ಡೆಲ್ಲಿ ವಿರುದ್ಧದ ಆರ್‌ಸಿಬಿ ಸೋಲಿಗೆ ಕಾರಣ ತಿಳಿಸಿದ ಎಬಿ ಡಿವಿಲಿಯರ್ಸ್

ಡೆಲ್ಲಿ ಕ್ಯಾಪಿಟಲ್ಸ್‌ಗೆ ಶ್ರೇಯಸ್ಸು

ಆರಂಭದಲ್ಲಿ ಬಿರುಸಿನ ಆಟವಾಡಿದ ಶ್ರೇಯಸ್ಸನ್ನು ಎಬಿಡಿ, ಡೆಲ್ಲಿ ತಂಡಕ್ಕೆ ನೀಡಿದ್ದಾರೆ. 196 ಖಂಡಿತವಾಗಿಯೂ ದೊಡ್ಡ ಮೊತ್ತ. ಅದಕ್ಕೆ ಅವರಿಗೆ ಶ್ರೇಯಸ್ಸು ನೀಡಬೇಕು. ಅವರು ಮೊದಲ ಆರು ಓವರ್ ತುಂಬಾ ಚೆನ್ನಾಗಿ ಆರಂಭ ನೀಡಿದರು. ನಾವು ಸಹ ಅವರನ್ನು ನಿಯಂತ್ರಿಸುವಲ್ಲಿ ಚೆನ್ನಾಗಿ ಆಡಿದ್ದೆವು. ನಮ್ಮ ರಕ್ಷಣಾತ್ಮಕ ಬೌಲಿಂಗ್‌ಅನ್ನು ಅಳವಡಿಸಿಕೊಳ್ಳುವಲ್ಲಿ ನಾವು ಬಹಳ ನಿಧಾನಗತಿ ಅನುಸರಿಸಿದ್ದೆವು ಎಂದಿದ್ದಾರೆ.

ಬೌಲಿಂಗ್ ಸಾಮರ್ಥ್ಯ ಬಳಸಿಕೊಳ್ಳಲಿಲ್ಲ

ಇದು ಪರಿಸ್ಥಿತಿಯನ್ನು ಚೆನ್ನಾಗಿ ಬಳಸಿಕೊಳ್ಳಬೇಕಾದಂತಹ ಪಿಚ್‌ಗಳಲ್ಲಿ ಒಂದು. ಆ ಪರಿಸ್ಥಿತಿಗೆ ಹೊಂದಿಕೊಂಡು ನಿಖರವಾಗಿ ಬೌಲಿಂಗ್ ಮಾಡಬೇಕಿತ್ತು. ದುರದೃಷ್ಟವಶಾತ್ ನಾವು ಸುಮಾರು 20 ರನ್ ಅನ್ನು ಹೆಚ್ಚುವರಿಯಾಗಿ ಬಿಟ್ಟುಕೊಟ್ಟೆವು ಎಂದು ಎಬಿ ಡಿವಿಲಿಯರ್ಸ್, ಬೌಲಿಂಗ್ ವೈಫಲ್ಯದ ಬಗ್ಗೆ ಹೇಳಿದ್ದಾರೆ.

ಆರ್‌ಸಿಬಿ ಸೋಲಿನ ಬೆನ್ನಲ್ಲೇ ಇದೇನು ಹರಿದಾಡುತ್ತಿರುವ ಹೊಸ ಸುದ್ದಿ

ಫೀಲ್ಡಿಂಗ್‌ನಲ್ಲಿ ಯಡವಟ್ಟುಗಳು

ನಾವು ನಮ್ಮ ಕೌಶಲಗಳನ್ನು ಸರಿಯಾಗಿ ಪ್ರದರ್ಶಿಸದ ಆ ದಿನಗಳಲ್ಲಿ ಒಂದು. ನಾವು ಒಂದು ಕ್ಯಾಚ್ ಬಿಟ್ಟೆವು, ಫೀಲ್ಡಿಂಗ್‌ನಲ್ಲಿ ಒಂದಷ್ಟು ತಪ್ಪುಗಳನ್ನು ಮಾಡಿದೆವು. ಕೆಲವು ಗಲಿಬಿಲಿಗಳು ಅವರಿಗೆ ಕೊನೆಯಲ್ಲಿ 20-30 ರನ್‌ಗಳನ್ನು ಹೆಚ್ಚುವರಿಯಾಗಿ ನೀಡಿದೆವು. ಇದು ನಾವು ಬ್ಯಾಟಿಂಗ್‌ಗೆ ಇಳಿಯುವಾಗ ದೊಡ್ಡ ಮಟ್ಟದ ಬದಲಾವಣೆ ಉಂಟುಮಾಡುತ್ತಿತ್ತು ಎಂದಿದ್ದಾರೆ.

ಬಹಳ ಕೆಟ್ಟದಿನ

ಆರ್‌ಸಿಬಿಯ ಬ್ಯಾಟಿಂಗ್‌ನಲ್ಲಿ ಮಾಡಿದ ತಪ್ಪನ್ನು ಅವರು ಒಪ್ಪಿಕೊಂಡಿದ್ದಾರೆ. ಡೆಲ್ಲಿ ವಿರುದ್ಧದ ಪಂದ್ಯದಲ್ಲಿ ಬೌಲಿಂಗ್ ಜತೆಗೆ ಬ್ಯಾಟಿಂಗ್ ಕೂಡ ಕಳಪೆಯಾಗಿತ್ತು. ಇದು ನಮ್ಮ ತಂಡಕ್ಕೆ ಬಹಳ ಕೆಟ್ಟ ದಿನ ಎಂದು ಡಿವಿಲಿಯರ್ಸ್ ಹೇಳಿದ್ದಾರೆ.

ಫೀಲ್ಡಿಂಗ್ ಆಯ್ದುಕೊಂಡಿದ್ದಕ್ಕೆ ಕಾರಣ

ಕಳೆದ ಪಂದ್ಯದಲ್ಲಿ ಚೆನ್ನೈ ಚೇಸಿಂಗ್‌ನಲ್ಲಿ ಗೆದ್ದಿತ್ತು. ನಾವು ಮುಂಬೈ ವಿರುದ್ಧ ಕಳೆದ ಪಂದ್ಯವನ್ನು ಇಲ್ಲಿ ಆಡಿದ್ದೆವು. 200ಕ್ಕೂ ಅಧಿಕದ ಉತ್ತಮ ಮೊತ್ತ ಗಳಿಸಿದ್ದೆವು. ಮುಂಬೈ ಸಹ ಚೇಸಿಂಗ್‌ನಲ್ಲಿ ಸಮೀಪ ಬಂದಿದ್ದರು ಎಂದು ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿದ ಕ್ರಮವನ್ನು ಸಮರ್ಥಿಸಿಕೊಂಡಿದ್ದಾರೆ.

ಇಬ್ಬನಿ ಬೀಳದಿರುವುದು ಡೆಲ್ಲಿಗೆ ನೆರವಾಯಿತು

ರಾತ್ರಿ ಅಷ್ಟಾಗಿ ಇಬ್ಬನಿ ಇರಲಿಲ್ಲ. ಎರಡನೆಯ ಇನ್ನಿಂಗ್ಸ್ ವೇಳೆ ಚೆಂಡು ಹೆಚ್ಚು ಒದ್ದೆಯಾಗುತ್ತಿರಲಿಲ್ಲ. ಇದನ್ನು ನೆಪ ಎಂದು ಜಾರಿಕೊಳ್ಳುವುದಿಲ್ಲ. ನಾನು ಮೊದಲೇ ಹೇಳಿದಂತೆ ನಾವು ಚೆನ್ನಾಗಿ ಬ್ಯಾಟಿಂಗ್ ಮಾಡಲಿಲ್ಲ. ಯಾವುದೇ ಉತ್ತಮ ಜತೆಯಾಟ ನೀಡಲಿಲ್ಲ. ಆದರೆ ಸ್ವಲ್ಪ ಒದ್ದೆಯಾಗುವ ವಾತಾವರಣ ಇದ್ದಿದ್ದರೂ ದೆಹಲಿ ಬೌಲರ್‌ಗಳಿಗೆ ಕಷ್ಟವಾಗುತ್ತದೆ ಎಂದು ಲೆಕ್ಕಾಚಾರ ಹಾಕಿದ್ದೆವು. 40 ಓವರ್ ಉದ್ದಕ್ಕೂ ಒಣ ಹವೆ ಇತ್ತು. ಅವರದು ನಮಗಿಂತ ಒಳ್ಳೆಯ ತಂಡವಾಗಿತ್ತು ಎಂದು ಡಿವಿಲಿಯರ್ಸ್ ಹೇಳಿದ್ದಾರೆ.