Ind vs Eng 5th ಟೆಸ್ಟ್: ಇಂಗ್ಲೆಂಡ್ ತಲುಪಿದ ರೋಹಿತ್ ಶರ್ಮಾ; ಅಭ್ಯಾಸ ಆರಂಭಿಸಿದ ಭಾರತ ತಂಡ

ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಇಂಗ್ಲೆಂಡ್‌ನ ಲೀಸೆಸ್ಟರ್‌ಶೈರ್‌ನಲ್ಲಿ ಭಾರತದ ಮೊದಲ ಅಭ್ಯಾಸದ ಅವಧಿಯನ್ನು ಸೇರಿಕೊಂಡಿದ್ದಾರೆ. ಇಂಗ್ಲೆಂಡ್ ವಿರುದ್ಧದ ಮುಂದುವರೆದ ಟೆಸ್ಟ್ ಸರಣಿಯ ಉಳಿದಿರುವ ಏಕೈಕ ಟೆಸ್ಟ್ ಪಂದ್ಯವನ್ನು ಆಡಲಿದೆ.

ಜುಲೈ 1 ರಿಂದ ಇಂಗ್ಲೆಂಡ್‌ನಲ್ಲಿ ಮರುನಿಗದಿಪಡಿಸಲಾದ ಐದನೇ ಟೆಸ್ಟ್‌ಗಾಗಿ ತಮ್ಮ ಅಭ್ಯಾಸವನ್ನು ಲಂಡನ್‌ನಿಂದ ಲೀಸೆಸ್ಟರ್‌ಶೈರ್‌ಗೆ ಭಾರತ ಟೆಸ್ಟ್ ತಂಡ ಬದಲಾಯಿಸಿದೆ. ಟೆಸ್ಟ್ ಪರಿಣಿತ ಆಟಗಾರರು ಲಂಡನ್‌ನಲ್ಲಿ ಹೊರಾಂಗಣದಲ್ಲಿ ಅಭ್ಯಾಸ ಮಾಡುತ್ತಿದ್ದರು. ರೋಹಿತ್ ಶರ್ಮಾ ಜೂನ್ 20, ಸೋಮವಾರದಂದು ಲೀಸೆಸ್ಟರ್‌ಶೈರ್ ಕೌಂಟಿ ಮೈದಾನದಲ್ಲಿ ತಂಡದ ಮೊದಲ ಬ್ಯಾಟಿಂಗ್ ಅಭ್ಯಾಸದ ಅವಧಿಯನ್ನು ಮುನ್ನಡೆಸಿದರು.

ಬಹು ನಿರೀಕ್ಷಿತ ಟೆಸ್ಟ್ ಪಂದ್ಯದ ಮುನ್ನಡೆಸುತ್ತಿರುವ ನಾಯಕ ರೋಹಿತ್ ಶರ್ಮಾ ಮತ್ತು ಸಹ ಓಪನರ್ ಶುಭಮನ್ ಗಿಲ್ ತಮ್ಮ ಮೊದಲ ನೆಟ್ ಸೆಷನ್‌ನಲ್ಲಿ ಚೆಂಡನ್ನು ಹೊಡೆಯುತ್ತಿರುವುದು ಕಂಡುಬಂದಿತು. ಜೂನ್ 24 ರಿಂದ 27 ರವರೆಗೆ ಕೌಂಟಿ ತಂಡದ ವಿರುದ್ಧ 4 ದಿನಗಳ ಅಭ್ಯಾಸ ಪಂದ್ಯವನ್ನು ಆಡಲಿದೆ.

ನಾಯಕ ರೋಹಿತ್ ಶರ್ಮಾ ಮತ್ತು ಶುಭ್‌ಮನ್ ಗಿಲ್ ಸಾಮಾಜಿಕ ಮಾಧ್ಯಮದಲ್ಲಿ ಬಿಸಿಸಿಐ ಹಂಚಿಕೊಂಡ ಕಿರು ಕ್ಲಿಪ್‌ನಲ್ಲಿ ಮುಂಭಾಗದ ಪಾದದ ರಕ್ಷಣೆಯ ಮೇಲೆ ಕೇಂದ್ರೀಕರಿಸಿದ್ದಾರೆ. ಮೊದಲ ಟೆಸ್ಟ್‌ಗೆ ತಯಾರಿ ಪೂರ್ಣ ಪ್ರಮಾಣದಲ್ಲಿ ಫಿಟ್ ಆಗುತ್ತಿದ್ದಂತೆ ರೋಹಿತ್ ಶಾರ್ಟ್ ಎಸೆತವನ್ನು ಎಳೆದು ಹೊಡೆಯಲೆತ್ನಿಸಿದರು.

ಗಮನಾರ್ಹವಾದ ಅಂಶವೆಂದರೆ, ಬರ್ಮಿಂಗ್ಹ್ಯಾಮ್‌ನಲ್ಲಿ ಕಳೆದ ವರ್ಷದ ಅಪೂರ್ಣ 5-ಟೆಸ್ಟ್ ಸರಣಿಯ ಮುಂದುವರೆದ ಭಾಗವಾಗಿರುವ ಏಕೈಕ ಟೆಸ್ಟ್‌ನಲ್ಲಿ ರೋಹಿತ್ ಶರ್ಮಾ ಅವರೊಂದಿಗೆ ಶುಭ್‌ಮನ್ ಗಿಲ್ ಇನ್ನಿಂಗ್ಸ್ ಆರಂಭಿಸಬಹುದು. ಏಕೆಂದರೆ ಕೆಎಲ್ ರಾಹುಲ್ ಗಾಯದ ಕಾರಣದಿಂದಾಗಿ ಸರಣಿಯನ್ನು ಕಳೆದುಕೊಂದ್ದಾರೆ. ಇದಕ್ಕೂ ಮುನ್ನ ಇತ್ತೀಚೆಗೆ ತವರಿನಲ್ಲಿ ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧ 5 ಪಂದ್ಯಗಳ ಸರಣಿಯನ್ನು ತಪ್ಪಿಸಿಕೊಂಡಿದ್ದರು.

ಕಳೆದ ವರ್ಷ ಇಂಗ್ಲೆಂಡ್ ವಿರುದ್ಧ ಭಾರತ 2-1 ಮುನ್ನಡೆ ಸಾಧಿಸುವಲ್ಲಿ ರೋಹಿತ್ ಮತ್ತು ರಾಹುಲ್ ಪ್ರಮುಖ ಪಾತ್ರ ವಹಿಸಿದ್ದರು. ರೋಹಿತ್ 4 ಟೆಸ್ಟ್‌ಗಳಲ್ಲಿ ಶತಕ ಮತ್ತು ಎರಡು ಅರ್ಧಶತಕ ಸೇರಿದಂತೆ 368 ರನ್ ಗಳಿಸಿದರೆ, ರಾಹುಲ್ ಒಂದು ಮತ್ತು ಅರ್ಧಶತಕ ಸೇರಿದಂತೆ 315 ರನ್ ಗಳಿಸಿದ್ದರು.

ಕಳೆದ ವರ್ಷದ ನ್ಯೂಜಿಲೆಂಡ್ ವಿರುದ್ಧದ ಸರಣಿಯ ನಂತರ ಶುಭ್‌ಮನ್ ಗಿಲ್ ಟೆಸ್ಟ್ ಪಂದ್ಯಗಳನ್ನು ಆಡಿಲ್ಲ ಮತ್ತು ಸಾಂಪ್ರದಾಯಿಕ ಬಾರ್ಡರ್-ಗವಾಸ್ಕರ್ ಟ್ರೋಫಿಯ ಸಮಯದಲ್ಲಿ ಆಸ್ಟ್ರೇಲಿಯಾದಲ್ಲಿ ಪ್ರಭಾವ ಬೀರಿದ ನಂತರ ಅವರ ಕ್ಲಾಸ್ ಆಟವನ್ನು ತೋರಿಸಲು ಇದು ಅವರಿಗೆ ಅವಕಾಶವಾಗಿದೆ.

ವಿಶ್ವ ಚಾಂಪಿಯನ್ ನ್ಯೂಜಿಲೆಂಡ್ ವಿರುದ್ಧ 3 ಪಂದ್ಯಗಳ ಸರಣಿಯಲ್ಲಿ 2-0 ಮುನ್ನಡೆ ಸಾಧಿಸಿದ ನಂತರ ಏಕೈಕ ಟೆಸ್ಟ್‌ಗೆ ಇಂಗ್ಲೆಂಡ್ ಸಜ್ಜಾಗುತ್ತಿರುವ ಕಾರಣ, ಭಾರತದ ಹೊರಗೆ ಮೊದಲ ಬಾರಿಗೆ ಟೆಸ್ಟ್ ಕ್ರಿಕೆಟ್‌ನಲ್ಲಿ ಭಾರತವನ್ನು ಮುನ್ನಡೆಸುವ ರೋಹಿತ್ ಶರ್ಮಾಗೆ ಇದು ಕಠಿಣ ಪರೀಕ್ಷೆಯಾಗಿದೆ. ಹೊಸ ನಾಯಕ ಬೆನ್ ಸ್ಟೋಕ್ಸ್ ಮತ್ತು ಮುಖ್ಯ ಕೋಚ್ ಬ್ರೆಂಡನ್ ಮೆಕಲಮ್ ಅಡಿಯಲ್ಲಿ ಇಂಗ್ಲೆಂಡ್ ಆಕ್ರಮಣಕಾರಿ ಬ್ರಾಂಡ್ ಕ್ರಿಕೆಟ್ ಅನ್ನು ಆಡುತ್ತಿದೆ.