ಮುಖ್ಯಾಂಶಗಳು: ಸ್ಟೀವ್ ಸ್ಮಿತ್ ಭರ್ಜರಿ ಆಟ, ತಾಹೀರ್ ಸ್ಪಿನ್ ಜಾದೂ

ನಾಯಕನಾಗಿ ಮೊದಲ ಗೆಲುವು

* ರೈಸಿಂಗ್ ಪುಣೆ ಸೂಪರ್ ಜೈಂಟ್ ತಂಡದ ನಾಯಕನಾಗಿ ಸ್ಟೀವ್ ಸ್ಮಿತ್ ಅವರಿಗೆ ಇದು ಮೊದಲ ಗೆಲುವಾಗಿದೆ.
* 180 ಪ್ಲಸ್ ರನ್ ಗಳಿಸಿ ಇದುವರೆವಿಗೂ ಐಪಿಎಲ್ ನಲ್ಲಿ ಮುಂಬೈ ಇಂಡಿಯನ್ಸ್ ಸೋಲು ಕಂಡಿರಲಿಲ್ಲ. ಇದು ಮೊದಲ ಸೋಲು.
* ಮಹಾರಾಷ್ಟ ಕ್ರಿಕೆಟ್ ಅಸೋಸಿಯೇಷನ್ ಮೈದಾನದಲ್ಲಿ ಪುಣೆಗೆ ಮೊದಲ ಜಯ.

ಸ್ಮಿತ್ ಗೆ ಸಿಕ್ಕಿತ್ತು ಜೀವದಾನ

* ಸ್ಮಿತ್ ಅವರು 36ರನ್ ಗಳಿಸಿದ್ದಾಗ ಮಿಚೆಲ್ ಮೆಕ್ ಕ್ಲೆನೆಗನ್ ಬೌಲಿಂಗ್ ನಲ್ಲಿ ನೀಡಿದ್ದ ಕ್ಯಾಚನ್ನು ನಿತಿಶ್ ರಾಣಾ ಕೈ ಚೆಲ್ಲಿದರು.
* ಸ್ಮಿತ್ 54 ಎಸೆತಗಳಲ್ಲಿ 84 ರನ್ ಗಳಿಸಿ 7 ಬೌಂಡರಿ ಹಾಗು 3 ಸಿಕ್ಸರ್ ಸಿಡಿಸಿ ಅಜೇಯರಾಗಿ ಉಳಿದರು.
* ಕೊನೆ ಓವರ್ ನಲ್ಲಿ 13 ರನ್ ಬೇಕಿತ್ತು. ಪೊಲ್ಲಾರ್ಡ್ ಬೌಲಿಂಗ್ ಎದುರಿಸಲು ಎಂಎಸ್ ಧೋನಿ ಸ್ಟ್ರೈಕ್ ನಲ್ಲಿದರು. ನಂತರ ಸ್ಟ್ರೈಕ್ ಗೆ ಬಂದ ಸ್ಮಿತ್ ಸತತ 2 ಸಿಕ್ಸ್ ಸಿಡಿಸಿ ಪಂದ್ಯ ಗೆಲ್ಲಿಸಿದರು.

ಅಶೋಕ್ ದಿಂಡಾ ದಾಖಲೆ

ರೈಸಿಂಗ್ ಪುಣೆ ಸೂಪರ್ ಜೈಂಟ್ ಪರ ಅಶೋಕ್ ದಿಂಡಾ ಕೊನೆ ಓವರ್ ಎಸೆದು 30ರನ್(1 ಬೈ ಸೇರಿ) ನೀಡಿ ಐಪಿಎಲ್ ಇತಿಹಾಸದ ಅತ್ಯಂತ ದುಬಾರಿ 20ನೇ ಓವರ್ ದಾಖಲೆ ಬರೆದರು.
* ಈ ಪಂದ್ಯದ ಸ್ಪೆಲ್ ಸೇರಿದಂತೆ 4 ಬಾರಿ ಐಪಿಎಲ್ ನಲ್ಲಿ 50 ಪ್ಲಸ್ ರನ್ ಕೊಟ್ಟಿದ್ದಾರೆ. 0/57 ಈ ಪಂದ್ಯದಲ್ಲಿ ಚೆಚ್ಚಿಸಿಕೊಂಡರು.
* ಹಾರ್ದಿಕ್ ಪಾಂಡ್ಯ ಹ್ಯಾಟ್ರಿಕ್ ಸಿಕ್ಸ್ ಸಿಡಿಸಿದರು. 6, 6, 6, 4, 6, 1 wide (run out), 1 bye

ಪುಣೆ ರನ್ ಚೇಸಿಂಗ್ ಸೂಪರ್

* ರೈಸಿಂಗ್ ಪುಣೆ ಸೂಪರ್ ಜೈಂಟ್ ಪರ ಲೆಗ್ ಸ್ಪಿನ್ನರ್ ಇಮ್ರಾನ್ ತಾಹೀರ್ ಅವರು 4 ಓವರ್ ಗಳಲ್ಲಿ 3/28 ಗಳಿಸಿ ಉತ್ತಮ ಪ್ರದರ್ಶನ ನೀಡಿದರು.
* ಮುಂಬೈ ಇಂಡಿಯನ್ಸ್ 12 ಬೌಂಡರಿ ಹಾಗೂ 6 ಸಿಕ್ಸರ್ ಸಿಡಿಸಿತು.
* ರೈಸಿಂಗ್ ಪುಣೆ ಸೂಪರ್ ಜೈಂಟ್ 18 ಬೌಂಡರಿ ಹಾಗೂ 6 ಸಿಕ್ಸರ್ ಗಳಿಸಿತು