IND vs NZ: 42ನೇ ಅಂತಾರಾಷ್ಟ್ರೀಯ ಶತಕ ಬಾರಿಸಿದ ರೋಹಿತ್ ಶರ್ಮಾ; ಸಕ್ರಿಯ ಆಟಗಾರರ ಪೈಕಿ ಜಂಟಿ 4ನೇ ಸ್ಥಾನ

ಏಕದಿನ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ಶತಕ ಬಾರಿಸಿದವರ ಪಟ್ಟಿ

1) ಸಚಿನ್ ತೆಂಡೂಲ್ಕರ್- 49 ಶತಕಗಳು

2) ವಿರಾಟ್ ಕೊಹ್ಲಿ - 46 ಶತಕಗಲು

3) ರಿಕಿ ಪಾಂಟಿಂಗ್- 30 ಶತಕಗಳು

4) ರೋಹಿತ್ ಶರ್ಮಾ- 30 ಶತಕಗಳು

ಸಕ್ರಿಯ ಕ್ರಿಕೆಟ್ ಆಡುತ್ತಿರುವವರ ಪೈಕಿ ರೋಹಿತ್ ಶರ್ಮಾ ಜಂಟಿ 4ನೇ ಸ್ಥಾನ

ಇದೇ ವೇಳೆ ಸಕ್ರಿಯ ಕ್ರಿಕೆಟ್ ಆಡುತ್ತಿರುವ ಆಟಗಾರರ ಪೈಕಿ ರೋಹಿತ್ ಶರ್ಮಾ 42ನೇ ಅಂತಾರಾಷ್ಟ್ರೀಯ ಶತಕ ಬಾರಿಸಿ, ಒಟ್ಟಾರೆ ಶತಕ ಗಳಿಸಿದವರ ಪೈಕಿ ರೋಹಿತ್ ಶರ್ಮಾ ಜಂಟಿ 4ನೇ ಸ್ಥಾನಕ್ಕೇರಿದ್ದಾರೆ. ಮೊದಲ ಸ್ಥಾನದಲ್ಲಿ 74 ಶತಕಗಳೊಂದಿಗೆ ಭಾರತದವರೇ ಆದ ವಿರಾಟ್ ಕೊಹ್ಲಿ ಇದ್ದಾರೆ.

ಅಸ್ಟ್ರೇಲಿಯಾದ ಡೇವಿಡ್ ವಾರ್ನರ್ 45 ಶತಕಗಳೊಂದಿಗೆ ಸಕ್ರಿಯ ಆಟಗಾರರ ಪೈಕಿ 2ನೇ ಸ್ಥಾನದಲ್ಲಿದ್ದರೆ, ಇಂಗ್ಲೆಂಡ್‌ನ ಜೋ ರೂಟ್ 44 ಅಂತಾರಾಷ್ಟ್ರೀಯ ಶತಕಗಳೊಂದಿಗೆ 3ನೇ ಸ್ಥಾನದಲ್ಲಿದ್ದಾರೆ.

ಇನ್ನು ಆಸ್ಟ್ರೇಲಿಯಾದ ಮತ್ತೊಬ್ಬ ಬ್ಯಾಟ್ಸ್‌ಮನ್ ಸ್ಟೀವ್ ಸ್ಮಿತ್ ಅವರು 42 ಶತಕಗಳನ್ನು ಬಾರಿಸುವ ಮೂಲಕ 4ನೇ ಸ್ಥಾನದಲ್ಲಿದ್ದಾರೆ. ಇದೀಗ ಭಾರತದ ನಾಯಕ ರೋಹಿತ್ ಶರ್ಮಾ ಕೂಡ 42 ಶತಕ ಬಾರಿಸುವುದರೊಂದಿಗೆ ಜಂಟಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ.

ಸಕ್ರಿಯ ಆಟಗಾರರಲ್ಲಿ ಹೆಚ್ಚು ಅಂತಾರಾಷ್ಟ್ರೀಯ ಶತಕ ಬಾರಿಸಿದವರು

1) ವಿರಾಟ್ ಕೊಹ್ಲಿ - 74 ಶತಕಗಳು

2) ಡೇವಿಡ್ ವಾರ್ನರ್ - 45 ಶತಕಗಳು

3) ಜೋ ರೂಟ್ - 44 ಶತಕಗಳು

4) ಸ್ಟೀವ್ ಸ್ಮಿತ್ - 42 ಶತಕಗಳು

5) ರೋಹಿತ್ ಶರ್ಮಾ - 42 ಶತಕಗಳು

ರೋಹಿತ್ ಶರ್ಮಾ 2020ರ ಜನವರಿ 19ರಂದು ಕೊನೆಯ ಏಕದಿನ ಶತಕ

ರೋಹಿತ್ ಶರ್ಮಾ 2020ರ ಜನವರಿ 19ರಂದು ಬೆಂಗಳೂರಿನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಕೊನೆಯ ಬಾರಿಗೆ ಏಕದಿನ ಶತಕ ಬಾರಿಸಿದ್ದರು. ಅಂದಿನಿಂದ 3 ವರ್ಷಗಳಲ್ಲಿ ರೋಹಿತ್ ಶರ್ಮಾ ಐದು ಏಕದಿನ ಅರ್ಧಶತಕಗಳನ್ನು ಗಳಿಸಿದ್ದಾರೆ. ಆದರೆ ಅವರು ಶತಕದ ಸಮೀಪ ಬಂದಿರಲಿಲ್ಲ. ರೋಹಿತ್ ಶರ್ಮಾ 2021ರಲ್ಲಿ ಇಂಗ್ಲೆಂಡ್ ವಿರುದ್ಧ ತವರಿನಲ್ಲಿ ಒಂದು ಅಮೋಘ ಟೆಸ್ಟ್ ಶತಕವನ್ನು ಬಾರಿಸಿದ್ದರು. ಆದರೆ ರೋಹಿತ್ ಏಕದಿನ ಕ್ರಿಕೆಟ್ ಫಾರ್ಮ್ ಕಳವಳಕಾರಿಯಾಗಿತ್ತು. ಇದೀಗ ಮತ್ತೆ ತಮ್ಮ ಹಳೆಯ ಲಯಕ್ಕೆ ಮರಳಿದ್ದಾರೆ.