ಭಾರತ vs ಇಂಗ್ಲೆಂಡ್: ಜೇಮ್ಸ್ ಆ್ಯಂಡರ್ಸನ್ ಹೊಸ ಮೈಲಿಗಲ್ಲು

ಚೆನ್ನೈ: ಭಾರತ ವಿರುದ್ಧದ ಮೊದಲನೇ ಟೆಸ್ಟ್‌ ಪಂದ್ಯದಲ್ಲಿ ಇಂಗ್ಲೆಂಡ್‌ನ ಅನುಭವಿ ವೇಗಿ ಜೇಮ್ಸ್ ಆ್ಯಂಡರ್ಸನ್ ವಿಶೇಷ ಸಾಧನೆ ತೋರಿದ್ದಾರೆ. ಟೆಸ್ಟ್‌ ಕ್ರಿಕೆಟ್‌ನಲ್ಲಿ ನಾಲ್ಕನೇ ಇನ್ನಿಂಗ್ಸ್‌ನಲ್ಲಿ ಅತೀ ಹೆಚ್ಚು ವಿಕೆಟ್ ಪಡೆದ ಇಂಗ್ಲೆಂಡ್ ಬೌಲರ್‌ಗಳಲ್ಲಿ ಆ್ಯಂಡರ್ಸನ್ ಮೊದಲ ಸ್ಥಾನಕ್ಕೇರಿದ್ದಾರೆ.

ಚೆನ್ನೈಯ ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ನಡೆದ ಮೊದಲನೇ ಟೆಸ್ಟ್‌ನಲ್ಲಿ ಭಾರತದ ದ್ವಿತೀಯ ಇನ್ನಿಂಗ್ಸ್‌ನಲ್ಲಿ 49ನೇ ಓವರ್‌ ಮುಕ್ತಾಯದ ವೇಳೆ ಆ್ಯಂಡರ್ಸನ್ ಆ್ಯಂಡರ್ಸನ್ 3 ವಿಕೆಟ್ ಪಡೆದಿದ್ದರು. ಭಾರತದ ಶುಬ್ಮನ್ ಗಿಲ್ (50 ರನ್), ಅಜಿಂಕ್ಯ ರಹಾನೆ (0) ಮತ್ತು ರಿಷಭ್ ಪಂತ್ ವಿಕೆಟ್‌ಗಳು ಆ್ಯಂಡರ್ಸನ್‌ಗೆ ಲಭಿಸಿತ್ತು.

ಭಾರತ vs ಇಂಗ್ಲೆಂಡ್, 1ನೇ ಟೆಸ್ಟ್‌ ಪಂದ್ಯ, Live ಸ್ಕೋರ್‌ಕಾರ್ಡ್

4ನೇ ಇನ್ನಿಂಗ್ಸ್‌ನಲ್ಲಿ 3 ವಿಕೆಟ್‌ಗಳೊಂದಿಗೆ ಒಟ್ಟಾರೆ ಆ್ಯಂಡರ್ಸನ್ ಟೆಸ್ಟ್‌ನ ಕೊನೇ ಇನ್ನಿಂಗ್ಸ್‌ನಲ್ಲಿ 81* ವಿಕೆಟ್‌ಗಳನ್ನು ಪಡೆದಿದ್ದಾರೆ. ದ್ವಿತೀಯ ಸ್ಥಾನದಲ್ಲಿರುವ ಸ್ಟುವರ್ಟ್ ಬ್ರಾಡ್ 79 ವಿಕೆಟ್‌ ದಾಖಲೆ ಹೊಂದಿದ್ದಾರೆ. 159ನೇ ಟೆಸ್ಟ್ ಪಂದ್ಯ ಆಡುತ್ತಿರುವ ಆ್ಯಂಡರ್ಸನ್ ಇಲ್ಲೀವರೆಗೆ 616 ರನ್ ಪಡೆದಿದ್ದಾರೆ.

ಟಾಸ್ ಗೆದ್ದು ಬ್ಯಾಟಿಂಗ್‌ ಆಯ್ದುಕೊಂಡಿದ್ದ ಇಂಗ್ಲೆಂಡ್ ಆರಂಭಿಕ ಇನ್ನಿಂಗ್ಸ್‌ನಲ್ಲಿ 578, ದ್ವಿತೀಯ ಇನ್ನಿಂಗ್ಸ್‌ನಲ್ಲಿ 178 ರನ್ ಗಳಿಸಿದ್ದರೆ, ಭಾರತ ಆರಂಭಿಕ ಇನ್ನಿಂಗ್ಸ್‌ನಲ್ಲಿ 337 ರನ್ ಗಳಿಸಿ ಹಿನ್ನಡೆ ಅನುಭವಿಸಿತ್ತು. ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ಭಾರತ ಗೆಲ್ಲಲು 420 ರನ್ ಗಳಿಸಬೇಕಿತ್ತು.

4ನೇ ಇನ್ನಿಂಗ್ಸ್‌ನಲ್ಲಿ ಅತೀ ಹೆಚ್ಚು ವಿಕೆಟ್ ಪಡೆದ ಇಂಗ್ಲೆಂಡ್ ಬೌಲರ್‌ಗಳು
* ಜೇಮ್ಸ್ ಆ್ಯಂಡರ್ಸನ್, 81* ವಿಕೆಟ್‌ಗಳು
* ಸ್ಟುವರ್ಟ್ ಬ್ರಾಡ್ 79 ವಿಕೆಟ್‌ಗಳು
* ಮೊಯೀನ್ ಅಲಿ 59 ವಿಕೆಟ್‌ಗಳು
* ಬಾಬ್ ವಿಲ್ಸ್ 57 ವಿಕೆಟ್‌ಗಳು
* ಡೆರೆಕ್ ಅಂಡರ್‌ವುಡ್ 45 ವಿಕೆಟ್‌ಗಳು