Click it and Unblock the Notifications
ಆತನ ಸಮಯ ಬರುತ್ತದೆ
ಹಿಂದೂಸ್ತಾನ್ ಟೈಮ್ಸ್ ಸಂದರ್ಶನದಲ್ಲಿ ಮಾತನಾಡಿದ ಸೌರವ್ ಗಂಗೂಲಿ, 'ಸೂರ್ಯಕುಮಾರ್ ಒಬ್ಬ ಒಳ್ಳೆಯ ಆಟಗಾರ. ಆತನ ಸಮಯ ಬರುತ್ತದೆ. ಕೊಂಚ ಕಾಯಲಿ,' ಎಂದಿದ್ದಾರೆ. ಸೂರ್ಯಕುಮಾರ್ ಯಾದವ್ ಐಪಿಎಲ್ ಮತ್ತು ದೇಸಿ ಕ್ರಿಕೆಟ್ನಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ಆದರೆ ಅವರಿಗೆ ಭಾರತ ತಂಡದಲ್ಲಿ ಇನ್ನೂ ಸ್ಥಾನ ಲಭಿಸಿಲ್ಲ.
ಐಪಿಎಲ್ನಲ್ಲಿ ಸ್ಥಿರ ಪ್ರದರ್ಶನ
2020ರ ಐಪಿಎಲ್ ಆವೃತ್ತಿಯಲ್ಲಿ ಮುಂಬೈ ಇಂಡಿಯನ್ಸ್ ಪರ ಆಡುತ್ತಿರುವ ಸೂರ್ಯಕುಮಾರ್ ಯಾದವ್ ಸ್ಥಿರ ಪ್ರದರ್ಶನ ನೀಡುತ್ತಿರುವ ಬ್ಯಾಟ್ಸ್ಮನ್ಗಳ ಸಾಲಿನಲ್ಲಿ ಗುರುತಿಸಿಕೊಂಡಿದ್ದಾರೆ. 84 ಐಪಿಎಲ್ ಇನ್ನಿಂಗ್ಸ್ಗಳನ್ನಾಡಿರುವ ಯಾದವ್ 30.06ರ ಸರಾಸರಿಯಲ್ಲಿ 1954 ರನ್ ಬಾರಿಸಿದ್ದಾರೆ. ಇದರಲ್ಲಿ 10 ಅರ್ಧ ಶತಕಗಳು ಸೇರಿವೆ.
3 ಸೀಸನ್ಗಳಲ್ಲಿ 400+ ರನ್
ದೇಸಿ ಕ್ರಿಕೆಟ್ನಲ್ಲಿ ಮುಂಬೈ ಪರ ಆಡುವ ಸೂರ್ಯಕುಮಾರ್, 2018ರಲ್ಲಿ 14 ಪಂದ್ಯಗಳಲ್ಲಿ 512 ರನ್ ಬಾರಿಸಿದ್ದರು. ಕಳೆದ ಸೀಸನ್ನಲ್ಲಿ 16 ಪಂದ್ಯಗಳಲ್ಲಿ 424 ರನ್ ಕಲೆ ಹಾಕಿದ್ದರು. ಈ ಸೀಸನ್ನಲ್ಲಿ 14 ಪಂದ್ಯಗಳನ್ನಾಡಿರುವ ಯಾದವ್ ಈಗಾಗಲೇ 410 ರನ್ ಬಾರಿಸಿದ್ದಾರೆ.
6 ಪ್ರತಿಭಾವಂತ ಆಟಗಾರರು
ಸಂದರ್ಶನದ ವೇಳೆ ಗಂಗೂಲಿ ಬರೀ ಸೂರ್ಯಕುಮಾರ್ ಯಾದವ್ ಒಬ್ಬರನ್ನೇ ಮೆಚ್ಚಿ ಮಾತನಾಡಿಲ್ಲ. ಅಲ್ಲದೆ ಇನ್ನು 5 ಯುವ ಆಟಗಾರರನ್ನೂ ಹೆಸರಿಸಿದ್ದಾರೆ. ರಾಜಸ್ಥಾನ್ ರಾಯಲ್ಸ್ನ ಸಂಜು ಸ್ಯಾಮ್ಸನ್, ಕೋಲ್ಕತ್ತಾ ನೈಟ್ ರೈಡರ್ಸ್ನ ರಾಹುಲ್ ತ್ರಿಪಾಠಿ, ವರುಣ್ ಚಕ್ರವರ್ತಿ, ಶುಬ್ಮನ್ ಗಿಲ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರಿನ ದೇವದತ್ ಪಡಿಕ್ಕಲ್ ಬಗ್ಗೆಯೂ ದಾದಾ ಶ್ಲಾಘನೆಯ ಮಾತುಗಳನ್ನಾಡಿದ್ದಾರೆ.
Continue with Google