ಐಪಿಎಲ್ 2020: ಸಿಎಸ್‌ಕೆ ವೈಫಲ್ಯಕ್ಕೆ ಕಾರಣ ಹೇಳಿದ ಬ್ರಿಯಾನ್ ಲಾರಾ

ಹಿರಿಯ ಆಟಗಾರರಿಗೆ ಬೆಂಬಲ

ವೆಸ್ಟ್ ಇಂಡೀಸ್ ತಂಡದ ದಿಗ್ಗಜ ಕ್ರಿಕೆಟಿಗ ಬ್ರಿಯಾನ್ ಲಾರಾ ಚೆನ್ನೈ ಸೂಪರ್ ಕಿಂಗ್ಸ್ ಮ್ಯಾನೇಜ್‌ಮೆಂಟ್ ಯುವ ಆಟಗಾರರ ಬದಲಿಗೆ ಹಿರಿಯ ಆಟಗಾರರ ಬೆಂಬಲಕ್ಕೆ ನಿಂತುಕೊಂಡಿತು. ಇದುವೇ ಚೆನ್ನೈ ತಂಡದ ಇಷ್ಟು ದೊಡ್ಡ ಪ್ರಮಾಣದ ವೈಫಲ್ಯಕ್ಕೆ ಕಾರಣವಾಯಿತು ಎಂದು ವಿಶ್ಲೇಷಣೆ ಮಾಡಿದ್ದಾರೆ.

ನಂಬಲು ಅಸಾಧ್ಯವಾದ ಆವೃತ್ತಿ

"ಸಿಎಸ್‌ಕೆ ತಂಡ ಸಾಕಷ್ಟು ಹಿರಿಯ ಆಟಗಾರರನ್ನು ಹೊಂದಿದೆ. ಅವರ ಲೈನ್‌ಅಪ್‌ನಲ್ಲಿ ಯುವ ಆಟಗಾರರೇ ಇರುತ್ತಿರಲಿಲ್ಲ. ವಿದೇಶಿ ಆಟಗಾರರು ಕೂಡ ಸುದೀರ್ಘ ಕಾಲದಿಂದ ತಂಡದಲ್ಲಿದ್ದಾರೆ. ಹಾಗಾಗಿ ಅವರು ಯುವಕ ಬದಲಾಗಿ ಅನುಭವಿಗಳಿಗೆ ಹೆಚ್ಚಿನ ಮನ್ನಣೆಯನ್ನು ನೀಡಿದರು. ಇದೇ ಸಂಗತಿ ಮೇಲಿದ್ದವರನ್ನು ಕೆಳಕ್ಕೆ ಬರುವಂತೆ ಮಾಡಿತು. ಅವರಿಗೆ ಇದು ನಂಬಲು ಅಸಾಧ್ಯವಾದ ಆವೃತ್ತಿ" ಎಂದು ಬ್ರಿಯಾನ್ ಲಾರಾ ಅಭಿಪ್ರಾಯಪಟ್ಟಿದ್ದಾರೆ.

ನಿರೀಕ್ಷೆ ವಿಫಲ

"ಪ್ರತಿ ಬಾರಿ ಅವರು ಕಣಕ್ಕಿಳಿಯುವಾಗಲೂ ಅವರು ಇದರಲ್ಲಿ ಬದಲಾವಣೆಯನ್ನು ಮಾಡಿಕೊಳ್ಳಬಹುದು ಎಂದು ನಿರೀಕ್ಷಿಸುತ್ತಿದ್ದೆವು. ಎರಡು ಮೂರು ಪಂದ್ಯಗಳ ಹಿಂದೆ ಗೆಲುವುಗಳನ್ನು ಕಾಣಲು ಆರಂಭಿಸಿತು. ಈ ಸಂದರ್ಭದಲ್ಲಿ ನಾಯಕ ಧೋನಿ ತಂಡದಲ್ಲಿ ಬದಲಾವಣೆಯನ್ನು ತರಲು ಸೂಕ್ತ ಸಂದರ್ಭ ಎಂದು ಬಾವಿಸಿದ್ದೆವು. ಆದರೆ ಅದು ಸಾಧ್ಯವಾಗಲಿಲ್ಲ. ಮುಂದಿನ ಕೆಲವೇ ಪಂದ್ಯಗಳಲ್ಲಿ ಯುವ ಆಟಗಾರರ ಜೊತೆ ಯಾವ ರೀತಿ ಪ್ರದರ್ಶನ ನೀಡುತ್ತಾರೆ ಎಂಬುದಕ್ಕೆ ಕಾದು ನೋಡಬೇಕಿದೆ" ಎಂದಿದ್ದಾರೆ ಬ್ರಿಯಾನ್ ಲಾರಾ.