ಟೇಬಲ್ ಟೆನಿಸ್ ಬ್ಯಾಟ್‌ ಕೈಗೆತ್ತಿಕೊಂಡ ದೂಬೆ, ಹೋಲ್ಡರ್: ವೀಡಿಯೋ

ಕಟಕ್, ಡಿಸೆಂಬರ್ 21: ಮೆನ್ ಇನ್ ಬ್ಲೂ ತಂಡದ ಶಿವಂ ದೂಬೆ ಮತ್ತು ಮೆನ್ ಇನ್ ಮೆರೂನ್‌ನ ಜೇಸನ್ ಹೋಲ್ಡರ್ ಟೇಬಲ್ ಟೆನಿಸ್ ಆಡಿ ಗಮನ ಸೆಳೆದಿದ್ದಾರೆ. ಕಟಕ್‌ನಲ್ಲಿ ನಡೆಯಲಿರುವ ಭಾರತ-ವೆಸ್ಟ್ ಇಂಡೀಸ್ 3ನೇ ಮತ್ತು ಕೊನೆಯ ಏಕದಿನ ಪಂದ್ಯಕ್ಕೂ ಮುನ್ನಾದಿನ ಅಂದರೆ ಶನಿವಾರ (ಡಿಸೆಂಬರ್ 21) ಇಬ್ಬರೂ ಟೇಬಲ್ ಟೆನಿಸ್ ಬ್ಯಾಟ್‌ನೊಂದಿಗೆ ಕಾಣಿಸಿಕೊಂಡರು.

ಭಾರತ vs ವೆಸ್ಟ್ ಇಂಡೀಸ್: ನಾನಾ-ನೀನಾ ಪಂದ್ಯಕ್ಕೆ ಭಾರತ ಪ್ಲೇಯಿಂಗ್ XI

ಕಟಕ್‌ನ ಬಾರಬತಿ ಸ್ಟೇಡಿಯಂನಲ್ಲಿ ಪ್ರವಾಸಿ ವೆಸ್ಟ್ ಇಂಡೀಸ್ ಮತ್ತು ಆತಿಥೇಯ ಭಾರತ ತಂಡಗಳು ಭಾನುವಾರದಂದು ಅಂತಿಮ ಏಕದಿನ ಪಂದ್ಯಕ್ಕಾಗಿ ಮುಖಾಮುಖಿಯಾಗಲಿವೆ. ಮೂರು ಪಂದ್ಯಗಳ ಏಕದಿನ ಸರಣಿ 1-1ರಿಂದ ಸಮಬಲಗೊಂಡಿರುವುದರಿಂದ ಎರಡೂ ತಂಡಗಳಿಗೂ ಕಟಕ್ ಗೆಲುವು ಪ್ರಮುಖವಾಗಿದೆ.

ಪಾನೀಪೂರಿ ಮಾರಿ ಮಿಲಿಯನೇರ್ ಸಾಲಿಗೆ ಬಂದ ಕ್ರಿಕೆಟಿಗನ ಹಿಸ್ಟರಿ-ಮಿಸ್ಟರಿ!

ವಿಂಡೀಸ್ ಆಲ್ ರೌಂಡರ್ ಜೇಸನ್ ಹೋಲ್ಡರ್ ಮತ್ತು ಭಾರತದ ಆಲ್ ರೌಂಡರ್ ಶಿವಂ ದೂಬೆ ಟೇಬಲ್ ಟೆನಿಸ್ ಆಡುತ್ತಿರುವ ವೀಡಿಯೋವನ್ನು ವೆಸ್ಟ್ ಇಂಡೀಸ್ ಕ್ರಿಕೆಟ್, ತನ್ನ ಟ್ವಿಟರ್ ಮತ್ತು ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದೆ. ಆ ಟ್ವೀಟ್‌ನಲ್ಲಿ 'ಸೌಹಾರ್ದ ಟೇಬಲ್ ಟೆನಿಸ್ ಪಂದ್ಯವಾಡುತ್ತಿರುವ ದೂಬೆ, ಹೋಲ್ಡರ್. ಇಬ್ಬರೂ ಟಿಟಿ ಚೆನ್ನಾಗಿ ಆಟಬಲ್ಲರು,' ಎಂದು ಸಾಲೊಂದನ್ನೂ ಬರೆಯಲಾಗಿದೆ.

#INDvWI Jason Holder and Shivam Dube 🏓 in a friendly game at team hotel. These guys can play!!!#Weekend #MenInMaroon #ItsOurGame #SpiritOfCricket pic.twitter.com/Ti5cVA3xkw

— Windies Cricket (@windiescricket) December 21, 2019

ವೆಸ್ಟ್ ಇಂಡೀಸ್ ವಿರುದ್ಧ ಟಿ20 ಸರಣಿಯಲ್ಲಿ ಭಾರತ 2-1ರ ಗೆಲುವನ್ನಾಚರಿಸಿತ್ತು. ಆದರೆ ಏಕದಿನ ಸರಣಿಯ ಆರಂಭಿಕ ಪಂದ್ಯದಲ್ಲೇ ಜಯ ಸಾಧಿಸಿದ್ದ ಕೆರಿಬಿಯನ್ನರು ಕೊಹ್ಲಿ ಪಡೆಗೆ ಒತ್ತಡ ಹೇರಿದ್ದರು. ದ್ವಿತೀಯ ಏಕದಿನದಲ್ಲಿ ಭಾರತ ಗೆದ್ದಿದ್ದರಿಂದ ಸರಣಿ ಈಗ ಜೀವಂತವಾಗಿದೆ. 3ನೇ ಪಂದ್ಯದಲ್ಲೂ ಭಾರತ ಗೆದ್ದರೆ 2019ರ ವರ್ಷಾಂತ್ಯವನ್ನು ಟೀಮ್ ಇಂಡಿಯಾ ಗೆಲುವಿನೊಂದಿಗೆ ಮುಗಿಸಿದಂತಾಗುತ್ತದೆ.