IND vs SL: ಶ್ರೀಲಂಕಾ ವಿರುದ್ಧದ ಟಿ20 ಸರಣಿಯಲ್ಲಿ ಈ ದಾಖಲೆಗಳ ಮೇಲೆ ಕಣ್ಣಿಟ್ಟ ಯುಜ್ವೇಂದ್ರ ಚಹಾಲ್!

ಚಹಾಲ್ 71 ಪಂದ್ಯಗಳಲ್ಲಿ 87 ವಿಕೆಟ್

ಟಿ20 ಕ್ರಿಕೆಟ್‌ನಲ್ಲಿ ಭಾರತದ ಪರ ಹೆಚ್ಚು ವಿಕೆಟ್‌ ಟೇಕರ್ ಆಗಿರುವ ಭುವನೇಶ್ವರ್ ಕುಮಾರ್‌ ಅವರನ್ನು ಹಿಂದಿಕ್ಕಲು ಯುಜ್ವೇಂದ್ರ ಚಹಾಲ್‌ಗೆ ಇನ್ನೂ 4 ವಿಕೆಟ್‌ಗಳ ಅಗತ್ಯವಿದೆ. ಹರಿಯಾಣದ ಲೆಗ್ ಸ್ಪಿನ್ನರ್ ಚಹಾಲ್ 71 ಪಂದ್ಯಗಳಲ್ಲಿ 87 ವಿಕೆಟ್ ಪಡೆದಿದ್ದಾರೆ, 87 ಪಂದ್ಯಗಳಲ್ಲಿ 90 ವಿಕೆಟ್ ಪಡೆದಿರುವ ಭುವನೇಶ್ವರ್ ಅವರಿಗಿಂತ 3 ಕಡಿಮೆ ಇದೆ.

ಚೇತನ್ ಶರ್ಮಾ ನೇತೃತ್ವದ ಹಿರಿಯ ಆಯ್ಕೆ ಸಮಿತಿಯು ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಮತ್ತು ಕೆಎಲ್ ರಾಹುಲ್ ಅವರಂತಹ ಆಟಗಾರರಿಗೆ ವಿಶ್ರಾಂತಿ ನೀಡಿದ ಕಾರಣ 3 ಪಂದ್ಯಗಳ ಟಿ20 ಸರಣಿಗೆ ಆಯ್ಕೆ ಮಾಡಲಾಗಿಲ್ಲ.

ಚಹಾಲ್ ತವರಿನಲ್ಲಿ 35 ಪಂದ್ಯಗಳಲ್ಲಿ ಒಂದು ಬಾರಿ 5 ವಿಕೆಟ್ ಸಾಧನೆ

ಟಿ20 ಪಂದ್ಯಗಳಲ್ಲಿ ತವರಿನಲ್ಲಿ 50 ಅಥವಾ ಅದಕ್ಕಿಂತ ಹೆಚ್ಚು ವಿಕೆಟ್‌ಗಳನ್ನು ಹೊಂದಿರುವ ಬೌಲರ್‌ಗಳ ಎಲೈಟ್ ಪಟ್ಟಿಗೆ ಸೇರಲು 5 ವಿಕೆಟ್‌ಗಳ ಅಂತರದಲ್ಲಿರುವ ಯುಜ್ವೇಂದ್ರ ಚಹಾಲ್ ಮತ್ತೊಂದು ಪ್ರಮುಖ ಮೈಲಿಗಲ್ಲು ಸಾಧಿಸುವ ಅಂಚಿನಲ್ಲಿದ್ದಾರೆ.

ಯುಜ್ವೇಂದ್ರ ಚಹಾಲ್ ತವರಿನಲ್ಲಿ 35 ಪಂದ್ಯಗಳಲ್ಲಿ ಒಂದು ಬಾರಿ 5 ವಿಕೆಟ್ ಸಾಧನೆ ಮತ್ತು 2 ಬಾರಿ 4 ವಿಕೆಟ್ ಸಾಧನೆ ಸೇರಿದಂತೆ 45 ವಿಕೆಟ್‌ಗಳನ್ನು 22ರ ಅದ್ಭುತ ಸರಾಸರಿಯಲ್ಲಿ ಪಡೆದಿದ್ದಾರೆ. ಕೇವಲ 3 ಬೌಲರ್‌ಗಳು ಮಾತ್ರ ತವರಿನ ಟಿ20 ಪಂದ್ಯಗಳಲ್ಲಿ 50 ಅಥವಾ ಹೆಚ್ಚಿನ ವಿಕೆಟ್‌ಗಳನ್ನು ಪಡೆದುಕೊಂಡಿದ್ದಾರೆ.

ಟಿ20 ಕ್ರಿಕೆಟ್‌ನಲ್ಲಿ ಸ್ವದೇಶದಲ್ಲಿ ಅತಿ ಹೆಚ್ಚು ವಿಕೆಟ್‌ ಪಡೆದ ಬೌಲರ್‌ಗಳು

ಟಿಮ್ ಸೌಥಿ (ನ್ಯೂಜಿಲೆಂಡ್) - 59 ಪಂದ್ಯಗಳಲ್ಲಿ 78 ವಿಕೆಟ್

ಇಶ್ ಸೋಧಿ (ನ್ಯೂಜಿಲೆಂಡ್) - 46 ಪಂದ್ಯಗಳಲ್ಲಿ 57 ವಿಕೆಟ್

ಶಕೀಬ್ ಅಲ್ ಹಸನ್ (ಬಾಂಗ್ಲಾದೇಶ) - 42 ಪಂದ್ಯಗಳಲ್ಲಿ 52 ವಿಕೆಟ್

ಮುಸ್ತಾಫಿಜುರ್ ರೆಹಮಾನ್ (ಬಾಂಗ್ಲಾದೇಶ) - 34 ಪಂದ್ಯಗಳಲ್ಲಿ 46 ವಿಕೆಟ್

ಯುಜ್ವೇಂದ್ರ ಚಹಾಲ್ (ಭಾರತ) - 45 ಪಂದ್ಯಗಳಲ್ಲಿ 45 ವಿಕೆಟ್

10 ಪಂದ್ಯಗಳಲ್ಲಿ 17 ಸರಾಸರಿಯಲ್ಲಿ 20 ವಿಕೆಟ್‌

ಯುಜ್ವೇಂದ್ರ ಚಾಹಲ್ ಈಗಾಗಲೇ ಭಾರತ ವಿರುದ್ಧ ಶ್ರೀಲಂಕಾ ಟಿ20 ಪಂದ್ಯಗಳಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿದ್ದಾರೆ. ಕೇವಲ 10 ಪಂದ್ಯಗಳಲ್ಲಿ 17ಕ್ಕಿಂತ ಕಡಿಮೆ ಸರಾಸರಿಯಲ್ಲಿ 20 ವಿಕೆಟ್‌ಗಳನ್ನು ಪಡೆದಿದ್ದಾರೆ.

ದುಷ್ಮಂತ ಚಮೀರ 16 ವಿಕೆಟ್‌ಗಳೊಂದಿಗೆ 2ನೇ ಸ್ಥಾನದಲ್ಲಿದ್ದಾರೆ. ಆದರೆ ಈ ವೇಗಿ ಟಿ20 ಮತ್ತು ಏಕದಿನ ಸರಣಿಯ ಪ್ರವಾಸಿ ತಂಡದ ಭಾಗವಾಗಿಲ್ಲ.

ಭಾರತ vs ಶ್ರೀಲಂಕಾ ನಡುವಿನ ತಂಡಗಳಲ್ಲಿ ಹೆಚ್ಚಿನ ವಿಕೆಟ್‌ ಟೇಕರ್‌ಗಳು

ಯುಜ್ವೇಂದ್ರ ಚಹಾಲ್ - 10 ಪಂದ್ಯಗಳಲ್ಲಿ 20 ವಿಕೆಟ್

ದುಷ್ಮಂತ ಚಮೀರಾ - 15 ಪಂದ್ಯಗಳಲ್ಲಿ 16 ವಿಕೆಟ್

ರವಿಚಂದ್ರನ್ ಅಶ್ವಿನ್ - 7 ಪಂದ್ಯಗಳಲ್ಲಿ 14 ವಿಕೆಟ್

ದಸುನ್ ಶನಕ - 19 ಪಂದ್ಯಗಳಲ್ಲಿ 12 ವಿಕೆಟ್

ಕುಲದೀಪ್ ಯಾದವ್ - 9 ಪಂದ್ಯಗಳಲ್ಲಿ 12 ವಿಕೆಟ್

ಯುಜ್ವೇಂದ್ರ ಚಾಹಲ್ 3 ಪಂದ್ಯಗಳ ಟಿ20 ಸರಣಿಗೆ ಭಾರತದ ಮೊದಲ ಆಯ್ಕೆಯ ಸ್ಪಿನ್ನರ್ ಆಗುವ ನಿರೀಕ್ಷೆಯಿದೆ. ಅವರ ಜೊತೆಗೆ ಅಕ್ಷರ್ ಪಟೇಲ್ ಮತ್ತು ವಾಷಿಂಗ್ಟನ್ ಸುಂದರ್ ಭಾರತಕ್ಕಿರುವ ಇನ್ನೆರಡು ಆಯ್ಕೆಗಳಾಗಿವೆ. ಈ ಬೌಲರ್‌ಗಳು ಕ್ರಮವಾಗಿ ಬಾಂಗ್ಲಾದೇಶ ಮತ್ತು ನ್ಯೂಜಿಲೆಂಡ್‌ನಲ್ಲಿ ಉತ್ತಮ ಫಾರ್ಮ್‌ನಲ್ಲಿರುವ ಕಾರಣ ಶ್ರೀಲಂಕಾ ವಿರುದ್ಧವೂ ಆಯ್ಕೆಯಾಗಲಿದ್ದಾರೆ.