ಕೊಹ್ಲಿ ಅನುಸರಿಸಿದ ಪಾಂಡೆ
2017ರಲ್ಲಿ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ವರಿಸಿದ ವಿರಾಟ್ ಕೊಹ್ಲಿಯನ್ನು ಅನುಸರಿಸಿರುವ ಪಾಂಡೆ, ಚಿತ್ರನಟಿಯೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದಾರೆ.
ಶುಭಕೋರಿದ ಎಸ್ಆರ್ಎಚ್
ಇಂಡಿಯನ್ ಪ್ರೀಮಿಯರ್ ಲೀಗ್(ಐಪಿಎಲ್)ನಲ್ಲಿ ಪಾಂಡೆ ಆಡುವ ಸನ್ ರೈಸರ್ಸ್ ಹೈದರಾಬಾದ್ (ಎಸ್ಆರ್ಎಚ್) ಫ್ರಾಂಚೈಸಿ, ಮನೀಶ್-ಆಶ್ರಿತಾ ದಂಪತಿಗೆ ಟ್ವೀಟ್ ಮೂಲಕ ಶುಭ ಕೋರಿದೆ.
ಮದುವೆಗೆ ಟ್ರೋಫಿ ಉಡುಗೊರೆ
ಮನೀಶ್ ಹಸೆಮಣೆಗೇರುವ ಮುನ್ನಾದಿನ, ಡಿಸೆಂಬರ್ 1ರಂದು ಪಾಂಡೆ ನಾಯಕತ್ವದ ಕರ್ನಾಟಕ ತಂಡ, ಸೈಯ್ಯದ್ ಮುಷ್ತಾಕ್ ಅಲಿ ಟ್ರೋಫಿಯಲ್ಲಿ ಚಾಂಪಿಯನ್ ಪಟ್ಟ ಜಯಿಸಿತ್ತು. ಫೈನಲ್ನಲ್ಲಿ ತಮಿಳುನಾಡು ತಂಡವನ್ನು ಕರ್ನಾಟಕ 1 ರನ್ನಿಂದ ಸೋಲಿಸಿತ್ತು.
ಭಾರತ ಪರ ಬ್ಯಾಟಿಂಗ್
ಟೀಮ್ ಇಂಡಿಯಾ ಪರ ಪಾಂಡೆ 23 ಏಕದಿನ, 32 ಟಿ20ಐ ಪಂದ್ಯಗಳನ್ನಾಡಿದ್ದಾರೆ. ಕ್ರಮವಾಗಿ 440, 587 ರನ್ ಗಳಿಸಿದ್ದಾರೆ. 120 ಐಪಿಎಲ್ ಇನ್ನಿಂಗ್ಸ್ಗಳಲ್ಲಿ ಮನೀಶ್ 2,843 ರನ್ ಕಲೆ ಹಾಕಿದ್ದಾರೆ.
ಸರಣಿಗೆ ಮುಂದಾಗುತ್ತಿದ್ದೇನೆ
'ಭಾರತ ಪರ ಸರಣಿ ಆಡಲು ಎದುರು ನೋಡುತ್ತಿದ್ದೇನೆ. ಅದಕ್ಕೂ ಮುನ್ನ, ಪ್ರಮುಖ ಸರಣಿಗೆ ಮುಂದಾಗುತ್ತಿದ್ದೇನೆ; ನಾನು ನಾಳೆ ಮದುವೆಯಾಗುತ್ತಿದ್ದೇನೆ,' ಎಂದು ಡಿಸೆಂಬರ್ 1ರಂದು ಸೈಯ್ಯದ್ ಮುಷ್ತಾಕ್ ಅಲಿ ಟ್ರೋಫಿ ಗೆದ್ದ ಬಳಿಕ ಪಾಂಡೆ ಹೇಳಿಕೊಂಡಿದ್ದರು.