ಹೈಲೈಟ್ಸ್ : ಯುವಿ ಕ್ವಿಕ್ 50, ನೆಹ್ರಾ ಏಕೈಕ 100 ವಿಕೆಟ್ ಟೇಕರ್!

ಯುವರಾಜ್ ಸಿಂಗ್ ಅಬ್ಬರದ ಬ್ಯಾಟಿಂಗ್

* ಯುವರಾಜ್ ಸಿಂಗ್ ಅವರು ಭರ್ಜರಿ ಆಟವಾಡಿ 23 ಎಸೆತಗಳಲ್ಲಿ 51ರನ್ ಚೆಚ್ಚಿ, ವೈಯಕ್ತಿಕವಾಗಿ ಐಪಿಎಲ್ ನ ತ್ವರಿತ ಅರ್ಧಶತಕ ಬಾರಿಸಿದರು.
* ಅಂತಿಮವಾಗಿ ಯುವರಾಜ್ 27 ಎಸೆತಗಳಲ್ಲಿ 62 ರನ್(7x4, 3x6) ಚೆಚ್ಚಿದರು. ಸಿಕ್ಸ್ ಬಾರಿಸಿದ ನಂತರದ ಎಸೆತದಲ್ಲೆ ತೈಮುಲ್ ಮಿಲ್ಸ್ ಗೆ ಬೋಲ್ಡ್ ಔಟ್ ಆದರು.

* ಯುವರಾಜ್ ಸಿಂಗ್ ಅವರು ಅನಿಕೇತ್ ಚೌಧರಿ ಎಸೆತದಲ್ಲಿ ನೀಡಿದ್ದ ಕ್ಯಾಚನ್ನು ಎಸ್ ಅರವಿಂದ್ ಕೈ ಚೆಲ್ಲಿದ್ದು ದುಬಾರಿಯಾಯಿತು.

ಆರ್ ಸಿಬಿ ಸೋಲಿಗೆ ಕಾರಣ?

* ಸನ ರೈಸರ್ಸ್ ಹೈದರಾಬಾದ್ 20 ಓವರ್ ಗಳಲ್ಲಿ 207/4 ಸ್ಕೋರ್ ಮಾಡಿದು, ಅದರಲ್ಲಿ 17 ಬೌಂಡರಿ, 9 ಸಿಕ್ಸ್ ಗಳಿತ್ತು.
* ಆರ್ ಸಿಬಿ 19.4 ಓವರ್ ಗಳಲ್ಲಿ 172 ಸ್ಕೋರಿಗೆ ಆಲೌಟ್ ಆಗಿ 35 ರನ್ ಗಳ ಸೋಲು ಕಂಡಿದೆ.
* ಆರ್ ಸಿಬಿಯಲ್ಲಿ ಕೆಎಲ್ ರಾಹುಲ್, ವಿರಾಟ್ ಕೊಹ್ಲಿ, ಎಬಿ ಡಿ ವಿಲಿಯರ್ಸ್, ಸರ್ಫರಾಜ್ ಖಾನ್ ಇಲ್ಲದೆ ಬ್ಯಾಟಿಂಗ್ ಶಕ್ತಿ ಕೊಂಚ ದುರ್ಬಲವಾಗಿತ್ತು. ಜೊತೆಯಾಟ ಕೊರತೆ ರನ್ ಚೇಸ್ ಗೆ ಮಾರಕವಾಯಿತು

ಗೇಲ್ ಹಾಗೂ ನೆಹ್ರಾ ಆಟ

* ಆರ್ ಸಿಬಿ ಪರ ಕ್ರಿಸ್ ಗೇಲ್ 32ರನ್ ಗಳಿಸಿ ಗರಿಷ್ಠ ವೈಯಕ್ತಿಕ ಮೊತ್ತ ದಾಖಲಿಸಿದರು.
* ಆರ್ ಸಿಬಿ ಚೇಸ್ ನಲ್ಲಿ 15 ಬೌಂಡರಿ, 5 ಸಿಕ್ಸರ್ ಗಳಿತ್ತು.
* ಆಶೀಶ್ ನೆಹ್ರಾ ಅವರು ಈ ಪಂದ್ಯದಲ್ಲಿ 2 ವಿಕೆಟ್ ಗಳಿಸಿ, ಐಪಿಎಲ್ ನಲ್ಲಿ 100 ವಿಕೆಟ್ ಪಡೆದ ಮೊದಲ ಎಡಗೈ ವೇಗಿ ಎನಿಸಿಕೊಂಡರು.

ತೈಮುಲ್ ಮಿಲ್ಸ್ ಹಾಗೂ ರಶೀದ್

* ಐಪಿಎಲ್ ಉದ್ಘಾಟನಾ ಪಂದ್ಯದ ಮೊದಲ ಎಸೆತವನ್ನು ಚೊಚ್ಚಲ ಪಂದ್ಯವಾಡಿದ ತೈಮುಲ್ ಮಿಲ್ಸ್ ಎಸೆದಿದ್ದು ವಿಶೇಷ. ಆದರೆ, ಬೌಲಿಂಗ್ ನಲ್ಲಿ ಸಾಧಾರಣ ಪ್ರದರ್ಶನ ನೀಡಿ 4-31-1 ವಿಕೆಟ್ ಪಡೆದರು.
* 18 ವರ್ಷ ವಯಸ್ಸಿನ ರಶೀದ್ ಖಾನ್ ಅವರು ಐಪಿಎಲ್ ಆಡಿದ ಮೊದಲ ಅಫ್ಘಾನಿಸ್ತಾನ ಕ್ರಿಕೆಟರ್ ಎನಿಸಿಕೊಂಡರು. 4 ಕೋಟಿ ರುಗೆ ಖರೀದಿಸಲ್ಪಟ್ತ ರಶೀದ್ ಇಂದಿನ ಪಂದ್ಯದಲ್ಲಿ ಲೆಗ್ ಸ್ಪಿನ್ ಮೂಲಕ 4 ಓವರ್ ಗಳಲ್ಲಿ 2/36 ಗಳಿಸಿದರು.

ಆರ್ ಸಿಬಿ ಪರ ಚಾಹಲ್

* ಐಪಿಎಲ್ 10ರ ಮೊದಲ 4 ಹಾಗೂ 6 ಎರಡನ್ನು ಡೇವಿಡ್ ವಾರ್ನರ್ ಅವರು ಮಿಲ್ಸ್ ಬೌಲಿಂಗ್ ನಲ್ಲಿ ಗಳಿಸಿದರು.
* ಆಸ್ಟ್ರೇಲಿಯಾದ ಮೊಯ್ಸಿಸ್ ಹೆನ್ರಿಕ್ಯೂಸ್ ಅವರು 37 ಎಸೆತಗಳಲ್ಲಿ 52ರನ್ (3‍X4, 2X6)ಗಳಿಸಿ ಉತ್ತಮ ಆಟ ಪ್ರದರ್ಶಿಸಿದರು.

* ಆರ್ ಸಿಬಿ ಪರ ಯಜುವೇಂದ್ರ ಚಾಹಲ್ ಮಿತವ್ಯಯಿ ಬೌಲರ್ ಎನಿಸಿಕೊಂಡು 4 ಓವರ್ ಗಳಲ್ಲಿ 1/22 ಮಾತ್ರ(5.50 ಸರಾಸರಿ) ನೀಡಿದರು.