Click it and Unblock the Notifications
IND vs AUS: 3ನೇ ಟಿ20 ಪಂದ್ಯದಲ್ಲಿ ಅತಿ ಹೆಚ್ಚು ರನ್ ಗಳಿಸಬಲ್ಲ 3 ಆಟಗಾರರು ಇವರೇ!
ಹೈದರಾಬಾದ್ನಲ್ಲಿ ಭಾನುವಾರ ನಡೆಯಲಿರುವ 3ನೇ ಹಾಗೂ ಅಂತಿಮ ಟಿ20 ಪಂದ್ಯದಲ್ಲಿ ಭಾರತ ತಂಡ ಆಸ್ಟ್ರೇಲಿಯಾವನ್ನು ಎದುರಿಸಲಿದೆ. ಮೊಹಾಲಿಯಲ್ಲಿ ನಡೆದ ಮೊದಲ ಪಂದ್ಯವನ್ನು ಆಸ್ಟ್ರೇಲಿಯಾ ಗೆದ್ದಿತ್ತು ಮತ್ತು ನಾಗ್ಪುರದ ಕಡಿಮೆ ಓವರ್ಗಳ 2ನೇ ಪಂದ್ಯದಲ್ಲಿ ಭಾರತ ಗೆಲ್ಲುವುದರೊಂದಿಗೆ ಮರಳಿದ್ದು, ಮೂರನೇ ಪಂದ್ಯವು ಸರಣಿ-ನಿರ್ಣಾಯಕವಾಗಲಿದೆ.
ಟೀಂ ಇಂಡಿಯಾವು ನಾಗ್ಪುರದಲ್ಲಿ ನಡೆದ ಎರಡನೇ ಟಿ20 ಪಂದ್ಯದಲ್ಲಿ ಆಸ್ಟ್ರೇಲಿಯಾವನ್ನು ಸೋಲಿಸಿ ಸರಣಿಯನ್ನು 1-1ರಿಂದ ಸಮಬಲಗೊಳಿಸಿತು. ಮಳೆ ಅಡ್ಡಿಪಡಿಸಿದ್ದರಿಂದ ಪ್ರತಿ ತಂಡಕ್ಕೆ ಎಂಟು ಓವರ್ಗಳನ್ನು ನಿಗದಿಪಡಿಸಿದ ಪಂದ್ಯದಲ್ಲಿ ಭಾರತಕ್ಕೆ ವಿಜಯಮಾಲೆ ಒಲಿದಿತ್ತು.
ಪ್ರವಾಸಿ ತಂಡ ಆಸ್ಟ್ರೇಲಿಯ ತಂಡವು 91 ರನ್ಗಳ ಗುರಿಯು ಆತಿಥೇಯ ಭಾರತಕ್ಕೆ ನಿರೀಕ್ಷಿಸಿದಷ್ಟು ದೊಡ್ಡದಾಗಿರಲಿಲ್ಲ. ಆದಾಗ್ಯೂ, ರೋಹಿತ್ ಶರ್ಮಾ ಮತ್ತು ತಂಡ ಬ್ಯಾಟಿಂಗ್ ಮಾಡಿದ ರೀತಿ, ಅವರು ಈ ಸ್ವರೂಪದಲ್ಲಿ ತೋರಿಸಲು ಬಯಸುತ್ತಿರುವ ಉದ್ದೇಶದ ಬಗ್ಗೆ ಸಾಕಷ್ಟು ಚರ್ಚೆಯಾಗಿದೆ.
ಕೆಲವೇ ಗಂಟೆಗಳಲ್ಲಿ ಹೈದರಾಬಾದ್ನಲ್ಲಿ ಸರಣಿ ನಿರ್ಣಾಯಕ ಪಂದ್ಯದಲ್ಲಿ ಹೆಚ್ಚು ರನ್ ಗಳಿಸಬಹುದಾದ ಮೂವರು ಆಟಗಾರರ ನೋಟ ಇಲ್ಲಿದೆ.
ಆಸ್ಟ್ರೇಲಿಯ ವಿಕೆಟ್ ಕೀಪರ್-ಬ್ಯಾಟ್ಸ್ಮನ್ ಮ್ಯಾಥ್ಯೂ ವೇಡ್
ಆಸ್ಟ್ರೇಲಿಯನ್ ಬ್ಯಾಟಿಂಗ್ ಲೈನ್-ಅಪ್ನಲ್ಲಿರುವ ಕೆಲವು ಸೂಪರ್ಸ್ಟಾರ್ ಹೆಸರುಗಳಲ್ಲಿ ವಿಕೆಟ್ಕೀಪರ್-ಬ್ಯಾಟರ್ ಮ್ಯಾಥ್ಯೂ ವೇಡ್ ಹೆಸರು ಒಂದು. 2021ರ ಟಿ20 ವಿಶ್ವಕಪ್ ಸೆಮಿಫೈನಲ್ನಲ್ಲಿ ಪಾಕಿಸ್ತಾನವನ್ನು ಏಕಾಂಗಿಯಾಗಿ ಹೋರಾಡಿ ಸೋಲಿಸಿದ ಅವರು ಈ ಸ್ವರೂಪದಲ್ಲಿ ಏಕೆ ಅತ್ಯುತ್ತಮ ಫಿನಿಶರ್ಗಳಲ್ಲಿ ಒಬ್ಬರು ಎಂಬುದನ್ನು ಅವರು ತೋರಿಸಿದ್ದಾರೆ.
ತನ್ನ ಆರಂಭಿಕ ಕ್ರಿಕೆಟ್ ದಿನಗಳಲ್ಲಿ ಆರಂಭದಲ್ಲಿ ಅಗ್ರ ಕ್ರಮಾಂಕದ ಬ್ಯಾಟರ್ ಆಗಿದ್ದ ಮ್ಯಾಥ್ಯೂ ವೇಡ್, ಅವರು ವೇಗಿಗಳಿಗೆ ಆಗಾಗ್ಗೆ ಸಾಧ್ಯವಾದಷ್ಟು ಸಿಕ್ಸರ್ ಬಾರಿಸುವ ನಂ.7 ಪಾತ್ರದಲ್ಲಿ ಚೆನ್ನಾಗಿ ನೆಲೆಸಿದ್ದಾರೆ. ಭಾರತ ವಿರುದ್ಧದ ಮೊದಲ ಎರಡು ಟಿ20 ಪಂದ್ಯಗಳಲ್ಲಿ ಅವರು ಅದೇ ರೀತಿ ಮಾಡಿದ್ದಾರೆ.
ಕಳೆದ ಎರಡು ಪಂದ್ಯಗಳಲ್ಲಿ ಮ್ಯಾಥ್ಯೂ ವೇಡ್ 214.63 ಸ್ಟ್ರೈಕ್ರೇಟ್ನಲ್ಲಿ 88 ರನ್ ಗಳಿಸಿದ್ದಾರೆ ಮತ್ತು ಅಜೇಯರಾಗುಳಿದಿದ್ದಾರೆ. ಮ್ಯಾಥ್ಯೂ ವೇಡ್ ಐದು ಸಿಕ್ಸರ್ಗಳು ಮತ್ತು 10 ಬೌಂಡರಿಗಳನ್ನು ಸಹ ಹೊಡೆದಿದ್ದಾರೆ ಮತ್ತು ನಿರ್ಣಾಯಕ ಪಂದ್ಯದಲ್ಲಿ ಆತಿಥೇಯರಿಗೆ ಖಂಡಿತವಾಗಿಯೂ ಅಪಾಯಕಾರಿಯಾಗಿದ್ದಾರೆ.
ಸೂರ್ಯಕುಮಾರ್ ಯಾದವ್
ಭಾರತದ ಸ್ಫೋಟಕ ಬ್ಯಾಟ್ಸ್ಮನ್ ಸೂರ್ಯಕುಮಾರ್ ಯಾದವ್ ಅವರು ಮಾರ್ಚ್ 2021ರಲ್ಲಿ ತಮ್ಮ ಅಂತಾರಾಷ್ಟ್ರೀಯ ಚೊಚ್ಚಲ ಪಂದ್ಯವನ್ನು ಮಾಡಿದಾಗಿನಿಂದಲೂ ವಿಶ್ವದ ಅತ್ಯುತ್ತಮ ಟಿ20 ಬ್ಯಾಟರ್ಗಳಲ್ಲಿ ಒಬ್ಬರಾಗಿದ್ದಾರೆ. ಅವರ ನಿರ್ಭೀತ ಮತ್ತು ಭವ್ಯವಾದ ಆಟವು ಟಿ20 ವಿಶ್ವಕಪ್ ಅನ್ನು ಎತ್ತಿ ಹಿಡಿಯಲು ಭಾರತೀಯ ತಂಡಕ್ಕೆ ಅಗತ್ಯವಿರುವ ಅಂಶವಾಗಿದೆ.
ಆದಾಗ್ಯೂ, ನಿರ್ಭೀತರಾಗಿ ಆಡಲು ಸೂರ್ಯಕುಮಾರ್ ಯಾದವ್ ಆಗಾಗ್ಗೆ ಅಜಾಗರೂಕ ಹೊಡೆತಗಳನ್ನು ಆಡಿ ಔಟಾಗುತ್ತಾರೆ. ಅವರು ದೊಡ್ಡ ಪಂದ್ಯಗಳಲ್ಲಿ ಇನ್ನೂ ಉತ್ತಮವಾಗಿ ಆಡದ ಬ್ಯಾಟರ್ ಎಂದು ಅಭಿಮಾನಿಗಳಿಂದ ಆರೋಪಿಸಿದ್ದಾರೆ.
ಮೊದಲ ಟಿ20 ಪಂದ್ಯದಲ್ಲಿ ಸ್ಟೋಟಕ 46 ರನ್ ಮತ್ತು ಎರಡನೆ ಪಂದ್ಯದಲ್ಲಿ ಗೋಲ್ಡನ್ ಡಕ್ ಗಳಿಸಿದ ನಂತರ, 'ಸೂರ್ಯಕುಮಾರ್ ಯಾದವ್'ಗೆ ಗೆಲ್ಲಲೇಬೇಕಾದ ಆಟದಲ್ಲಿ ಉತ್ತಮವಾಗಿ ಆಡಲು ಮತ್ತು ತನ್ನ ಮೇಲಿರುವ ಅನುಮಾನಗಳನ್ನು ತಪ್ಪೆಂದು ಸಾಬೀತುಪಡಿಸಲು ಇದು ಬಹುಶಃ ಸಮಯವಾಗಿದೆ.
ರೋಹಿತ್ ಶರ್ಮಾ
ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಅತಿ ಆಕ್ರಮಣಕಾರಿಯಾಗಿ ಆಡಲು ಯತ್ನಿಸಿ ತನ್ನ ವಿಕೆಟ್ ಒಪ್ಪಿಸಿದ್ದರಿಂದ ಅಭಿಮಾನಿಗಳು ಸ್ವಲ್ಪ ನಿರಾಶೆಗೊಂಡರು. ಆದಾಗ್ಯೂ, ನಾಗ್ಪುರದ ಇನ್ನಿಂಗ್ಸ್ನಲ್ಲಿ ಅವರು ಕೇವಲ 20 ಎಸೆತಗಳಲ್ಲಿ ಪಂದ್ಯ ವಿಜೇತ 46 ರನ್ ಗಳಿಸಿದರು. ಅವರು ತಮ್ಮ ಸಾಂಪ್ರದಾಯಿಕ ಹೊಡೆತಗಳನ್ನು ಶಾಟ್ಗಳೊಂದಿಗೆ ಅಕ್ರಮಣಕಾರಿಯಾಗಲು ಎದುರು ನೋಡುತ್ತಿದ್ದಾರೆ.
ರೋಹಿತ್ ಶರ್ಮಾ ಹೈದರಾಬಾದ್ನಲ್ಲಿ ಉತ್ತಮ ಅಂತಾರಾಷ್ಟ್ರೀಯ ದಾಖಲೆಯನ್ನು ಹೊಂದಿಲ್ಲ. ಆದರೆ ಐಪಿಎಲ್ನಲ್ಲಿ ಡೆಕ್ಕನ್ ಚಾರ್ಜರ್ಸ್ ಮತ್ತು ಮುಂಬೈ ಇಂಡಿಯನ್ಸ್ಗಾಗಿ ಕೆಲವು ಅತ್ಯುತ್ತಮ ಪ್ರದರ್ಶನಗಳನ್ನು ಆಡಿದ್ದಾರೆ. ಅವರು ಇಲ್ಲಿ 2017 ಮತ್ತು 2019ರ ಐಪಿಎಲ್ ಫೈನಲ್ಗಳನ್ನು ಗೆದ್ದಿದ್ದರಿಂದ ಮೈದಾನವು ಅವರಿಗೆ ವಿಶೇಷ ನೆನಪುಗಳನ್ನು ಹೊಂದಿದೆ.
ಎಚ್ಚರಿಕೆ ಮತ್ತು ಆಕ್ರಮಣಶೀಲತೆಯ ನಡುವಿನ ಸರಿಯಾದ ಸಮತೋಲನವನ್ನು ಬಹುಶಃ ಕಂಡುಕೊಂಡ ನಂತರ, 'ಹಿಟ್ಮ್ಯಾನ್' ಭಾನುವಾರದಂದು ಬ್ಲಾಕ್ಬಸ್ಟರ್ ಪ್ರದರ್ಶನವನ್ನು ಎದುರು ನೋಡುತ್ತಿದ್ದಾರೆ.
Story first published: Sunday, September 25, 2022, 15:39 [IST]
Other articles published on Sep 25, 2022
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+