ಐಪಿಎಲ್ : ಪ್ರೇಕ್ಷಕರೇ ಥರ್ಡ್ ಅಂಪೈರ್ ಆಗುವ ಚಾನ್ಸ್

ಮುಂಬೈ, ಏಪ್ರಿಲ್ 06: ಈ ಬಾರಿಯ 9ನೇ ಐಪಿಎಲ್ ಕ್ರಿಕೆಟ್ ಟೂರ್ನಿಯಲ್ಲಿ ಆಟಗಾರನ ಔಟ್ ನಾಟೌಟ್ ತೀರ್ಮಾನವನ್ನು ಮೂರನೇ ಅಂಪೈರ್ ಪ್ರಕಟಿಸುವ ವೇಳೆ ಮೈದಾನದಲ್ಲಿರುವ ಪ್ರೇಕ್ಷಕರು ಸಹ ತಮ್ಮ ತೀರ್ಮಾನವನ್ನು ನೀಡಬಹುದು ಎಂದು ಇಂಡಿಯನ್ ಪ್ರಿಮಿಯರ್ ಲೀಗ್ (ಐಪಿಎಲ್) ಅಧ್ಯಕ್ಷ ರಾಜೀವ್ ಶುಕ್ಲಾ ತಿಳಿಸಿದ್ದಾರೆ.

ಐಪಿಎಲ್ 2016: ವೇಳಾಪಟ್ಟಿ | ಯಾವ ತಂಡದಲ್ಲಿ ಯಾವ ಆಟಗಾರರು | ಗ್ಯಾಲರಿ

ಏನಪ್ಪಾ ಇದು ಅಂಪೈರ್ ಗಳು ನೀಡುವ ನಿರ್ಣಾಯವನ್ನು ಪ್ರೇಕ್ಷಕರು ನಿರ್ಣಯ ನೀಡಬಹುದು ಎಂದು ಕೊಳ್ಳುತ್ತೀರಾ. ಹೌದು ಅಂಥ ವಿನೂತನ ವಿಶೇಷತೆಯೊಂದನ್ನು ಈ ಬಾರಿಯ ಐಪಿಎಲ್ ನಲ್ಲಿ ಜಾರಿಗೆ ತಂದಿದೆ. [ಬಿಸಿಸಿಐಗೆ ಸುಪ್ರೀಂನಿಂದ ತಪರಾಕಿ!]

ಐಪಿಎಲ್ ಪಂದ್ಯಗಳನ್ನು ವೀಕ್ಷಿಸಲು ಬರುವ ಪ್ರೇಕ್ಷಕರಿಗೆ ಪ್ಲೇ ಕಾರ್ಡ್ ನ್ನು ವಿತರಿಸಲಾಗುವುದು. ಆಟಗಾರನ ಔಟೋ ಅಥವಾ ನಾಟೌಟೋ ಎಂದು ಪ್ರೇಕ್ಷಕರು ಪ್ರಕಟಿಸುವ ತೀರ್ಪನ್ನು ಸ್ಕ್ರೀನ್ ನಲ್ಲಿ ತೋರಿಸಲಾಗುತ್ತದೆ. [ವಿರಾಟ್ ಕೊಹ್ಲಿ ಹಾಗೂ ಜಾನ್ಸನ್ ವೈರತ್ವದ ರಹಸ್ಯ ಲೀಕ್!]

ಅಂತಿಮವಾಗಿ ಪ್ರೇಕ್ಷಕರ ತೀರ್ಪನ್ನೇ ಫೈನಲ್ ಮಾಡಲಾಗದು, ಮೂರನೇ ಅಂಪೈರ್ ನೀಡುವ ತೀರ್ಮಾನವೇ ಅಂತಿಮವಾಗಿರುತ್ತದೆ ಎಂದು ಶುಕ್ಲಾ ತಿಳಿಸಿದ್ದಾರೆ. ಪ್ರೇಕ್ಷಕರು ನೀಡುವ ತೀರ್ಪನ್ನು ಅಂಪೈರ್ ಪರಿಗಣಿಸಬೇಕೆನ್ನುವ ನಿಯಮವಿಲ್ಲ. ಟಿ.ವಿ ಸ್ಕ್ರೀನ್ ನೋಡಿಯೇ ಮೂರನೇ ಅಂಪೈರ್ ತೀರ್ಮನ್ನು ಪ್ರಕಟಿಸುತ್ತಾರೆ.[ಕ್ರಿಕೆಟ್‌ಗಿಂತ ಜನರೇ ಮುಖ್ಯ ಎಂದ ಮುಂಬೈ ಹೈ ಕೋರ್ಟ್]

ಸ್ಟೇಡಿಯಂಗೆ ಹೆಚ್ಚಿನ ಸಂಖ್ಯೆಯಲ್ಲಿ ಕರೆತರುವ ಉದ್ದೇಶದಿಂದ ಈ ಕ್ರಮಕೈಗೊಳ್ಳಲಾಗಿದೆ ಎಂದು ಶುಕ್ಲಾ ಹೇಳಿದ್ದಾರೆ. ಬಾಲಿವುಡ್ ತಾರೆಗಳಾದ ರಣವೀರ್ ಸಿಂಗ್, ಕತ್ರೀನಾ ಕೈಫ್, ಖ್ಯಾತ ಹಾಡುಗಾರ ಹನಿ ಸಿಂಗ್ 9ನೇ ಐಪಿಲ್ ಆವೃತ್ತಿಗೆ ಗ್ರಾಂಡ್ ಸ್ಟಾರ್ಟ್ ನೀಡಲಿದ್ದಾರೆ ಎಂದು ಅಧ್ಯಕ್ಷ ರಾಜೀವ್ ತಿಳಿಸಿದ್ದಾರೆ.