ಎಂಎಸ್ ಧೋನಿಯ ಸಿಎಸ್‌ಕೆ ಈಗಲೂ ಪ್ಲೇ ಆಫ್‌ಗೆ ಪ್ರವೇಶಿಸಬಲ್ಲದು!

ಪ್ಲೇ ಆಫ್ ಸಾಧ್ಯತೆ ಇನ್ನೂ ಇದೆ

ಚೆನ್ನೈ ಸೂಪರ್ ಕಿಂಗ್ಸ್ ಈಗಿರುವ ಸ್ಥಿತಿಯಲ್ಲಿ ಈಗಲೂ ಲೆಕ್ಕಾಚಾರಗಳ ಆಧಾರದಲ್ಲಿ ಸಿಎಸ್‌ಕೆಗೆ ಪ್ಲೇ ಆಫ್‌ಗೆ ಹೋಗಲು ಅವಕಾಶವಿದೆ. ಐಪಿಎಲ್ ಅಂಕಪಟ್ಟಿಯಲ್ಲಿ ಚೆನ್ನೈ ಅಗ್ರ 4 ಸ್ಥಾನಕ್ಕೇರಬೇಕಾದರೆ ಉಳಿದ ಮೂರು ಪಂದ್ಯಗಳಲ್ಲಿ ದೊಡ್ಡ ಅಂತರದಲ್ಲಿ ಪಂದ್ಯ ಗೆಲ್ಲಬೇಕು.

ದೊಡ್ಡ ಗೆಲುವು ಸಿಕ್ಕರೆ ಚಾನ್ಸ್ ಇದೆ

ಚೆನ್ನೈ ನೆಟ್‌ ರನ್‌ರೇಟ್‌ ತೀರಾ ಕಮ್ಮಿಯಿದೆ. ಒಂದು ವೇಳೆ ಸಿಎಸ್‌ಕೆ ಮುಂದಿನ ಪಂದ್ಯಗಳನ್ನು ಕೆಲವೇ ಅಂತರದಿಂದ ಗೆದ್ದರೆ ನೆಟ್‌ ರನ್‌ರೇಟ್ ಸುಧಾರಿಸುವುದು ತುಂಬಾ ಕಷ್ಟ. ಹೀಗಾಗಿ ಪ್ಲೇ ಆಫ್ ಸಾಧ್ಯತೆಗಳನ್ನು ಹೆಚ್ಚಿಸಿಕೊಳ್ಳಲು ಧೋನಿ ನಾಯಕತ್ವದ ತಂಡ ಮುಂದಿನ ಮೂರೂ ಪಂದ್ಯಗಳಲ್ಲಿ ದೊಡ್ಡ ಅಂತರದಲ್ಲಿ ಗೆಲ್ಲಬೇಕು.

ಬೇರೆ ತಂಡಗಳ ಸೋಲು-ಗೆಲುವೂ ಮುಖ್ಯ

ಚೆನ್ನೈ ತಂಡ ಪ್ಲೇ ಆಫ್‌ಗೆ ಪ್ರವೇಶಿಸುವ ಸಾಧ್ಯತೆ ಸಂಪೂರ್ಣ ಚೆನ್ನೈ ಗೆಲುವೊಂದನ್ನೇ ಅವಲಂಭಿಸಿಲ್ಲ. ಬದಲಿಗೆ ಬೇರೆ ತಂಡಗಳ ಸೋಲು ಗೆಲುವನ್ನು ಅವಂಭಿಸಿದೆ. 6 ಅಂಕಗಳು ಸಿಎಸ್‌ಕೆ ಖಾತೆಯಲ್ಲಿರುವುದರಿಂದ, ಕೆಕೆಆರ್ ಮುಂದಿನ ಮೂರು ಪಂದ್ಯಗಳಲ್ಲಿ ಒಂದರಲ್ಲೂ ಗೆಲ್ಲಬಾರದು. ಅಥವಾ ಸನ್ ರೈಸರ್ಸ್ ಹೈದರಾಬಾದ್ ಮತ್ತು ಕಿಂಗ್ಸ್ 11 ಪಂಜಾಬ್ ಮುಂದಿನ 3 ಪಂದ್ಯಗಳಲ್ಲಿ 1ಕ್ಕಿಂತಲೂ ಹೆಚ್ಚಿನ ಪಂದ್ಯಗಳಲ್ಲಿ ಗೆಲ್ಲಬಾರದು. ಇನ್ನು ರಾಜಸ್ಥಾನ್ ರಾಯಲ್ಸ್ ತಂಡ ಮುಂದಿನ 3 ಪಂದ್ಯಗಳಲ್ಲಿ 2ಕ್ಕಿಂತ ಹೆಚ್ಚಿನ ಪಂದ್ಯಗಳನ್ನು ಗೆಲ್ಲಬಾರದು.

ಪಂದ್ಯ ಸೋತರೆ ಕತೆ ಮುಗಿಯಿತು

ಚೆನ್ನೈ ಸೂಪರ್ ಕಿಂಗ್ಸ್‌ಗೆ ಇನ್ನು 3 ಪಂದ್ಯಗಳು ಬಾಕಿ ಉಳಿದಿವೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ಕಿಂಗ್ಸ್ 11 ಪಂಜಾಬ್ ವಿರುದ್ಧ ಚೆನ್ನೈ ಆಡಲಿದೆ. ಇದರಲ್ಲಿ ಒಂದು ಪಂದ್ಯ ಸೋತರೂ ಚೆನ್ನೈ ಹೊರ ಬೀಳಲಿದೆ. ಪಂದ್ಯಗಳನ್ನು ಗೆದ್ದರೂ ಹೆಚ್ಚು ಅಂತರದಿಂದ ಗೆದ್ದರಷ್ಟೇ ಪ್ಲೇ ಆಫ್ ಆಸೆ ಜೀವಂತವಾಗಿರಲಿದೆ.