಾಧನೆಗೈದ ಮೊದಲ ಪುರುಷ ಕ್ರಿಕೆಟರ್

ಗುರುವಾರ, ಜನವರಿ 11ರಂದು ಮೊಹಾಲಿಯ ಐಎಸ್ ಬಿಂದ್ರಾ ಸ್ಟೇಡಿಯಂನಲ್ಲಿ ನಡೆದ ಮೂರು ಪಂದ್ಯಗಳ ಸರಣಿಯ ಮೊದಲ ಟಿ20 ಪಂದ್ಯದಲ್ಲಿ ಪ್ರವಾಸಿ ಅಫ್ಘಾನಿಸ್ತಾನ ತಂಡದ ವಿರುದ್ಧದ ಆತಿಥೇಯ ಭಾರತ ತಂಡ 6 ವಿಕೆಟ್‌ಗಳ ಭರ್ಜರಿ ಗೆಲುವು ದಾಖಲಿಸಿತು.

ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಅಫ್ಘಾನಿಸ್ತಾನ ತಂಡ ಮೊಹಮ್ಮದ್ ನಬಿಯ ಅದ್ಭುತ ಬ್ಯಾಟಿಂಗ್ ನೆರವಿನಿಂದ ನಿಗದಿತ 20 ಓವರ್‌ಗಳಲ್ಲಿ 5 ವಿಕೆಟ್‌ಗೆ 158 ರನ್‌ ಕಲೆಹಾಕಿತು.

159 ರನ್‌ಗಳ ಸವಾಲಿನ ಗುರಿ ಬೆನ್ನಟ್ಟಿದ ಭಾರತ ತಂಡ ಆಲ್‌ರೌಂಡರ್ ಶಿವಂ ದುಬೆ ಅವರ ಅಮೋಘ ಅರ್ಧಶತಕದ ಸಹಾಯದಿಂದ 17.3 ಓವರ್‌ಗಳಲ್ಲಿ 4 ವಿಕೆಟ್ ಕಳೆದುಕೊಂಡು ಗೆಲುವಿನ ಗುರಿ ಮುಟ್ಟಿತು.

ಟಿ20 ಕ್ರಿಕೆಟ್‌ನಲ್ಲಿ ದಾಖಲೆ ಬರೆದ ರೋಹಿತ್ ಶರ್ಮಾ

ಇದೇ ವೇಳೆ ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಟಿ20 ಕ್ರಿಕೆಟ್‌ನಲ್ಲಿ 100 ಗೆಲುವುಗಳನ್ನು ದಾಖಲಿಸಿದ ಮೊದಲ ಪುರುಷ ಆಟಗಾರ ಎಂಬ ಇತಿಹಾಸವನ್ನು ಬರೆದರು.

ಇಂಗ್ಲೆಂಡ್‌ನ ಮಹಿಳಾ ಕ್ರಿಕೆಟರ್ ಡ್ಯಾನಿ ವ್ಯಾಟ್ (111) ಮಾತ್ರ ರೋಹಿತ್ ಶರ್ಮಾಗಿಂತ ಹೆಚ್ಚು ಟಿ20 ಪಂದ್ಯಗಳನ್ನು ಗೆದ್ದಿದ್ದಾರೆ. ಇನ್ನು ರೋಹಿತ್ ಶರ್ಮಾ ಅವರು ಟಿ20 ಗೆಲುವಿನ ವಿಷಯದಲ್ಲಿ ಆಸ್ಟ್ರೇಲಿಯಾದ ಮಹಿಳಾ ಆಟಗಾರ್ತಿ ಅಲಿಸ್ಸಾ ಹೀಲಿ ಮತ್ತು ಎಲಿಸ್ಸೆ ಪೆರ್ರಿ (100) ಅವರ ದಾಖಲೆಯನ್ನು ಸರಿಗಟ್ಟಿದರು.

ಕಳೆದ ವರ್ಷ ನವೆಂಬರ್‌ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ 2023ರ ಏಕದಿನ ವಿಶ್ವಕಪ್‌ನ ಫೈನಲ್‌ನಲ್ಲಿ ಭಾರತ ತಂಡ ಸೋತ ನಂತರ, ರೋಹಿತ್ ಶರ್ಮಾ ಅವರ ಮೊದಲ ವೈಟ್‌ಬಾಲ್ ಪಂದ್ಯವಾಗಿತ್ತು.

ಅಧಿಕ ಟಿ20 ಪಂದ್ಯಗಳನ್ನು ಗೆದ್ದ ಪುರುಷ ಆಟಗಾರರು

ರೋಹಿತ್ ಶರ್ಮಾ (ಭಾರತ): 100
ಶೋಯೆಬ್ ಮಲಿಕ್ (ಪಾಕಿಸ್ತಾನ): 86
ವಿರಾಟ್ ಕೊಹ್ಲಿ (ಭಾರತ): 73
ಮೊಹಮ್ಮದ್ ಹಫೀಜ್ (ಪಾಕಿಸ್ತಾನ): 70
ಮೊಹಮ್ಮದ್ ನಬಿ (ಅಫ್ಘಾನಿಸ್ತಾನ): 70

ಪುನರಾಗಮನ ಪಂದ್ಯದಲ್ಲಿ ಡಕ್‌ಗೆ ಔಟಾದ ರೋಹಿತ್ ಶರ್ಮಾ

14 ತಿಂಗಳುಗಳ ನಂತರ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ಗೆ ಮರಳಿರುವ ರೋಹಿತ್ ಶರ್ಮಾ, ಬ್ಯಾಟ್‌ನೊಂದಿಗೆ ಗುರುವಾರ ರಾತ್ರಿಯನ್ನು ಮರೆಯುವಂತೆ ಔಟಾದರು.

ಸಹ ಆರಂಭಿಕ ಆಟಗಾರ ಶುಭ್ಮನ್ ಗಿಲ್ ಅವರೊಂದಿಗೆ ರೋಹಿತ್ ಶರ್ಮಾ ಭೀಕರ ಮಿಶ್ರಣದಲ್ಲಿ ತೊಡಗಿಸಿಕೊಂಡರು. ಇದು ಎರಡನೇ ಇನ್ನಿಂಗ್ಸ್‌ನ ಮೊದಲ ಓವರ್‌ನ ಎರಡನೇ ಎಸೆತದಲ್ಲಿ ರನೌಟ್‌ಗೆ ಕಾರಣವಾಯಿತು.

ಈ ವೇಳೆ ಟೀಮ್ ಇಂಡಿಯಾ ನಾಯಕ ರೋಹಿತ್ ಶರ್ಮಾ ಅವರು ರನೌಟ್ ಆದ ಸಿಟ್ಟಿನಲ್ಲಿ ಮೈದಾನದಲ್ಲೇ ಸ್ಥಳೀಯ ಆಟಗಾರ ಶುಭ್ಮನ್ ಗಿಲ್‌ರನ್ನು ತರಾಟೆಗೆ ತೆಗೆದುಕೊಂಡರು.

ಲಾಂಗ್ ಆಫ್‌ನತ್ತ ಚೆಂಡು ಬಾರಿಸಿದಾಗ ರೋಹಿತ್ ನಾನ್ ಸ್ಟ್ರೈಕರ್‌ನತ್ತ ಓಡಿದರು. ಆದರೆ, ಶುಭ್ಮನ್ ಗಿಲ್ ಚೆಂಡು ನೋಡುತ್ತಾ ನಿಂತಿದ್ದರು. ಅಫ್ಘಾನಿಸ್ತಾನ ಫೀಲ್ಡರ್ ವಿಕೆಟ್ ಕೀಪರ್‌ನತ್ತ ಚೆಂಡು ಎಸೆದು ರೋಹಿತ್ ಶರ್ಮಾ ಸುಲಭವಾಗಿ ರನೌಟ್ ಆಗುವಂತೆ ಮಾಡಿದರು.

ಆಸ್ಟ್ರೇಲಿಯಾದಲ್ಲಿ ನಡೆದ 2022ರ ಟಿ20 ವಿಶ್ವಕಪ್‌ನ ಸೆಮಿಫೈನಲ್‌ನಲ್ಲಿ ಇಂಗ್ಲೆಂಡ್ ವಿರುದ್ಧ ಭಾರತ ಸೋತ ನಂತರ ರೋಹಿತ್ ಶರ್ಮಾ ಅವರ ಮೊದಲ ಟಿ20 ಪಂದ್ಯ ಇದಾಗಿದೆ.

ಅಜ್ಮತುಲ್ಲಾ ಓಮರ್ಜಾಯ್ 22 ಎಸೆತಗಳಲ್ಲಿ ಎರಡು ಬೌಂಡರಿ ಮತ್ತು ಒಂದು ಸಿಕ್ಸರ್ ಸಮೇತ 29 ರನ್ ಗಳಿಸಿದರೆ, ಅನುಭವಿ ಆಲ್‌ರೌಂಡರ್ ಮೊಹಮ್ಮದ್ ನಬಿ 27 2 ಬೌಂಡರಿ ಮತ್ತು 3 ಸಿಕ್ಸರ್ ಮೂಲಕ 42 ರನ್ ಬಾರಿಸಿದರು. ಇದು ಭಾರತಕ್ಕೆ 159 ರನ್‌ಗಳ ಗುರಿ ನೀಡಲು ಸಹಾಯ ಮಾಡಿತು.

ಪ್ರತ್ಯುತ್ತರವಾಗಿ ಶಿವಂ ದುಬೆ ಮತ್ತು ಜಿತೇಶ್ ಶರ್ಮಾ ಬ್ಯಾಟಿಂಗ್ ಪ್ರದರ್ಶನದ ನೆರವಿನಿಂದ 6 ವಿಕೆಟ್‌ಗಳು ಮತ್ತು 15 ಎಸೆತಗಳು ಬಾಕಿ ಇರುವಂತೆಯೇ ಭಾರತ ಗುರಿಯನ್ನು ಬೆನ್ನಟ್ಟಿತು.

ಶಿವಂ ದುಬೆ 40 ಎಸೆತಗಳಲ್ಲಿ 5 ಬೌಂಡರಿ ಮತ್ತು 2 ಸಿಕ್ಸರ್‌ಗಳೊಂದಿಗೆ ಅಜೇಯ 60 ರನ್ ಗಳಿಸಿದರೆ, ಆದರೆ ಜಿತೇಶ್ ಶರ್ಮಾ 20 ಎಸೆತಗಳಲ್ಲಿ 31 ರನ್ ಗಳಿಸಿದರು.

ಈ ಗೆಲುವಿನೊಂದಿಗೆ ಭಾರತವು ಮೂರು ಪಂದ್ಯಗಳ ಟಿ20 ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿತು. ಎರಡನೇ ಪಂದ್ಯವು ಇಂದೋರ್‌ನ ಹೋಳ್ಕರ್ ಕ್ರೀಡಾಂಗಣದಲ್ಲಿ ಭಾನುವಾರ, ಜನವರಿ 14ರಂದು ನಡೆಯಲಿದೆ.