ವಿಶೇಷ ದಾಖಲೆ ನಿರ್ಮಿಸಲು ಯುಜುವೇಂದ್ರ ಚಾಹಲ್‌ಗೆ 1 ವಿಕೆಟ್ ಬೇಕು!

ಶ್ರೀಲಂಕ ವಿರುದ್ಧ ಅತ್ಯಧಿಕ ವಿಕೆಟ್

ಮಂಗಳವಾರದ ಪಂದ್ಯದಲ್ಲಿ ಯುಜುವೇಂದ್ರ ಚಾಹಲ್‌ಗೆ ಒಂದು ವಿಕೆಟ್ ಲಭಿಸಿದರೆ ಅಂತಾರಾಷ್ಟ್ರೀಯ ಟಿ20ಯಲ್ಲಿ ಶ್ರೀಲಂಕಾ ವಿರುದ್ಧ ಅತೀ ಹೆಚ್ಚು ವಿಕೆಟ್‌ ಪಡೆದವರಲ್ಲಿ ಚಾಹಲ್ ಮೊದಲ ಸ್ಥಾನಕ್ಕೇರಲಿದ್ದಾರೆ. ಈಗ ಲಂಕಾ ವಿರುದ್ಧ ಟಿ20ಐನಲ್ಲಿ 15 ವಿಕೆಟ್ ಪಡೆದಿರುವ ಚಾಹಲ್ ಇಂಗ್ಲೆಂಡ್‌ನ ಕ್ರಿಸ್ ಜೋರ್ಡನ್ ಜೊತೆ ಮೊದಲ ಸ್ಥಾನ ಹಂಚಿಕೊಂಡಿದ್ದಾರೆ.

ಟಿ20ಐನಲ್ಲಿ ಲಂಕಾ ವಿರುದ್ಧ ಹೆಚ್ಚು ವಿಕೆಟ್ ಪಟ್ಟಿ

* ಯುಜುವೇಂದ್ರ ಚಾಹಲ್, ಭಾರತ, 7 ಇನ್ನಿಂಗ್ಸ್‌, 15 ವಿಕೆಟ್‌ಗಳು
* ಕ್ರಿಸ್ ಜೋರ್ಡನ್, ಇಂಗ್ಲೆಂಡ್, 8 ಇನ್ನಿಂಗ್ಸ್‌, 15 ವಿಕೆಟ್‌ಗಳು
* ಡ್ವೇನ್ ಬ್ರಾವೋ, ವೆಸ್ಟ್‌ ಇಂಡೀಸ್, 11 ಇನ್ನಿಂಗ್ಸ್‌, 14 ವಿಕೆಟ್‌ಗಳು
* ಇಮ್ರಾನ್ ತಾಹಿರ್, ದಕ್ಷಿಣ ಆಫ್ರಿಕಾ, 9 ಇನ್ನಿಂಗ್ಸ್‌, 14 ವಿಕೆಟ್‌ಗಳು
* ಸಾಯೀದ್ ಅಜ್ಮಲ್, ಪಾಕಿಸ್ತಾನ, 9 ಇನ್ನಿಂಗ್ಸ್‌, 14 ವಿಕೆಟ್‌ಗಳು

ಚಾಹಲ್ ಬೌಲಿಂಗ್ ಸಾಧನೆ

31ರ ಹರೆಯದ ಲೆಗ್ ಸ್ಪಿನ್ನರ್ ಯುಜುವೇಂದ್ರ ಚಾಹಲ್ ಇನ್ನೂ ಟೆಸ್ಟ್‌ ಕ್ರಿಕೆಟ್‌ಗೆ ಪಾದಾರ್ಪಣೆ ಮಾಡಿಲ್ಲ. ಆದರೆ 56 ಏಕದಿನ ಪಂದ್ಯಗಳಲ್ಲಿ 97 ವಿಕೆಟ್‌, 49 ಟಿ20ಐ ಪಂದ್ಯಗಳಲ್ಲಿ 63 ವಿಕೆಟ್‌ಗಳು ಮತ್ತು 106 ಐಪಿಎಲ್ ಪಂದ್ಯಗಳಲ್ಲಿ 125 ವಿಕೆಟ್ ದಾಖಲೆ ಚಾಹಲ್ ಹೆಸರಿನಲ್ಲಿದೆ.