ಲಗಾನ್ ಚಿತ್ರದ ಕ್ಲೈಮಾಕ್ಸ್ ಮತ್ತೆ ನೋಡಿದ ಹಾಗೇ ಆಯ್ತು!

ಕ್ರಿಸ್ ಗೇಲ್ ಆರ್ಭಟ

ಬ್ಯಾಟಿಂಗ್ ಗೆ ಇಳಿದ ಕ್ರಿಸ್‌ ಗೇಲ್‌ ಕೇವಲ 10 ಎಸೆತದಲ್ಲಿ 35ರನ್‌ ಸ್ಫೋಟಿಸಿದರು(4 ಬೌಂಡರಿ,3 ಸಿಕ್ಸರ್‌) ಬೆಂಗಳೂರು ಎರಡನೇ ಓವರ್ ಮುಕ್ತಯದ ವೇಳೆಗೆ 40 ರನ್ ಗಡಿ ದಾಟಿತ್ತು. ಬ್ಯಾಟಿಂಗ್ ನಲ್ಲೂ ಅಬ್ಬರಿಸಿದ್ದ ಹೈದ್ರಾಬಾದ್ ನ ಹೆನ್ರಿಕ್ಸ್‌ ಗೇಲ್‌ ವಿಕೆಟ್ ಪಡೆದು ಸಂಭ್ರಮಿಸಿದರು.. ಜತೆಗೆ ಮರು ಎಸೆತದಲ್ಲೇ ಎಬಿಡಿ ವಿಕೆಟ್ ಕಿತ್ತು ಪಂದ್ಯದ ಗತಿ ಬದಲಾಯಿಸಿದರು.

ಪಟ ಪಟನೇ ಉದುರಿದ ವಿಕೆಟ್ ಗಳು

ಎಬಿಡಿ ಔಟ್ ಆದ ನಂತರ ಬಂದ ಮನ್‌ದೀಪ್‌ ಸಿಂಗ್‌1 ರನ್‌, ದಿನೇಶ್‌ ಕಾರ್ತಿಕ್‌ 2 ರನ್‌ಗೆ ವಿಕೆಟ್‌ ಕಳೆದುಕೊಂಡರು. ಹೀಗಾಗಿ ಆರ್‌ಸಿಬಿ ಗೆ ಗೆಲುವಿನ ದಾರಿಯಲ್ಲಿ ಆತಂಕ ಎದುರಾಗಿತ್ತು. ಆದರೆ ಒಂದೆಡೆ ಕ್ರೀಸ್ ಗೆ ಅಂಟಿಕೊಂಡಿದ್ದ ಕೊಹ್ಲಿ ಗೆಲುವನ್ನು ಸುಲಭವಾಗಿಸಿದರು.

ಕೊನೆ ಓವರ್ ವಿಶೇಷ

ಭುವನೇಶ್ವರ್ ಕುಮಾರ್ ಎಸೆಯಲು ಬಂದ ಕೊನೆ ಓವರ್ ನಲ್ಲಿ ಬೆಂಗಳೂರಿಗೆ ಬೇಕಿದ್ದದ್ದು 13 ರನ್. ಕ್ರೀಸ್ ನಲ್ಲಿದ್ದ ದಿನೇಶ್ ಕಾರ್ತಿಕ್ ಒಂದು ರನ್ ಗಳಿಸಿದರು. ಆದರೆ ಮರು ಎಸೆತದಲ್ಲಿ ದಿನೇಶ್ ಪ್ಯಾಡಿಗೆ ಬಡಿದ ಚೆಂಡನ್ನು ಭುವನೇಶ್ವರ್ ವಿಕೆಟ್ ಗೆ ತಾಗಿಸಿದರು. ಆದರೆ ಅತ್ತ ಕ್ರೀಸ್ ನಲ್ಲಿದ್ದ ಕೊಹ್ಲಿ 3 ಮತ್ತು 4 ನೇ ಎಸೆತಗಳನ್ನು ಆಕರ್ಷಕವಾಗಿ ಬೌಂಡರಿಗೆ ಅಟ್ಟಿದರು. ಕೊನೆಯ ಎರಡು ಚೆಂಡಿಗೆ ನಾಲ್ಕು ರನ್ ಬೇಕಿದ್ದ ವೇಳೆ ಕೊಹ್ಲಿ ನೇರವಾಗಿ ಹೊಡೆದ ಚೆಂಡು ವಾರ್ನರ್ ಕೈ ಸೇರಿದ್ದರೂ ಅವರು ಬೌಂಡರಿ ಗೆರೆಯನ್ನು ಸ್ಪರ್ಶಿಸಿದ್ದರು.

ಹೈದ್ರಾಬಾದ್‌ ಗೆ ಮಾಡಿ ಇಲ್ಲವೇ ಹೊರನಡಿ

ಆರ್‌ಸಿಬಿ ವಿರುದ್ಧ ಸೋಲು ಕಂಡ ಹೈದ್ರಾಬಾದ್ ಪಟ್ಟಿಯಲ್ಲಿ ಹಿಂದಕ್ಕೆ ಬಿದ್ದಿದೆ. ಒಟ್ಟು 13 ಪಂದ್ಯ ಆಡಿರುವ ಹೈದ್ರಾಬಾದ್‌ 14 ಅಂಕ ಗಳಿಸಿದೆ. ಮುಂಬೈ ವಿರುದ್ಧ ಕೊನೆಯ ಪಂದ್ಯ ಆಡಲಿದ್ದು ಗೆಲ್ಲಲೇಬೇಕಾದ ಅನಿವಾರ್ಯಕ್ಕೆ ಸಿಲುಕಿದೆ.

ಆರ್‌ಸಿಬಿಯೂ ಜಯ ಬೇಕು

ಹೈದ್ರಾಬಾದ್‌ ವಿರುದ್ಧ ಗೆದ್ದಿರುವ ಆರ್‌ಸಿಬಿ ಒಟ್ಟು 13 ಪಂದ್ಯಗಳಿಂದ 15 ಅಂಕಗಳಿಸಿ ಅಂಕಪಟ್ಟಿಯಲ್ಲಿ 2ನೇ ಸ್ಥಾನಕ್ಕೇರಿದೆ. ಡೆಲ್ಲಿ ವಿರುದ್ಧ ಬೆಂಗಳೂರಿನಲ್ಲಿ ನಡೆಯಲಿರುವ ಕೊನೆ ಪಂದ್ಯ ಜಯಗಳಿಸಿದರೆ ಮಾತ್ರ ಪ್ಲೇ ಅಪ್ ಸ್ಥಾನ ಖಚಿತ. ಆದರೆ ಬೆಂಗಳೂರಿನ ರನ್ ರೇಟ್ ಇತರ ಎಲ್ಲರಿಗಿಂತ ಉತ್ತಮವಾಗಿದೆ.